ثمر قند ساہیکلے روح زمین است بخاراقوت اسلام دین است…..یار جان بادینی ؔ

ڈاکٹر مصطفی ءِ جنک فاطمہ ءِ سیر اکتوبرے 5تاریخ ءَ اُزبکستان ءِ شہر بخارا بوھگا اَت۔ڈاکٹر مصطفی ءَ منا باز گُشت کہ تہ لازم منی جنئکءِ آروس ءَ کائے۔من ھو کرت زندگی منت من لازم فاطمہ ءِ آروس ءَ کایاں۔من لوٹت کہ سفرءِ واستا منا ہمراہے بہ بیت۔شروع ءَ واجہ ہاشم غلزئی تیار اَت بلے نوکیں چیف سیکریٹری ءِ آیگ ءَ پد آئی پروگرام کینسل بوت۔پدا من وتی یونیورسٹی فیلو پسندخان بلیدی ءَ گُشت۔آئی ءَ ھو کرتءُُ وتی پاسپورٹ ءِ کاپی منی سرا روان دات۔من زُوت وتیءُُ آئی پاسپورٹ کاپی تاشقندءَ میر اویسءِ سرا راہ دات کہ ُزوت مئے واستادعوت نامہ دیم بدئے،روسی زبان ءَ دعوت نامہ ءَ ”پرگلا شنہ“ گش اَنت۔ میر اویس ءَ سَے روچے تہا مئے دعوت نامہ دیم دات۔دعوت نامہ من پسند خانءَ دیم دات،آئی ءَ منا فون کرت کہ منی ٹرانسفر اسلام آباد ءَ بوتگ،اودا منی واستااین او سی ءِ ے گرگ باز گران ءُُ مشکل اِنت۔انوں پسند خانے پروگرام ھم کینسل بوت۔من پدا یک تنہا منت۔ من چارت سفر ءَ ہمراداری لازمی اِنت۔من وتی ناکو زھگ نصیر احمد ءَ صلاح جت چیاکہ آئی ءِ منا پیشءَ گُشتگ اَت،ھر وھدے تہ ڈّنا شُت ئے منا لازم وتی ھواری ءَ برئے۔من سیل کرت کہ انوّں پدا ازبکستان ءَ چہ دعوت نامہ لوٹگ سک گران انت ءُُ منی گورا وھد ھم کم انت۔من پکر کرت۔دماغ ءَ ات کہ اسلام آباد ءَ اُزبکستان ءِ سفیر فرقات صدیقووف منی درستی راستی اِنت آئرا مردم لوٹے بکنت،من آئی ءَ را فون کرت کہ من اُز بکستان ءَ آروسےءَ روگاوں من ءَ سنگتے دعوت نامہ لوٹتگ بلے آ دز گٹ بوت انوّں من تنہا اوں،منی کزن نصیر احمد گوں من آیگ لوٹیت۔آئرا دو ھفتگ ءِ ویزہ یے بدئے۔سفیر ءَ گُشت ما ادءَ چہ وتی ویزہ بند کرتگ ھر کس ویزہ لوٹیت چہ ٹورسٹ کمپنیءَ سیلءُُ سوادے ویزہ یے بہ گیت۔
من گُشت از ایکسیلینسی تہ زانے من وتی دعوت نام وت لوٹاھینتگ،بلے سنگت دز گٹ بوت انت آ ہت نہ کنت۔انوں من تنہا اوں۔سفیر ءَ اللہ گمارت مسٹر بادینی اے چکر ءَ منی تی مردم ءَ ویزہ دیاں۔بلے دگہ وھدے وتی سنگتانی دعوت نامہ آنی وت بند ءُُ بست ءَ بکن اِت۔من گُشت واجہ تی باز منت۔منی پاسپورٹ پیش ءَ اسلام آباد سینیٹر میر طاہر بزنجو ئے ڈرائیورئے گورا ایر اَت۔آئی ءَ منی پاسپورٹ اُزبکستان ءِ سفارتخانہ جم کرتگ۔ازبکستان ءِ یک ماہ ءِ سیلءُُ سوادے فیس پنجاہ ءُُ پنچ امریکہ ءِ ڈالر اَت۔کہ میر اویس ءِ دعوت نامہ ءِ واستاصد ڈالرجم کرتگ ات۔یک ڈالر پاکستان ءِ یک صدءُُ پنجاہ ءُُ ھفت کلدار انت۔بزاں ڈالرءِ دیما پاکستانءِ روپی باز بے شرف اِنت۔ہمے جاور اُزبکستان ءِ کرنسی سمے اِنت۔آ چہ پاکستان ءِ کرنسی ءَ باز ھراب اِنت۔یک امریکہ ءِ ڈالرے دہ ھزار سم اَنت۔
نصیر احمد ءَ من گُشت وتی پاسپورٹءِ کاپی یے دیم بدئے۔ آ نوشکے ءَ روگا اَت نیام راھ چہ منا پاسپورٹ ءِ کاپی راہ دات۔من اُزبکستان ءِ سفارتخانہ ءِ ویزہ آ فیسر شہرت ءَ دیم دات۔شہرت ءَ گُشت پاسپورٹ ءَ ھم زوت راہ بدئے۔من وھدے نصیر احمد ءَ سوج کرت تہ آ خاران ءَ اَت۔من آئرا گشت کہ زوت منا وتی پاسپورٹ ءُُ عکساں دیم بدئے۔آئی ءَ وتی کستریں براس وقار احمد ءَ فون کرت۔آئی ءَ پاسپورٹ ءُُ عکس آورت منی آفس ءَ سر کرت۔منی ویزہ تیار اَت۔بلے نصیر احمدے ویزہ ءِ سوب ءَ من وتی ٹکٹ ھم نہ کرت تنکہ ھر دو ھوری ءَ ٹکٹ بگراں۔من 2اکتوبر 2019 ءَ اسلام آباد ءَ شُت۔ ائیرپورٹ ءَ چہ تچک اُزبکستان ءِ سفارت خانہ ءَ شُت۔روچ ءِ سے بج ات بزاں لنچ بریک ات۔ماشُت میر حاصل خان بزنجو ءِ جاگہا اودا نان وارت۔من محمد عیسیٰ ءَ گُشت کہ تہ وت نصیر احمدءِ پاسپورٹءَ بر من آرام کتاں۔نان ورگ ءَ پد من وپت شرّیں وابے جت،بیگاہ ءِ شش ءَ سینیٹر میر محمد اکرم دشتی آہت ءُُ گُشت شپ ءَ تہ منی مہمانے۔
