لبزانک چےءَ گوش اَنت؟…..الی جُمّا زامرانی

لبزانک ادب ءِ نام اِنت کہ بلوچی ءَ لبزانک رواج گپتگ ءُُ لبزانک ءِ تہءَ انسانءِ زند ءُُ کائیناتءِ ھما چیز کہ پہ انسان ءُُ اے دگہ مھلوکاتانی حاترا پاکیں ھاوند ءَ جوڑ کرتگ اَنت ءُُ ادبءِ تہا ادیب آیانی باروءَ وتی دیدانک ءُُ ھیالاں ندءِ زبانءَ درشان کن اَنت ءُُ جھانءِ چست ءُُ ایر ءُُ گرم ءُُ سرد ءُُ روچ ءُُ شپ ءُُ وھد ءُُ دمانءِ تہا کاراَنت ءُُ ھمے چیزاں گوں ندءِ شھارءَ کاگدانی سرءَ نکش کنگ ءُُ چاگردءِ تہا شون دیگ بزاں ھما گال ءُُ گپتار ءُُ ھما درد ءُُ دور ءُُ ھما جاور ءُُ داستان کہ انسانءِ زند ءُُ جھانءِ جاوراں ھمگرنچ اَنت ءُُ آیاں زانتکار ءُُ کواس ءُُ اُستاد ءُُ نبشتانکار ءُُ ندکار نبشتہ کن اَنت ءُُ دیمءَ۔کار اَنت دومی َ ادب ءُُ لبزانکءِ بازیں تھرے ھست ءُُ ھرچ زانتکاریں ادیبے وتی تھرءِ تہءَ نبشتہ کنت,یکے پہ راجکاریءِ بارواءُُ چاگردءِ چست ءُُ ایر ءُُ جھانءِ ترانکانپولی باروءَ نبشتہ کنت لھتیں جھان پتائیں موکو ٹٹ ءُُ نوکیں سازءُُ سامانی باروءَ نبشتہ کنت لھتے لشکر ءُُ پاسپانانی سلاح ءُُ توپنگ ءُُ بالی گراب ءُُ جنگی سازءُُ ازبابانی باروءَ شوک ھست ءُُ نبشتہ کنت لھتے ھاکم وھدءِ وزبت ءُُ ستایا کنت ءُُ نبشتہ کنت لھتے پہ وتی چاگردءُُ مھلوکءِ واستَ ءَ نبشتہ کنت لھتیں شائری ءُُ لچہ کاری کنت ءُُ کائینات ءُُ جاور ھال ءُُ زند ءِ وشی ءُُ پُل ءُُ گلابءُُ وتی مھرءِ مھگونگءَ نازینیت ءُُ لھتے راج نازینک نبشتہ کنت ءُُ وتی راج ءُُ ڈیھءَ نازینیت لھتے رم نبیسی کنت لھتے آزمانک ءُُ گیدی کسہ ءُُ کسمانک ءُُ گدار نبشتہ کنت لھتیں نمدی نبیسی ءُُ بُت کشی ءُُ شرگداری کنت لھتیں زندھال ءُُ سرگوست ءُُ جاور ھالاں نبشتہ کنت بزاں ھما چیزءُُ ھیال ءُُ لیکہ ءُُ نبشتانک کہ انسانءِ زند ءُُ چاگر ءُُ کائیناتءِ ندارگ کہ ندءِ زبانءَ نبشتانکار نبشتہ کن اَنت ءُُ مردم ءُُ مھلوکانی دیمءَ کاینت ءُُ وان انت ءُُ پدءَ آیاں وتی ھیالانی تہا کار انت ءُُ ھما ھیال ءُُ ندارگ ءُُ کارکرد وانوک ءَ بہ جیڑین انت ھمیشی ءَ ادب ءُُ لبزانک گوش اَنت!!!!