کرونا کیمپئین سیاسی سکینڈل…..ناشناس بلوچ

گُلیں وانوکاں انوگیں مئے اے چاگِرد انچیں جاوراں مان گیش اِتگ کہ گپ کنگ گران اِنت۔ بلے۔۔۔۔۔
بیائے من یک راست ءُُ حقیقت ایں وئیل ئے ءِ گپ ءَ کنگ لوٹاں کہ اے وئیل ھمے ھفتگ ءَ بوتگ۔۔۔ دلگوش۔
کرونا ءِ وباءَ پد وھدے اوست ویلفئیر ءِ سنگتاں کیمپئین بِندات کُت گڑاں 99% (نود ءُُ نو در سد) مردُم سرپد اِتاں کہ اوست ویلفئیر اے جُھد ءَ کنگائیں ماں کیچ ءَ کِفا دوست گوں سنگتاں کہ آیانی جُھد سد ستا کرزیت من گُشاں کِفا دوست ءِ پیمیں پُسّگ بلوچ ءِ زندگیں نام اَنت کہ زِندگ باتاں۔ راجدپتر وتی اے بچّاں ھچ فراموش نہ کنت۔
اے وئیل پنجگور بوتگ بیائے نوں دِلگوش کن ایں!!!!
پنجگور ءَ عبدوست نور، حاجی جاوید رودینی، سید زاھد شاہ، میر اورنگزیب، شاہ زیب۔زہیر سید، ناصر بلوچ چہ اوست ءِ مرکزی سنگتانی نیمگ ءَ پہ پنجگور ءِ کمیٹی ءَ نامینگ بوتاں۔ ھمیشانی نام من اوست ءِ جار ءِ تہا دیست۔
انچُش کہ شُما سرپدے اوست ویلفئیر یک گِھبودی گل ئے ءُُ آئی ءَ گوں ھچ ڈولیں سیاست ءَ کار نیست گڑاں اوست ءِ سنگت بِلا امتیاز بِزاں بگیر پرک ءُُ درک او بگیر سیاسی ھمگرنچی ءُُ لالچ ءَ ھما بزّگ ءُُ نادست رس ایں پوریا گِرانی شوھاز ءَ درکپتاں آیاں اِدارہ ءِ آئینی ءُُ قانونی لوٹانی پدا نام لِسٹ کُرتاں گوں موبائیل نمبر ءُُ پجار کارڈ ءِ نمبر ءُُ ایڈریس ءَ داں ھمے نامانی لڑ جوڈ بہ بیت ءُُ مُستحق ایں مردُماں آیانی حق پہ جوانی سر بہ بیت۔ چیا کہ اوست یک فردے نہ انت یک اِدارہ ئے۔ نہ کہ اوست سیاسی گل ئے کہ ایوکا ھمائی کُمک ءَ بِکنت کہ آئی ءَ ووٹ دنت۔۔ اوست ءِ سلوگن اِنت کہ جُھد پہ ہر کسءَ اوست پہ بے وس ءَ۔۔۔۔
اوست نادراہ ئے دست گِپت اوں چِک ءُُ تان کنت یا اگاں اے ڈولیں کُمک ئے کنت اوں چِک ءُُ تان الم کنت ما ہر وھدءَ دیستگ چیا کہ اوست ھِساب گِرگ بیت چہ سوشل ویلفئیر ءَ اوں ءُُ چہ وتی جِند ءِ آڈٹ کمیٹی ءُُ مشاورتی کمیٹی ءَ ھمُک ماہ ھِسابانی چِک تان بیت جُست پُرس بیت،، کس ھچ پیم جھل بُرز کُت نہ کنت اوست ءِ ھمے گپ من ءَ سک دوست بیت۔ اگاں 10 مردُم کُمک کنگ بیت گڑاں 10 گُشگ بیت کم ءُُ گیش کنگ ءِ گُنجائش نیست چُش کہ دگہ باز مردُماں کہ انفرادی ھوالہ ءَ کارکتگ آیاں 10 آرا یک زیروے بِر کُتگ ءُُ 100 کُتگ وتی نامینگ ءِ ھاتِرا۔ زر چوں ھرچ بوتگاں،،، چے چے سامان دئیگ بوتگ،،، جُست پُرس کنوک نیست،، ھمے مرُدماں کہ جار جتگ ایشانی جار ءِ پدا کُمک کنوک ھم جُست کُت نہ کناں۔۔ ادا کرپشن بیت ہرچی بیت کس زمہ واری زرت نہ کنت چیا کہ کمک داں اِنپرادی جار جنوک ءَ ھمے گشگ ءُُ سر کنگ بوتگ کہ آ بِزانت ءُُ آئی ایمان ھیر اے گپاں شما سرپدے ھمیھاترا انپِرادی کُمک ءَ چہ شر تِر انت کہ یک منزّم ءُُ پلگاریں ادارہ ئے ءَ سر کنگ بہ بنت گِھتِر اِنت۔