دمانے ءَ پد محمد عیسیٰ ءَ میر محمد اکرم دشتی ءُُ منا زُرت مارا سعید بک اسٹال ءَ برت کتاب چارت انت۔بلوچستان ءِ باروا یک کتابے قیمت 26,000اَت پدا ما جناح سپر ءَ چاہ وارت واک کناں ءَ سپر مارکیٹ آہت اودا مسٹر بکس ءَ بلوچستان ءِ باراوا انگریزانی چیزے کتاب دست کپت من گپت انت۔ پد اما واک کناں روگ اتیں اکرم دشتی ءَ گُشت من ترا کسانیں راھے بریں پارلیمنٹ لاجز ے گورا راھ بستگ اَت۔ماپدا شُت ٹیلی ویژن اسٹیشن ءِ گورا مزنین پندے ءَ پد ماں پارلیمنٹ لاجز ءَ سر بوتیں۔وھدے من وتی سیل فون ءِ تہا وتی سٹیپس سیل کرت تہ 12000ءَ زیات گام جتگ اَت۔سک ژند بوتگ اتاں چیاکہ کساس دو ساعت واک کرتگ۔شپ ءَ میر اکرم دشتیءِ دعوت وارت۔واجہ اکرم دشتی صحبءَ مالو کو ئٹہ رادگ اَت کہ اودا آئی ءَ را فاتحہ وانگی اَت۔من وپت صحب ءَ پاد اَت۔پدا شُت اخبارءُُ میگزینانی فیس جمع کرت۔ڈاکٹر سومرو صاحب ءَ منی کار زوت کرت۔پدا من بینک ءَ فیس جم کرت۔ڈاکٹر سومرو ءَ آرڈر دات کہ زوت سر ٹیفکیٹ جوڑ کن انت۔من شُت اُزبکستان ءِ سفارتخانہءَ نصیر احمد ءِ پاسپورٹءَ بگر اں۔ساعت سے ءَ وھدے من اودا سر بوتاں۔ویزہ آفیسر شہرت ءَ وتی کارگسءَ لوٹاھینت چاہ ءُُ کافی دات۔پدا من گیٹ ءَ آہت نصیر احمدءِ ویزہ فیس 75 ڈالر جم کرت۔بزاِ ن نصیر احمد ءِ ویزہ باز ارزاں کپت۔پدا ما شُت ڈاکٹر سومرو ءِ دفترءَ سرٹیفکٹ گپت۔پدا شت اُزبک ائیر لائن ءِ ٹریولءَ اودا چار تاریخ ءِ ٹکٹ ءِ باروا سوج کرت ۔بانک حنا ءَ گُشت بزنسءِ ٹکٹ است بلے اکانومی ءِ ٹک نیست۔پد ا من سوج کرت کہ 5اکتوبرے ٹکٹ چنکس اِنت؟ آئی ءَ سیل کرت ءُُ گشت کہ شستءُُ ھفت ھزار اِنت۔من زوت وتی ءُُ نصیر احمدءِ ٹکٹ گپت ءُُ دیم پہ پارلیمنٹ لاجز رادگ بوت۔ما راہ ءَ اتیں کہ سینیٹر طاہر بزنجو ءِ فون آہت کہ شپ ءَ تئی ناں منی گورا اِنت۔من گُشت شر۔من دمانے آرام کرت پد سپر مارکیٹ ءَ اآہت۔اخبارانی سر ٹیفکیٹ کوئٹہ ءَ ٹی سی ایس کرت۔من کتابے واجہ اکرم دشتی ءِ حاترا فوٹو کاپی ءَ داتگ ات کہ طاہر بزنجو ءِ فون آہت کجا اِت من شمارا بہ زوران۔دمانے ءِ تہا سینیٹر طاہر بزنجو آہت منءَ گاڑی ءِ تہا زُرت ءُُ کہسار مارکیٹءَ شُت اودا شرّیں چاہے وارت،مجلس ءُُ دیوان کرت۔پدا آہت پارلیمنٹ لاجزءَ طاہر بزنجو کمرہ تاں دیرءَ دیوان ءُُ مجلس کرت سیاستءِ سرا گپءُُ تراں بوت۔نان وارت پدا وپت آں چیاکہ صحب ءَ مالواسلام آبادءَ چہ لاہور ءَ روگی اَت۔شپءِ 9ءَ لاہور ءَ چہ دیم تاشقندءَ فلائیٹ اَت۔صحب ءَ من پاد ات ناشتہ کنگا پدطاہر بزنجوءِ ڈرائیور ءَ منا زُرت دیم ڈئیو کمپنی ءَ رادگ بوت۔اودا سر بوھگا گوں بس ءِ ٹکٹ رست۔من سوار بوت دیم پہ لاہور ءَ رادگ بوت۔ڈائیوءِ سفر سک وش اَت،کتاب بواں اخبار بوان یا فلم ءُُ سازءُُ زیمل گوشدار وھد شرّی ءَ پاس بیت۔بسءِ تہا ریفریشمنٹ ھم دیگ بیت۔دو ساعت ءَ پد بس داریت مساپر دستءُُ دیم بہ شود اَنت۔چاہ ءُُ آپ بُور اَنت۔من بیگاہءِ چارءُُ نیم ءَ لاہور ءَ رست۔راہءُُ سڑک درا بند اتنت۔چیاکہ پاکستانءُُ سری لنکا ءِ نیامءَ کرکٹ میچ اَت،من ڈائیو کمپنی ءَ ٹیکسی سوج کرت۔آئی ءَ گُشت تاں آئیر پورٹ ءَ یک ہزارءُُ پنچ صد کلدار گریں۔من گُشت زیات انت،آئی گشت راہ بند اِنت مارا دورا چہ آئیر پورٹ ءَ روگ لوٹیٹ۔پد ا من گشت کہ گلبرگءَ منی ناکوزھگ انتظارءَ انت۔آئی ءَ من وتی ھوری ءِ زوریں۔آئی ءَ ھو کرت کہ شر انت۔من نصیر احمد ءَ فون کرت کہ گلبرگ ءَ ظہور الہی روڈءِ سرا پیٹرول پمپے است من اودا اُشتاتگ۔من ڈرائیور ہمے ایڈریس گُشت۔آئی ءَ ظہور الہی روڈے بدلءَ ظفر علی روڈئے سرا پیٹرول پمپ ءَ داشت۔