شاعری

ندرپہ ماہتاک ”بلوچی زند “
عزےز ارمان کراچی
——
زند بلوچی زبان ئِ نشان اِنت
زند بلوچ ئِ گلےں زبان اِنت

زند مستاگ اِنت وشےانی
زند راجدپتر ئِ نشان انت

بہ وان زند ئَ بہ زان زند ئَ
کہ زند زند ئِ تئی زمان اِنت

اے زند منزل ، اے زند مسافر
اے زند تےر ئُُ تئی کمان اِنت

اے زندگالانی گنج ئُُ گوھر
اے زند لبزانک ئِ تئی بےان انت

عزےز زند ئَ من واناں دائم
سلامےں دوست ئَ کہ ےارجان انت
٭٭٭٭٭٭٭٭٭٭٭٭٭٭٭٭٭٭٭٭٭٭
بلوچی زند ئِ نام ئَ
غلام نبی باھند ہاشمی
ےاتانی دروشم ئَ ےار جان راہشون اِنت بلوچی زند
کلّےں جہان ئَ رژناہی ئِ نام ئُُ توار اِنت بلوچی زند
تئی اُرجےن ئُُ کَوار پُرّ اَنت چہ سِپتّ ئُُ سَنا ئَ
راج ئِ پُسّگ گوں ارمان ئَ وان اَنت بلوچی زند
برے ترکمانستان ئُُ برے روس ئَ شوہاز ئَ بلوچانی
رسم ئُُ رواج ئَ کنت مُچّ ےکجا شان اِنت بلوچی زند
کےنےا ئِ بلوچاں گوں جہان ئِ بلوچاں ہوار کنت
تالان کنت لچّہ کاراں پجّا ران اِنت بلوچی زند
سال ئُُ روچ تئی بلوچ قوم ئَ مبارک بات
چو کہ مہر ئُُ دوستی ئِ ماہتاک باز اِنت بلوچی زند
بَہرن ! مسکت ! دبئی تئی لوٹوک باز اَنت مرچاں
گُوشئے چو کہ اسِتال ئَ آزمان ئَ بلےت بلوچی زند
وتن ئِ نودربراں کمائےت چو لَبز ئِ مہرگ ئَ مدام
لَبز ئُُ آزمانک ئُُ کسمانک چکار اِنت بلوچی زند
باھند علم ئِ چراگ کُلّےں دنےا ئَ روشنی کارےت
شہدےں زبان ئِ زند بلوچ ئِ زند مان اِنت بلوچی زند
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
غزل
صادق رہچار
سر ئَ کَشّ ایت ئُُ چاری دری ئَ
ندر باتاں گُلابیں پری ئَ

جی پہ چمے کہ لال ئَ بِچار ایت
وھدے لیٹین ایت سبزیں سری ئَ

ٹِکّ ئُُ جالر گوںپیت ئُُ سِتارہ
من ئَ کُشتہ آشیشہ گ´وری ئَ

کد ئُُ بالادئَ ”ق“ ئِ پریاں
کَسّے لال ئِ نہ کنت ھمسری ئَ

ھَور گ´واری چہ زُلپ ئِ نِوان ئَ
توبہ توبہ چُشیں جمّری ئَ

ھَوڈئے راھچار تو انگت نہ مَنّ ئے
پاکیں اللہ ئِ کاریگری ئَ
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

دستونک
باقی بےگ
زہےراں بال جتگ واھگ ئَ کتگ کنٹگ
وفا ئِ درچک ئَ بزاں ساھگئَ کتگ کنٹگ

نئےت دمانے کرار ئَ نہ روت پہ بازار ئَ
بگندئے دل منی ھمساھگ ئَ کتگ کنٹگ

پچ اِنت ہماہےں منی لوگ ئِ انگہ دروازگ
نہ بےت کڑی کہ تئی نےاھگ ئَ کتگ کنٹگ

من تہنا نشتگ ئُُ دنےا ئِ دےم داشتہ بس
ودار ئِ پُلاں گُل ئِ آھگ ئَ کتگ کنٹگ

منا تئی عشق ئَ ھمے رنگ ئَ گور جتہ باقی
ترون ئِ آس ئِ تہا واھگ ئَ کُتگ کنٹگ

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ہ
عاجزےں نوبت
الہیٰ بخش مُرےد
روچ ئَ ساہگ وتی پدا اےر بُرت
مرغاں جنگل پتات کدوہ ئَ کُت
گوات لمبوکےں آس ئِ برانزاں سوتک
بےرگ ئَ گپت نوں کُداماں موسم
درچکاں پتک اَنت وتی ساھگ سارتےں
قےد بوتاں اے بوہ نازُرکےں
بالواں بوتک اَنت نگارےں بانزل
جت رزےماں اے دہر پتاکےں
پرچکاں کپت اے زندگی نوکےں
دانک دزگےر ےں دُرس جِساں بوتاں
بوت بےران عاجزےں نوبت
شپ من دانچوپے ئِ تہا کُت چُپت
بُرت وےرانےں جنگلے ئَ رےتک
روچ عہدے ئَ ششت تاپ ئَ دات