دِگہ جیڑہ ئے۔۔۔۔۔ باز مردُم بیمار ءُُ نادارہ آنی ھاترا جار جن اَنت آیانی پون نمبرا دیاں کہ کمک اش بکن ئے یا وتی ویڈیوے جوڈ کناں کہ من نہ کشتگ ھِلار نہ اِنت دست گِر ایشی ءَ او دست گر آئی ءَ۔ بلے۔۔۔۔۔۔۔ ادا بیائے کہ بلائیں ردی ئے بوگا انت۔ باز مردم وا دروگ بندیت کہ من نادست رساں او اے نام لوٹوک ہمایانی پوسٹاں دیاں جار جنان دُنیا ءَ سرا زور اَنت۔ باز مردم پدا وتی اِلاج ءَ نہ کنت چُش کہ باز رند بوتگ ءُُ ما کُل سرپدیں او انگت ھما زرانی سرا کوکار انت۔ ءُُ دگہ بازیں مردمانی زر چہ لِمِٹ ءَ سر گوزاں اِداں جُست پرس کنوک نیست۔ اے ردی بایدیں چارگ بہ بیت ٹپّاسگ بہ بیت ءُُ ھمے نام لوٹوک ایں جار جنوک کڈّن کنگ بہ بنت ھاموش بوگی نہ اِنت۔
بہ بکش اِت ما نوں کائیں وتی وئیل ءِ نیمگ ءَ چیا کہ اے وئیل ءَ مارا انچیں سبک ئے دنت کہ شُمارا داں سر کنگ المّی اِنت اے ھمے ردی اِنت کہ گوں بُرزءَ نِبشتہ کتگ ایں ردی آں ھمگرنچ اِنت۔
جی ھو پنجگور ءِ سنگتاں لِسٹ کہ سرجم کُت اَنت گڑاں لِسٹ پہ آڈِٹ بِزاں چِک تان ءَ ایر کنگ بوتاں ءُُ دِگہ یک المّی ایں ھبرے کناں کہ اوست ءِ ھمے سنگت کہ زمہ واری دئیگ بوتاں گڑاں اوست ویلفئیر آرگنائزیشن ءَ جارے شِنگ کُتگ اَت الّم شمئے دیما گوستگ کہ مارا رزا کار ہم لوٹیت کہ وتی ھند ءُُ دمگاں لِسٹانی جوڈ کنگ ءَ کُمک بہ کناں دمگ دمگ ءُُ میتگ میتگ ھمے وڈ اوست کمیٹی ءِ نمبر ھم دئیگ بوتاں داں کمیٹی ءِ سنگاں گُشت کہ نمبراں دئیگ ءَ رند چہ مُلک ءَ ءُُ گیش چہ در مُلک ءَ مارا نام نھاد بِزاں ھُشکیں نام والا گِھبودی گلانی جوڈ کنوک رابِتہ کنگایاں کہ بیا پہ من کار بکن مئے نمائیندگ جوڈ بووووو۔۔۔۔۔ اے چوں؟ اوست ءَ اے سنگتانی نمبر داتگاں کہ رزا کار رابِتہ بکناں اے وت گُڑیں گلانی سروکاں ھوش مان نیست یا چوں؟ اگاں اے گلاناں دمگاں یا مُلک ءَ شھر شھر ءَ نمائندگ نیست گڑاں اے گل چوں کار کن اَنت؟؟؟ اجیب ایں گپ ئے گند ءِ؟؟؟
ھیر نوں ما وتی اسل وئیل ءِ نیمگ ءَ کائیں۔۔
ھمے لِسٹ کہ سنگتاں پہ آڈٹ بزاں چِک تان ءَ ایر کُراں داں اوست ءِ وتی سنگانی لِسٹ ساپ در کپت ءُُ ھچ وڈیں کمی بیشی نیست اَت بلے ھمے لِسٹ کہ بازیں دمگاں چہ رزا کارانی نیمگ ءَ دئیگ بوتگ اِتاں 200 مردُم انچیں در کپت کہ آ ایوکا سیاسی مول مُرادانی ھاترا جوڈ کنگ بوتگ ءُُ ھاسیں پارٹی ورکر کہ آ مُلازم اَنت۔۔ چار پنچ زمباد است اش یا است مند اَنت بزاں مُستھِک نیاں۔۔ گڑاں اوست ءِ سنگتاں اے کُلّیں لِسٹ ریجکٹ کُرتاں۔۔ بلے بیا کہ بلا گُرک نہ بوت بلا اپتار بوت۔۔۔۔ اے وھداں کہ اوست چِک تان کنگ ءَ اَت مشورہ ءُُ سلاہ بوگا اَت داں ھمے وھد ءَ سیاسی پارٹی آں وتی وتی ورکرانی ھاترا راشن کُمک سر کنگ بِندات کُت نام گریب ءِ کارمز بوگا اَت بلے راشن شوکیں گیٹانی دپ ءَ سر بوگا اِتاں۔۔۔ گڑاں ھمے 200 مردم کہ ریجکٹ بوتگ اَت ایشاں چہ بازینے ءَ سیاسی کمک سر نہ بوت چیا کہ آیاں ھمے گلت پھمی بوتگ اَت کہ ایشاں وا اوست دنت۔۔۔ بلے اوست چوں دنت اے گپ ایشاں نہ مار اِتگ منی ھیال ءَ۔
گڑاں ھمے مردماں کہ دیست دنیا ءَ راشن سر بوت ما پشت کپت ایں، ایشاں ھمے سیاسی لسٹ جوڈ کنوک جُست کرتاں گڑاں ھمے مردماں آیاناں اے جواب دات کہ مئے پارٹی ءَ اوست ءِ کمیٹی ءَ کمک سر کرتگاں ھما شمارا دیاں۔۔ اے مردماں کہ اوست رابِتہ کت کہ مئے راش کُج اَنت ھمے کہ مئے پارٹی ءَ داتگاں گڑاں اوست ءِ سنگتاں آ مردُم جواب کُرتگ اَنت چیا کہ اوست ادارہ ئے وتی راھبندانی پابند اِنت۔ ھمے مردُم گُشگ بوتگاں کہ شمئے نام در کنگ بوتگ کہ شما مُستَھِک نہ اِت او اگاں لوت اِت شمارا پاشک ہم کناں کہ شما گریبانی ھکّاں ورئے۔۔ اداں نوں گپ ایش انت کہ یک ئے سیاسی مرُدم گریب ءِ نام ءَ راشن آں وتی دل پسند او وتی ورکراں بھر کناں او پدا زُلم ایش اِنت کہ دگہ گریب ئے کُمک ءَ سر کنگ ءَ اوں نیلیت وتی است مند او مال داریں ٹھیکہ داریں ورکراں گیش ارزشت دنت۔۔چیا کہ گریب آئی کارا نہ ائیت۔۔۔۔ ھمے پیم اِنپِرادی کُمک کنوکاں اِشکنگ ءَ اوست ءِ نام ءَ در مُلک ءِ مردُماں چہ زر گِپتگ۔ داں ھدے ءَ ناکام بوتگ اَنت۔۔ او مُلک ءَ اوں ھمے اِنپِرادی کمک کنوکاں مھلونک گُشتگ کہ ما اوست کمک کتگ۔۔۔ بس دروگ بستگ۔۔ ھمے پیم بوت کنت کیچ ءَ بوتگ یا بیت بلے من سرپد نیاں اے ھما دمگانی زمہ وار ءُُ باشعوریں انسان دوستانی کار انت کہ اے وڈیں کِرداں پاشک بہ کناں۔۔ ھاموش مہ بنت۔۔۔۔
ھمے وڈیں زالمیں مردُم گیشتِر انچیں ناگھانی وئیلانی آماچ بنت ءُُ برباد بنت کہ سر اِش پر نہ بیت چیا کہ اللہ ءِ نزام ءِ تھا اللہ وت ھِساب گِروک اِنت ا کدی کہ ھِساب گِپت زانگ نہ بیت۔ ھمے ڈولیں مردُمانی سرا وباء کئیت ھمے وڈیں زالِم دگہ باز مردُم کشاریناں برباد کناں اگاں دگہ مردمے ایشانی سبب ءَ تباہ بیت گڑاں ایشی اوں سبب ئے است۔ سبب ایش اِنت کہ اے مردُماں زُلم دیستگ ھاموش بوتگاں ھچ نہ گُشتگ۔۔ زالُم دیستگ اَنت آیانی اھترام اش کرتگ چہ تُرس ءَ۔۔۔۔ گڑاں اے مردم اوں وتی تباہی ءِ زمہ وار وتاں کہ زُلم اش سگّ اِتگ۔۔چیا کہ مزلوم چہ زالم ءَ گنتِر اِنت۔۔۔۔ سلامت باتے۔۔۔۔ جُھد بہ کن اِت کہ چہ اللہ ءِ ھِساب ءَ وتا رکّین اِت۔۔