نصیر احمد ءَ من گُشتگ اَت کہ اُزبکستان ءِ سنگتءُُ سیادانی واستا امبءُُ سالونک ءِ واستہ جوڑھے پچ بگر اِت۔آئی ءَ درا چیز گپتگ اَت۔ ایشانی بڈ عذابے اَت۔ما اوشتات آئی درک نہ اَت۔پدا ما معلوم کرت کہ اے ظہور الہی روڈ نہ انت۔اے ظفر علی روڈ انت۔ڈرائیور پد شتگ ظہور الہی روڈ ءَ اودا چہ نصیر احمد زرتگ ءُُ دیم پہ ائیرپورٹ ءَ رادگ بوتگ۔ازبک ائیر لائن بیست کلوءَ زیات اجازت نیست اَت۔ہمے حاترا نصیر احمدءَ ھفت ھشت کلو پدا بڈ کرتگ۔تنکہ سیادءُُ سنگتاں ٹیکی بدیاں۔بورڈنگ کارڈ گرگا پد من تاشقندءَ میر اویسءَ فون کرت کہ مئے جہاز شپءِ نو ءَ در کیتءُُ شپءِ یانزدہءُُ نیم ءَ تاشقندءَ سر بیت۔آئیءَ گُشت بے پکر بہ بو۔من شمئے دیما ائیرپورٹ ءَ کائیں۔
اُزبکستان آئیرلائن ءِ سروس باز زبر اَت۔پاکستان ائیرلائن ءِ مقابلہءَ اُزبکستان ائیر لائن باز زبر اَت۔سروس ءُُ ورگ ئےِ باز جوان اتنت۔شپءَ مارا باز وشےّں ورگ دات۔مئے ءُُ نصیر احمد ءِ دیوان برجاہ ات کہ فلائیٹ ءِ نیمگا جار جنئگ بوت کہ ما دمانے ءَ پد اسلام کریموف ائیر پورٹءَ لینڈ کنگائیں۔وھدے ماں جہازءَ جال کپت۔امیگریشن زُوت بوت۔ جُست
ءُُ پرس کنگ نہ بوت۔گرین چینل ءَ چہ در کپت۔میر اویسءَ سیل کنگ لگّت۔میر اویس گنِدگ نہ بوت۔من ازبک زالے گُشت کہ اے منی سنگت اِنت اے ایشی موبائل نمبر اِنت۔فونے بکن ئےِ۔آئی ءَ میر اویس ئےِ نمبر ءَ ڈئل کرت۔گوں فون ءِ ڈئیل کنگ ءَ میر اویس مئے گورا رست۔سلام دعا بوت۔پدا آئی ءَ مئے سامان زرت ٹیکسی ءَ ماں کرتءُُ آئی اپارٹمنٹءَ شُتان۔میرءَ مارا نان ءِ سوج کرت ناں وارتگ ات۔نشت گوں آئی ءَ دیوانءُُ مجلس کرت۔آئی ءَ وڑوڑے انگور آورتگ اَت۔بازیں دگہ میوگ ھم اَست اَت۔

من مےراوےس ئَ سوج کرت کہ اُزبکستان پاک بدل بوتگ اےشی سوب چہ انت،پےش ئَ مردماں سرئُُ سوج کرت کہ تئی گ´ورا چنچو زّر است؟ہر چےز ڈےکلئر کنگ بوت۔وھدے ازبکستان ئَ ڈنّئَ بہ شُتےں پدا ڈےکلئر فارم پُر کنگ بوت۔تئی گ´ورا زر چنکس اَنت پرچے خرچ کنگ نہ بوتگ اَنت۔اگں تہ وتی زرّ پےش نہ داشت ےا تئی زرّزےات بوت اَنت۔روگ ئِ وھدئَ تئی زرّ پچ گرگ بہ بنت۔مےر اوےس ئَ گشت کہ اُزبکستانئِ نوکےں صدر شوکت مےر زےاوفئِ منصب ئِ سرا کار بندگ ئَ پد اے بدلی آہت انت کہ دنےا ئِ مردم ابےد چہ جنجالئَ اُزبکستان ئَ بےا اَنت سےل ئُُ سواد بکن اَنت۔انوں ہر سال لکھانی مردم سےلئُُ سوادئِ حاترا ازبکستان ئَ آےگا اَنت۔ازبکستانئِ ھوٹل درا مردمئَ پرّانت تاشقند،ثمرقندئُُ بخارائُُ دومی شہرانی ھوٹل آنی تہا جاگہ نےست۔ہر شہرئَ مردم گردگا اَنت۔اے سالئَ اوگانستانئَ چہ صد ہزارئَ زےات ٹورسٹ ازبکستانئَ آہتگ انت۔ ائےر پورٹ ئَ گرےن چےنل انت۔چےزئُُ ساماناں پٹّگ ئَ ابےد مردم ئَ روگ ئِ اجازت دےنت۔دو ہزار ڈالر ترا اجازت اِنت وتی پجیّئَ گرےں چےنلئَ برت کنئے۔زےات بوت انت ڈےکلئر بکنے۔ازبکستانئِ سرکارئَ گُشتگ تاں سال2030 شش ملےن کنگ انت۔ازبکستان ئِ کالجئُُ ےونےورسٹےانی وانگ ئِ حاترا طالب علم آہت کن انت۔ اُزبکستانئِ کرنسی سم انت۔ےک ڈالر 9350سم انت۔انچو ےک پاکستان ئِ کلدارے 60سم انت۔مےر اوےس ئَ مارا ازبکستان ئِ باروا باز معلومداری دات۔مےر اوےس ئِ تعلقداری چہ عناےت اللہ کارےز گلستان بلوچستان ئَ انت۔