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

گال
عباس علی زےمی
زِےکےں حبر سخ وش اِتنت
تئی لوگ ئُُ درسَک وش اِتنت
مہرے من ئَ و داتگ اَت
آ مھر ئِ سک وش اِتنت
آھاں منا پہ وت کہ زُرت
تئی آ نذر سَکّ وش اِتنت
ہمگام اِتے کہ گوں منا
آ گَٹ ئُُ گر سَک وَش اِتنت
تئی دروشمےں دےمےں جُز ئِ !
زےر ئُُ زبر سَک وَش اِتنت
”ھو ، اِناں “ئِ گوں من تئی !
داب ئُُ ھُنر سَک وَش اِتنت
زےمی! وداراں مھگل ئِ !
راھانی سَر سک وَش اِتنت
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

منظور سادگ
اے نیکی ئِ زمانگ نہ اِنت باور بکن
دوستی ئُُ مہر ئِ ہَزانگ نہ اِنت باور بکن
اِے مطلب ئِ دینا اِنت اِے مطلبی مردم اَنت
پرتو کَس دیوانگ نہ اِنت باور بکن
گِندیت منئَ راہ ئَ تاب دَنت زراب ئَ رَوت
اِے منی دُردانگ نہ اِنت باور بکن
اِے منی دل اِنت تئی جیگ ئِ سر ئَ
اَشرپی ئِ چانگ نہ اِنت باور بکن
نیکیاں چہ وت ئَ را دُور داشتگ تو
تہنانماز ئِ وانگ نہ اِنت باور بکن
منظور شاعر ئِ بیا اَمبار ئَ جَناں
مرچی شانتل پانگ نہ اِنت باور بکن
٭٭٭٭٭٭٭٭٭٭٭٭٭٭
حفیظ سنجر
گندگ ئَ آں چہ منی نیمگ ئَ دِلجم نہ ئے
زانگ ئَ آں تو پیشندگ ئِ مردم نہ ئے
یکّے بزّگ کنوک بیت یکّے مجبور نہ وَس
چہاِشی تو نہ ئے ہم چہ آہاں ہم نہ ئے
حبر شِنگ اِنت منی شعرانی رد معنیٰ کن ئے
چُش کن ئے تو، منی دژمناںچہ کم نہ ئے
تو بزان ئے کہ زمانگ ہزار رنگ ئِ اِنت
من مَنّاں کہ منی تیوگیںتو گَم نہ ئے
برو سنجر ہمانگو بُوُ گوں وپا ئِ وازاں
کُہنیں کِسّہ تو کن ئے من ئَ لازم نہ ئے
٭٭٭٭٭٭٭٭٭٭٭٭٭٭
”بلوچی زند “سلامت بات
شئے مُریدبلوچ
چہ بِندات ئَ تَنا آسر بلوچی زند سلامت بات
چہ اِمروز ئَ تَنا محشر بلوچی زند سلامت بات

تا بُرزیں کوہلُو ئِ کوھاں زَبادیں نوشکی ئِ ریکاں
چہ بولان ئَ تنا گوادر بلوچی زند سلامت بات

چہ گوران ئَ تا راسکو ئَ سلیمان ئَ تا البرز ئَ
بِسَبزاتاں منی کہچر بلوچی زند سلامت بات

من ئَ نوںِگیر پیداکاں گدان ئُُ محرمیں کرگین
بَزیں کُلّ ئُُ شَمیں کاپَر بلوچی زند سلامت بات

منی کَوہ ئَ ڈَل ئُُ ڈاکاں بَہاری نود شنزاتاں
بُگواراتاں زِری جمبر بلوچی زند سلامت بات

من پُنّوآں من عزّ تّاں من اَھد ئِ توکلی مَستاں
شپانی موجریں مَہپر بلوچی زند سلامت بات

گَیاباں سرجناناں اِے منی راج ئِ مزاریں بَچّ
تلار ئُُ سرشم ئُُ سنگر بلوچی زند سلامت بات

رُداناں ٹیبُریں بالاچ پہ دوداہیں وتی بیراں
مِراں پہ غیرت ئَ کمبر بلوچی زند سلامت بات