آ 7اگست1965ئَ وتی پسئُُ پےروکی ھلک ئَ ودی بوت۔بنداتی وانگئُُ زانگ چہ ھمودا در برت۔آ سووےت ےونےن ئَ1985 شُت۔ےوکرےن ئِ شہر خر کوف اودا چہ پوسٹ گرےجوےٹ کرت۔سال1999ئَ ازبکستانئَ بزنس کنگا انت۔آ اےکسپرےس کلر لےبئِ ڈارےکٹر انت۔آ ےک شرّےں بزنس مےن ئِ ھوری ئَ ےک شرّےں انسانے اِنت۔آ محمود خان اچکزئیئِ وتی نزدےکےں سےادے انت۔منی گوں مےر اوےسئَ د´رستی راستی دسمبر 2014تاشقند ئَ بوتگ اَت۔من انٹر نےشنل ابزروے جہتئَ ازبکستانئِ پارلےمنٹ گچےن کارےانی ابزرو کنگ ئِ حاترا ٓہتگ ات۔مئے ھوری ئَ بلوچستان ئِ سر وزےر ڈاکٹر مالک بلوچ،سےنےٹر طلحہ محمودئُُ بازےں دگہ مردم گوں اتنت۔تہ مےر اوےسئَ ڈاکٹر مالک بلوچئِ واستا تاشقندئِ پاوےلون رےسٹورنٹئَ نےمروچ نان دات۔مےر صاحب ئَ ہما روچئَ چہ دوستی ئُُ سنگتی بندات بوت۔آ دوستیئُُ سنگتی بر´اسی ئِ تہا بدل بوت۔آ ہر وھد کوئٹہ کےت گوں آئیئَ گندئُُ نند بےت۔انوّں وھدے ڈاکٹر مصطفی ئِ جنک ڈاکٹر فاطمہ بلوچ ئِ آروس اکتوبر ئِ چار تارےخ ئَ بخارہ ئَ بوھگی اَت تہ من مےر اوےسئَ من وتی وےزہئِ باروا گُشت۔تہ آئیئَ گُشت اے مسئلہ ےے نہ انت۔من وتی پسند خان بلےدیئِ پاسپورٹئِ کاپی راہ دات،آئیئَ سَے روچ ئِ تہا مئے وےزہ در کرت دےم دات۔پدا وھدے ماں ائےرپورٹ ئَ رست تہ آمئے دےما ات مارا بےا بخےر کرت وتی آپارٹمنٹ ئَ اورت۔شپے ماں تاشقندئَ آئی آپارٹمنٹ ئَ داشت۔دومی صحب ئَ مارا برت رےسٹورانئَ ناں دات پد ا مئے واستا ٹےکسی گپت ماں ثمر قندئَ رادگ بوت۔
ٹےکسی ڈرائےور کماشےں مردے ات گاڈی ئَ بازآہستہ چلاھےنت گپ ئُُ دےوان کرت۔راہ ئِ سرا چاہ وارت،ےک جاگہ ےئَ گلوئُُ کوٹگ گپت وارت۔چار ساعت ئَ پد ماں ثمر قندئَ رست مغرب بوتگ اَت۔ثمر قندئَ سر بوھگائَ گوں من اسلم آقا فون کرت۔آئی ئَ مئے ڈرائےورئَ فون ئِ سرا گُشت کہ راہے سرا بے´ا من تئی ودار ئَ اوشتاگ۔آ وتی گاڈی ئِ تہا اوشتاتگ ات ۔مئے ڈرائےورئَ گاڈی داشت واجہ اسلم آقا مئے ودار ئَ اوشتاتگ ات۔ماں ڈرائےورئَ 240000سم کراےہ دات۔اسلم اقا ئَ گوں سلام دعائَ پد آئی سنگت ابراھےم ئَ مئے سامان زُرتئُُ گاڑی ئَ اےر کرت۔مارا زرت ثمرقندئِ بازارئِ تہا آروسی نامے رےسٹورانے برت۔اودا نان دات وڑ وڑے چےز لوٹاھےنت۔نصےر احمد ئَ من گُشت کہ اسپ ئِ گوشت اےر انت۔حےال بکں مہ ورئے۔ناں ورگ ئَ پد اسلم آقا مارا زرت ھوٹل ئَ آورت۔آئی ئَ مئے واستاالےگزےنڈر ھوٹل ئَ بندئُُ بست کرتگ اَت۔الےگزےنڈر ھوٹل ثمر قندئَ نوک جوڈ بوتگ ات باز مزنےں ھوٹلے ات۔ہمے وھد اسلم آقا مارا گشت مروچی آئی ورنا اےن تروزاہگے ئِ بےران بوتگ۔مں سوج کرت عمرے چنکس بوتگ آئی ئَ گشت عمرے نوزدہ سال بوتگ۔آئی بلڈ پرےشر زےات بوتگ۔ڈاکٹر ئَ برگ ئِ وھد ئَ من گوں بوتگ۔آئی ئَ گُشت صحب ئَ من فاتحہ ئَ نشتگ من صحبئَ گاڑی ئِ شمے واستا روان دےان آ شمارا درا دےدنی ھندئُُ جاہاں گردےنےت۔صحب ئَ ہر وھدے پاد آہت اِت تہ منا فونے بکن اِت گاڑی ہما وھدئَ ھوٹل ئَ سربےت۔اسلم آقا ئُُ ابراھےم مارا شپ بخےر گُشتئُُ رادگ بوت انت۔من ئُُ نصےر احمد کمو ڈنئَ گُشت پدا آہت کمرہ ئَ وپت۔صحبئَ نو بج ئَ پاد ات شُت ناشتہ کرت۔ناشتہ کنگ ئَ پد اسلم آقا فون کرت ۔آئی ئَ وتی بر´اس ئَ دےم داتگ ات۔آئی بر´اس الےگزےنڈر ھوٹل ئَ چہ مارا فون کرت بےائت رواں۔ما وتی بےگ زُرتئُُ شت اسلم آقائِ بر´اس ئِ گاڑی ئَ اےر کرت۔آئی ئَ گشت چہ پروگرام اِنت کجا رواےت۔من گُشت مچاّں پےش فاتحہ رواں پدا امےر تےمور،بی بی خانمئِ ادےرہ آنی ھوری کہنگےں مسےتاں سےل کناں۔انچو امام بخاری ئِ ادےرہ ئِ زےارت کناں۔آئیئَ گُشت شر اِنت۔آئی ئَ مارا وتی تر´و زھگ ئِ فاتحہ بُرت،اودا اسلم آقا آئی پسئُُ بازےں دومی مردم فاتحہ وانگئَ اَت۔قاری قرات ونت پدا دعا کرت۔مردگئِ نزدےکےں مردم سرےن بند بستگ اتنت۔سرےن بندئِ سوب ئَ زانگ بوت انت ۔اے آئی نزدےکےں مردم انت۔فاتحہ وانگ ئَ پد مرا چاہ دات انت۔چاہ ورگ ئَ پد اسلم آ قا گشت انوں شما برے اےت وتی ترئُُ گردئَ بکن اَت چےاکہ شما را بخارا روگی انت۔بےگزاد اسلم ئِ کسانےں بر´اس ات۔آئی ئَ مارا برت امےر تےمور لنگ ئِ ادےرہ اودا ماں فاتحہ ونت،پدا آئی لوگ بانک بی بی خانم ئِ ادےرہ ئَ بُرت اودا فاتحہ ونت۔انچو کہنگےں مدرسہ سےل کرت بےگزاد ئَ مارا نمروچ ئِ نان دات۔ ازبکستان ئُُ ثمر قندے وڑ وڑےں کباب وراےنتئُُ گُشت کہ پاکستان ئِ ورگ چہ پلپل ئَ پر ّانت مردم ئِ دپئَ سک سوچنت۔نان ورگ ئَ پد بےگزاد ئَ مارا امام بخاری ئِ ادےرہئَ برت اودا ماں مسےت ئِ تہا پےشےم ئِ نماز ونت۔نصےر احمد ئِ حاترا دعا ونت کہ اللہ آئی سانگ ئُُ آروس ئَ بکنت۔ پدا امام بخاری ئِ ادےرہ ئِ سرا فاتحہ ونت۔امام بخاری ئِ ادےرہ سی کلومےٹر چہ ثمرقندئَ دور انت۔
بےگزاَت ئَ مارا پدا ثمر قندئَ اورت۔مئے واستہ ٹےکسی ےے گپت بزان اے ٹےکسی ئِ کراےہ ثمرقند بگر تاںبخارا 240000سم اَت۔پاکستان ئِ زرّ ئَ اَت۔
ڈرائےورئِ نام بابر اَت۔آ گنوکی ئَ ٹےکسی ھلاّےئنگئَ اَت۔آئیئَ مارا گُشت کہ وتی موبائل ئَ وتی زبان ئِ سوت گوشداِرت۔ماں بلوچی زبان ئِ سوت وتی زبان ئَ گوشداشت۔ڈرائےور ئَ گُشت راھ ئِ تہا جو´انےں کباب اَست ورگ لوٹت۔ما گُشت کہ ما بخارہ آروسے رواں۔بخارہ ئَ ڈاکٹر مصطفی ئُُ آئی بچ حامد محمدوف فون آےگا اتنت کہ کجا سر بوت اِت۔نصےر احمدئِ سالونک ئِ پاگ ئِ ھوری ئَ آمب ئُُ مٹھائی گوں اتنت۔اےشانی زُورگ ھزابے ئَ کم نہ اَت۔بلے ڈاکٹر مصطفی بلوچ ئِ وشی ئِ حاترا مارا کنگی ات۔ما بڈّئُُ ٹےل شپ ئِ دہ ئَ ڈاکٹر مصطفی ئِ جاگہ سر بوت۔سک ژندئُُ پند اَت۔بلے ژندئُُ بندی انوّں شروع بوت کہ ماےک انچےں فلےٹ ئِ تہا مےمان بوت انت کہ اودا دو سے فےملی پےش ئَ است۔ما ڈاکٹر مصطفی ئَ گُشت ما ھوٹلئَ روان بلے آ وتی حاترا مےار زانت کہ شما منی مہمان اِت۔چون ھوٹل ئَ رَوت؟ بلے براھوئی زبان ئَ گش انت گنوک انا کنوک اس اےس۔مصطفی وتی لوگ بانکئِ ناکوزھگ ئِ گسئَ اَت۔ما ھم آئی سرا ھم چھٹی بوت۔ بلکےں ڈاکٹر مصطفیئَ مارا وت وتی سرا چٹی جوڑ کرت۔ما ھوٹل ئَ بوتےں نندگ وسپگ ئَ آزات بوت۔ڈاکٹرمصطفیئَ ھم وتی ھوٹل ئَ برتگ اَت۔فارسی ئَ گُش اَنت کہ ”بامن ھرچی کرد آشنا کرد“۔
مئےئُُ مصطفی ئِ دےوان برجاہ اَت کہ لوگ ئِ واھند کمال اَت گوں آئی سلام دعا بوت۔ڈاکٹر مصطفی ئِ کہول ئَ کس بلوچی نہ زانت۔جندئِ بلوچی زانتئُُ ےک نشارے بلوچی ئَ گپ جت۔آئی نام زر گل اَت۔زر گل ئَ مارا نان دات ۔من ئُُ نصےر احمد ناں وارت۔زرگل مئے واستاورگ جوڑکرتگ اَت۔ناں ورگ ئَ پد ما وپت ۔ڈاکٹر مصطفی شپ ئِ دو نےم ئَ ورزش کنگا ات،من وھد چارت صحب ئِ دوئُُ نےم اَت۔من گُشت ڈاکٹر مصطفی شپ نےم اِنت تہ پاد اتگ مہ واب حراب کرتگ۔منی ئُُ نصےر ئِ واب حراب بوت۔آروس ئِ دعوت نےمروچ ئَ بوھگا ات۔صحب ئِ وھدئَ ماں فارغ اتاں۔کمال ے بچ ئَ مارا زرت بخارہئِ دےدنی ھندئُُ جاہ پےش داشت۔اے ھندئُُ جاہ آنی تہا بخارائِ کلات ئُُ اسلام ئِ نامدارےن بزرگ بہاالدےن نقش بندیئِ ادےرہ ئِ سےل کنگا شُت۔اودا رسم ئُُ دود اےش ات ۔اولی وار ئَ آئی ماس ئِ ادےرہ ئِ سرا فاتحہ وانگی ات۔پداآئی جندے ادےرہ ئِ سرا فاتحہ وانگی ات۔بزاں ماس ئِ ھزت ئُُ شرف ھر ھند ئُُ جاہ ئَ برزا انت۔ماں فاتحہ وانگ ئَ پدمسےت ئَ دو رکعت نماز ونت۔پدا کمالدےن ئَ مارا دومی ھندئُُ جاہ اں ترےنت۔چےاکہ نےمروچ ئِ ےک ئَ مارا آپارٹمنٹ ئَ سر بوھگی ات ۔پدا روچے دو ئَ رےسٹوران ئَ سر بوھگی ات کہ اودا دعوت ات۔ماں زوت گسئَ ات ۔گُدئُُ پچ بدل کرت۔زوت بخارہ ے رےسٹورانے واستہ رادگ بوت۔اودا سک مُچھی ات۔جنئکئُُ بچک ئِ نےمگا مےمان لوٹاھےنگ بوتگ اتنت۔جنئکئُُ بچک ئِ ماسئُُ پسئِ ھوری ئَ سےاد ئُُ وارث ھم ساڈی اتنت۔سازئُُ زےمل شروع ات۔دومی نےمگا ناں ورگ بوھگا ات۔مےمانانی پجاروکی کنگ بوت۔من بلوچی زبانئَ سالونک ئُُ بانورئَ مبارکباتی دات۔ڈاکٹر مصطفیئَ منی گپاں روسی زبانئَ آھاں سرپد کرت۔پدا مردےں ئُُ جنےن ھر کس وتی ٹےکی ئُُ سوغات ئَ آروسی ئَ دات انت۔انچو منی نامئِ جار جنئگ بوت کہ ےارجان بادےنی وتی بلوچی سوغات ئَ سالونک ئُُ بانور ئَ بہ دنت۔ من شُت وتی سوغات ئُُ ٹےکی سالونک ئُُ بانور ئَ دات۔پدا سالونک ئُُ بانورے نےمگا مارا سوغات دےگ بوت۔بزاں سالونکئِ جندئَ اورت مارا دات۔چرےشی ئَ پد بانور وار وار ئَ گوں جتائےں قوم ئُُ راج ئِ پچ ئُُ پوشاک ئَ دےوان ئِ دےما آرگ بوت۔اولی وار روسی پچئُُ پوشاکئَ پدا اُزبکی پچئُُ پوشاکئَ رندئَ ترکمنی پچئُُ پوشاکئُُ آخرئَ بلوچی پچئُُ پوشاکئَ دےوان ئِ دےما اتئُُ وتی گدئُُ پچ پےش داشت انت۔سالونک ئَ وتی بلوچی گدئُُ ُپچ گورا کرت نہ کت۔چےاکہ بلوچی گدئُُ پچ گورا کنگ آئی واستہ جنجال ات۔آ وتی پےنٹئُُ پتلون ئَ گوں بلوچی پاگ سرا بستئُُ بلوچی چھاوٹ پادا کرت۔انچو ڈاکٹر فاطمہ سر تاں پاداں بلوچی پچ ئُُ پوشاک گورا کرتگ ات۔سالونک ئِ پاگ ئِ سرا کنگ ئَ گوں کمال ئِ لوگ بانک ئَ گشت کہ سالونک ئَ طالباں جوڈ کرت اےت۔من سالونک ئُُ بانورئَ دعوت دےاں،کہ آ بلوچستان ئَ بےا انت ئُُ وتی نی مون ئَ ھمودا چہ بندات بکن انت۔کمال ئِ لوگ بانکئَ پدا گشت کہ مئے درستانی واستہ ٹکٹ راہ بدے ماں درست بلوچستان ئَ کاےاں۔اے آروس ئِ دعوت ورگئُُ چرگ تاں دےر ئَ برجاہ منت۔ناں ورگ ئِ پد ماں آ وتی جاہ ئَ آرام کرت۔ساعتے آرام کنگا پد ماں پاد ات۔مغرب ئِ وھد بوتگ ات۔ڈاکٹر مصطفی،حامد مصطفی،نصےر احمدئُُ دومی سنگتانی ھوری ئَ بخارہ ئِ چارگ ئَ شُت۔بخارائِ شپ ئِ ندارگ ہمے زانگ بوت۔چوشکہ شاعر ئَ گشتگ۔
ثمر قند ساہےکلے روح زمےن است
بخارا قوت اسلام دےن است
شپ ئِ وھدئَ بخارا ندارگ باز جلوانک ات۔کہنگےں مسےت ئُُ مدرسہ باز زےبا گندگ بوت انت۔بخارا سےلئُُ سواد کنوک سک باز گندگ بوت انت۔کہ ےورپ ئُُ دومی ملکاں چہ اتگ اتنت۔تاشقندئُُ ثمر قندے ئِ وڈا بخارا ئِ ھوٹل چہ ٹورےسٹان پر اتنت۔شپ ئَ تاں دےر ئَ گردگئَ پد ےک رےسٹورانے نشت نان وارت۔دےوان ئُُ مجلس کرت۔دےرئَ شُت گس ئَ وپت۔شپ نےم ئَ ڈاکٹر مصطفی پاد ات پدا ورزشئَ شروع کرت۔من پدا وھد چارت تہ شپ ئِ سے بج ات۔من ڈاکٹرئَ گشت ترا واب نےست مئے واب حراب کرت۔صحب ئَ ششئَ پاد ات۔جان شودگئَ پد ناشتہ کرت۔ناشتہ ئِ وھدئَ ڈاکٹر مصطفی ے لوگ بانک ئَ گشت۔کہ ڈاکٹر ئَ شپ ئَ واب نےست مئے واب حراب کرتگ۔آئی ئَ گشت کہ ترا دو شپ انت واب نہ کپتگے من وتی عمر ڈاکٹرئَ گوں گوازےنتگ۔کندگ۔پداصحب ئِ شش ئَ ما جان ششت۔ناشتہ کرت ،واب پورہ نہ بوھگئِ سوب موڑ شرّ نہ اَت۔منئُُ نصےر احمد وتی وتی بےگ زُرت آپارٹمنٹ ئِ جالئَ کمال ئِ کارگسئَ اےر کرت۔پدا ڈاکٹر مصطفی،آئی لوگی، زھگ ئُُ نوسگاں خدا حافظ کناں ئَ ٹےکسی ئِ گپت ئُُ دےم بخارہ شہرئَ رادگ بوت۔ماں بخارا ئِ کلات سےل کرت شہرے دومی بازےں ھند ئُُ جاگہ سےل کناں ئَ رےسٹورانے ئَ نےمروچے نان وارت۔ناں ورگا پد آہت کمال ئِ کارگسئَ نشت۔کمال ئِ پس باپارکارے ات آئی بچ ھم باپار ئُُ تجارت کرت۔انچو آئی زاماسئُُ جنک ھم ےک ےوٹےلےٹی سٹورئِ واھند اتنت۔ مردئُُ جن ھر دو ھمودا کار کنگا اتنت۔کمال ئَ مارا وتی کار موٹرئِ تہا زُرتئُُ دےم پہ بخارائِ رےلوے اسٹےشن ئَ رادگ بوت۔نےم ساعتے پد ما رےلوے اسٹےشن ئَ سر بوت۔آھانی رےلوے اسٹےشن ھم آئےر پورٹ ئَ چہ شر تر اَت۔سامان آنی سکرےنگ ھوار ھر چےز پٹگّ بوت۔کمال مارا زُرت مئے بوگی ئَ سر کرت ۔رےل ئِ بوگی سک پاکئُُ صاف اَت۔کمال ئِ ما شکرئُُ منت گپت آ پدا وتی گِسئَ رادگ بوت۔مئے ٹرےن ئَ چہ پےش ترندےں ٹرےنے اَت رادگ بوت کہ آئی سپےڈ سک زےات اَت۔دومی نمبرا مئے ٹرےن اَت کہ آئی سپےڈ کم نہ اَت۔مردمانی گُشگ ئِ ردا کہ سےمی ٹرےن آئی سپےڈ کم اِنت۔
ٹرےن ئِ تہا چاہ ئُُ آپ ھر چی رست ۔انچو ٹرےن ئِ تہا ےک رےسٹورانے ھم اَست اَت۔آئی تہا کرسیئُُ ٹےبل جنوک اتنت۔مردم نان وارت اَنت،ٹرےن وتی سفرئَ دےما روان اَت۔ٹرےن ئِ رفتار سک زےات ات ،بلے ےک ساعتے تہا دہ ئُُ پانزدہ منٹ اوشتات۔بازےں مساپر ٹرےنئَ چہ جال کپت اَنتئُُ بازےں سوار بوت اَنت۔ٹرےن ئِ تہا کسے تاش لےب کرت۔کسے کتاب ونت،بازےں مردم وتی لےپ ٹاپاں دز گٹ اتنتئُُ گےشتر مردم گوں وتی سےل فون ئَ مشغول اتنت۔ شش ساعتے سفرئَ پد تاشقندئِ سر بوت۔تاشقندے رےلوےے اسٹےشن سک مزن اَت۔ما جال کپت۔ٹےکسی ےے گپت ھوٹل ملائکہئَ مئے واستا کمرہ ےے بکنگ کرتگ اَت۔ما سےدھا ھوٹل ئَ شُت۔دومی منزلئَ مارا کمرہ دات ۔من ئُُ نصےر احمد شُت وتی کمرہ ئِ تہا آرام کرت۔ھوٹلئَ مارا دو مردمانی حاترا پنجاہ ڈالر گپت۔ماں صحبئَ ناشتہ کنگا ات کہ مےر اوےس ئِ فون آہت کہ من صحب ئَ تاشقند ئَ سر بوتگ،شما وتی ساماناں بُزور اِت۔منی آپارٹمنٹ ئَ بےا اِت۔ناشتہ کنگا پد ماں ٹےکسی ےے زوراِت۔Chilanzar Targoi Centerب´ےااِت ادا واجہ مےر اوےس ئِ آپارٹمنٹ آہت۔ماں بےست منٹ ئَ مےر اوےس ئِ آپارٹمنٹ ئَ سر بوتےں۔آ ڈن ئَ اوشتاتگ مئے ودار کنگا اَت۔آئی ئَ مارا بُرت وتی آپارٹمنٹئَ آئی آپارٹمنٹ ئِ دو کمرہ اتنت۔ٹی وی لاونجے است اِت انچو کچن ئُُ باتھ روم ھم شرّ اتنت۔wifi ھم اَست ۔مےر صاحب ئَ مارا شےرچاہ دات ۔ ما لوٹت کہ ازبکستان اکےڈےمی آف سائنسز ئِ ترّو گردے بکناں۔بلے واک نہ کرت تاں دےر ئَ نشت گپئُُ تران کرت۔دےر ئَ مےر اوےسئَ مارا گُشت کہ شمارا برےں ےک لوکل ھوٹلےئَ اودا شمارا ھندی ورگ وراھےنےن۔ آئی ئَ مارا بُرت ےک کہنگےں جاگہ ےے ئَ کہ اودا سک مچھی اَت نند گے جاگہ نہ اَت۔مردم اوشتاگ اَت انت کہ کدےں ٹےبلئُُ کرسی ھلاس بےت۔کہ مردم بہ نندےت۔دمانے پد مارا سے کرسی رست ٹےبلئِ سرا پےشئَ مردمے نشتگ اَت۔آئی ئَ مارا نندگے اجازت دات ۔ماں نشت مےر اوےسئَ ورگ ئِ آرڈر دات۔وھدے ورگ مئے دےما اےر کنگ بوت انت۔تہ آ پاےہ اتنت۔پرک اےش ات کہ آھانی پاےہ ئِ تہا اڈ مان نہ اَت۔کسانےں آسگئُُ چمچہ ئِ زرےعہ ئَ ورت کن ئے۔ورگ باز مزگ کرت اَنت۔ازبکستان ئِ شوروا،پولاوئُُ کباب با ز مزےدار اَنت۔آ کباب ئَ ششلک گُش اَنت۔ ناں ورگ ئَ پد دمانے ما گشت پدا وتی جاگہ اَت ئُُ آرام کرت۔شپ ئَ پروگرام کرت کہ ےک شرّےں رےسٹورانے ئَ نان ورگے واستا رواں۔ بےگاہ ئَ مےر اوےس وتی سنگت کارے واستا شُت۔مارا گُشت بےگاہ ئِ 7ئَ ما رےسٹوران ئَ شُت نشت۔اے ےک مزنےں رےسٹورانے ات۔اےشی تہا گےشتر فےملی نشتگ اتنت۔ناں ورگ ئَ ھوار ڈانس ھم بوت،ورنائےں بچکئُُ جنک نان ورگا ھوار ڈانس ھم کرت انت۔رےسٹوران ئِ وےٹر ےک ورنا ئےں بچکے اَت ۔مےنو مئے دےما اےر کرت زُوت آرڈر بدئے اِت۔ماگُشت کہ مئے سنگت پےداک اِنت۔وےٹر باز اشتاپی اَت۔ما گُشت کہ مئے سنگت پےداک انت پدا ما ترا آرڈر دےاں۔مےر اوےس اَت ۔ما ورگ ئِ آرڈر دات ناں ورگ ئَ پد ماں نشت تاں دےر ئَ مجلسئُُ دےوان کرت۔پدا جاگہ ات وپتئُُ آرام کرت۔
صحبئَ پاد آہت ناشتہ کنگ ئَ پد نصےر احمد زُرت۔دےم پہ ازبکستان اکےڈےمی آف سائنسزے ترئُُ تابے واستا تنکہ اودا کلمکارکواسئُُ زانتکاراں بگنداں ئُُ ازبک زبان،لبزانک،دودئُُ ربےدگ ئِ باروا حالئُُ حوال بگراں۔چےاکہ بلوچی دوچ،موسےقیئُُ سازئُُ زےمل گوں سنٹرل اےشےاءزباناں باز نزدےکی دارےت۔ازبکستان اکےڈےمی آف سائنسزے ترّئُُ گردئِ وھدئَ مئے گندئُُ نند گوں اکےڈےمی ئِ دو نائب صدرابےگامووبختےار بےکالےروغےرت ئُُ دومی کلمکارئُُ کواّساں بوت۔آھاں مارا اُزبکستان ئِ زبان ادبئُُ ثقافت ئِ باروا بازےں معلومداری دات۔من آھان ئَ گُشت کہ شما مئے بلوچی زبانئِ کتاباں ازبک زبانئَ رجانک کن اِت۔انچو ما شمے ازبک زبان ئِ کتابان بلوچی زبان ئَ بدل کنےں۔تہ اکےڈےمی ئِ نائب صدر ئَ گُشت کہ شما وتی ادارہ نےمگا درخواستے اسلام آباد ئَ اُزبکستانئِ سفےر ئَ نبشتہ بکن ات ئُُ دےم بدئے ات۔آ پدا مارا دےم دنت۔زبانئُُ لبزانک ئِ باروا سرجمی ئَ گپ ئُُ تران بوت۔چاہ ورگ ئَ پد ماں اکےڈےمی آف سائنسزاُزبکستان ئِ عہدہ داراں ئَ چہ اجازت گپت ئُُ دےم پہ وتی جاگہ رادگ بوت۔ما شُت وتاخ وتی لےپ ٹاپ اےر کرت۔مےر اوےس زُرت مارکےٹ ئِ شُت،اودا ڈرائی فروٹ کشمش بادام ،شہدئُُ بےنگ گپت۔پد ا مارکےٹ ئِ گو´ارا رےسٹورانے است اَت ما اودا شُت شوروا وارت۔پدا وتاخ ئَ شُت سامان اےر کرت۔پدا دومی بازارئُُ سپر مارکےت ئَ شُت شاپنگ کرت۔دےر اَت مےر اوےس مئے ودار ئَ نشتگ اَت۔تاں دےرئَ دےوان ئُُ مجلس بوت۔پدا مےر اوےسئَ گشت شپ ئَ انوں رےسٹوران بند انت،ہمدا چےزے لوٹاھےناں۔نصےراحمد ئَ گُشت ہر وڈ بےت ششلک بزاں کباب ورگی اِنت۔ مےر اوےس پکر کرت کہ کہنگےں تا شقندئِ ےک رےسٹورانے است بوت کنت آ پچ بہ بےت۔مارا زرت ہما رےسٹوران برت شپ ئِ ےانزدہ ئَ ھم پچ اَت۔ماں باز کباب وارت۔پدا وتاخ ئَ آہت وتی چےزانی پےکنگ کرت۔مےر اوےسئَ لہتےں ٹےکی وتی کہولے واستا دات۔ما وتی سامان پےک کرت۔ چےاکہ صحب ئِ دہ ئَ مئے فلائےٹ تاشقندئَ دےم پہ لاہورئَ اَت۔ما وپت صحبئَ مالو پاد اَت۔مےر اوےسئَ منی واستا ناشتہ جوڑ کرت۔ماں ناشتہ کرت۔مےر اوےس ئَ مئے واستا ٹےکسی لوٹاھےنت سامان مان کرت۔مےر اوےس ئِ شکرئُُ منّت گرانئَ ماں دےم پہ ائےر پورٹ ئَ رادگ بوت۔ائےرپورٹ نزدےک ات۔ٹےکسی ئَ مارا ائےرپورٹ ئَ جہل کرت۔ماں وتی سامان زُرت بورڈنگئِ واستا لائن اوشتات۔زوت بورڈنگ کارڈ گپتئُُ سامان جم کرت۔پدا پاسپورٹ کلےر کرتئُُ لاونج ئَ شت نشت۔من نصےر ئَ گُشت کہ انوں اُزبکستان بدل بوتگ۔ائےر پورٹ ئَ مردم ئَ تنگ نہ کن اَنت اے مزنےں بدلی ےے انت۔پےش ئَ ڈےکلرےشن فارم آےگءِ وھدئَ پر کنگی بوتگ،کہ تئی گورا چنچو زر است۔انچو روگ ئِ وھدئَ پدا ڈےکلرےشن فارمے پر کنگی ات کہ تہ چنچو زر پدا برگائے۔باز وھدئَ مردمئَ کمرہ ئِ تہا بُرت اَنت تلاشی گپت اَنت۔اے عزابے ئَ چہ کم نہ ات۔بلے انوّں تہ دو ہزار ڈالر برت کرت کنئے کس ترا سوج نہ کنت۔انچو ہر مردم اُزبکستان ئَ روت زوت وتی رجسٹرےشنئَ بکنت اگںرجسٹرےشن ئَ دےر بوت۔روگ ئِ وھد ئَ مردم ئَ جرمانہ کنگ بےت۔بلے انوں ہر کس اُزبکستان ئَ روت آئرئَ رجسٹرےشن ئِ ضرورت نہ انت۔اگں کسے اپارٹمنٹ ئِ تہا نندےت تہ آئرا رجسٹرےشن ئِ گزر بےت۔ماںہمے گپاں گوں دلگوش ات کہ جار جنگ بوت کہ اُزبکستان ائےر لائنئِ فلائےٹ لاہور ئِ واستا تےار اِنت۔ما شُت بسئَ سوار بوت،بسئَ مارا زُرت فلائےٹ ئَ سر کرت۔فلائےٹ وتی وھدئُُ پاس ئَ رادگ بوت۔دو ئُُ نےم ساعت ئِ تہا لاہور ئَ رستئُُ سر بوت۔نصےر پدا بزّگ اَت آئی ئَ بازےں چےز بڈ ّاتنت۔لاہور ائےرپورٹئَ چہ ما کرےم ئِ گاڑی ےے گپتئُُ ڈائےو بسئِ اسٹےشن ئَ شُت،اودا ٹکٹ گپت ساعتے پد ڈائےو ئِ بس لاہور ئَ دےم پہ اسلام آباد ئَ رادگ بوت۔پنچ ساعت ئِ سفر ئَ پد ما اسلام آباد ئَ رست۔اسلام آباد ئَ ڈائےو ئِ اسٹےشن ئَ طاہر بزنجوئِ ڈرائےور مئے ودار ئَ اُشتاتگ اَت آئی ئَ مارا زُرت اسلام آباد ئَ پارلےمنٹ لاجز ئَ مےر حاصل خان بزنجو وتاخ ئَ سر کرت۔ما نشت آرام کرت۔چاہ وارت۔شپ ئَ سےنےٹر طاہر بزنجو ئَ مئے واستا نان کرتگ اَت۔نان ورگ ئِ وھدئَ آئی ئَ سےنٹرل اےشےاءئِ باروا جستئُُ پرس کرت۔انچو ما چہ آئی ئَ ملک ئِ سےاست ئِ باروا حال حوال گپت۔مئے دےوان تاں شپ نےم ئَ برجاہ منت ۔پد ا ما وپت شرّی ئَ آرام کرت کہ صحب ئَ مئے فلائےٹ دےر ئَ اَت۔صحب ئَ آرام ئَ پاد آہت جان شودگ ئَ پد ناشتہ کرتئُُ محمد عےسیٰ ئَ مارا ائےرپورٹ ئَ سر کرت۔روچے ئِ دو نےم ئَ ما کوئٹہ سر بوت۔ائےر پورٹ ئَ چہ من نصےر احمد ئَ جناح ٹاون ئَ جہل کرت۔پدا بشےر چوک ئَ مےر اوےسئِ گِسئَ شتئُُ آئی زھگانی ٹےکی دات پدا اَت وتی گِس ئَ سر بوت ۔