زَراں چو شئے مُرید ئَ من پہ مِسک ئَ مہلبیں ڈیھ ئَ
سعیت ئُُ حانی ئُُ چاکر بلوچی زند سلامت بات
٭٭٭٭٭٭٭٭٭٭٭٭٭٭٭٭
دستونک
ناگمان میّاہ
پہ بہارگاھے ئَ اے غم نہ بَراں
درد زِرد ئَ نہ بنت شکم نہ براں
راست، پد کنزگ ئَ دلوں نہ گشیت
چون کناں دیمتر ئَ قدم نہ براں
پہ تئی اوست ئَ نشتگین یے آں
چو پہ ارزانی ئَ من دم نہ براں
مہتلاں کہ دو اَلّتاں گون انت
جاگہے پاد ئُُ جاھے چم نہ براں
چہ تئی پروش ئَ پُرشتگاں چہ وت
چہ تو باج ئَ براں کہ ہم نہ براں
ہستی ئِ مانپوشیں سوداہاں
گیش ہردے دیاں کہ کم نہ براں
ناگمان پَشت کپاں چہ ہمراہاں
راہ شناسیں دگان ئُُ شم نہ براں
٭٭٭٭٭٭٭٭٭٭٭٭٭٭
دستونک
اشرف زہیر
روچ ئِ زیباہی تُکّ جنَگی اِنت
آس ئِ لذت من ئَ را ورگی انت
نام ویرانگ ئِ بد اِنت مُپت ئَ
وت کپوت ئَ چِداں چہ رَوگی انت
مونسیں مولد ئُُ بدیں بی بی!
ھارت ئِ چانَگ ھساب کنگی انت
کشک بے سِتکی ئَ بدل بیتاں
ٹکّ یکین انت درساں رَوگی انت
کَلّی ئِ ساھگ ئَ مدام گودِر
دل گیابان آپ جنَگی انت
تو بگندئے نہ گندگائے زہیر
دروگ ہر وڑ ترا را بندگی انت
٭٭٭٭٭٭٭٭٭٭٭٭٭٭
غزل
ڈاکٹر طارق سخی
کم ئُُ جاہ رستگ من ئَ کہ دل ئَ ےک مردمے ئِ
کپتگ انت دست ئَ من ئَ کہ تل ئَ ےک مردمے ئِ

چستاآ زمان ئَ کہ من پہ وتی سوبندی ئَ
زرتگ انت ہر وھد ئَ من بےبلائَ ےک مردمے ئِ

روچ ئُُ شپ کہ چوں گو´زاں ہچ سما نےست انت من ئَ
چارےتگ چماں من ئَ ےک شل ئَ ےک مردمے ئِ

کسے ّپروا نوں استےں ناں من ئَ کہ حاجت ئے
کموکے اتکگ کہ پمن نوں سل ئَ ےک مردمے ئِ

چوں ترا وش اھت کنت چاراں طارق چوں برےں
آتکگ انت مرچی کلہوہ گرم ئِ جل ئَ ےک مردمے ئِ

٭٭٭٭٭٭٭٭٭٭٭٭٭٭٭
بچار اِت
لطےف الملک بادےنی
آزمان ئِ جوانی ئَ بچار اِت
قدرت ئِ نشانی ئَ بچار اِت

روچ ٹک تاں روچ کپت ئَ
اے جہان ئِ شاہگانی ئَ بچار اِت

روژنائی ئُُ تہاری زند ئَ گوازےنان انت
پہ ہورتی ئَ وتی زندگانی ئَ بچار اِت

مُدام پُررنگےں موسم آےاں اَنت
زمان ئِ روانی ئَ بچار اِت

ڈگار ئِ سرا کہ مَلگزارےں درچک اوشتوکنت
بلے آہانی شادمانی ئَ بچار اِت

زِر ئِ تہا انگت استاں ہوشام لطےف
بنی آدم ئِ بردا نادانی ئَ بچار اِت
٭٭٭٭٭٭٭٭٭٭٭٭٭٭
غزل
عالم عجےب
اسہ خڑےنک ئِ ہزار چاہک
نا خن تا قدرے بہار چاہک

نا خنک کےرہ تعارف ئِ نا
پن ئِ دا کُلاّ شار چاہک

اسہ توار آ کنا بفک او
ای دُوارہ کےوہ توار چاہک

دا خن تا ناز آں شراب او کُنپک
مرےرہ تےنٹ خُمار چاہک

اوپےن سےنگھار کےک درد آن
کہ دڑد خوراف داشار چاہک

زہےر ہخّس کے کُلواو کپکّ
او مہرٹی ہم مَےار چاہک

عجےب کُل سےل کےرہ اودے
اوکس توں تخپک چکار چاہک

٭٭٭٭٭٭٭٭٭٭٭٭٭٭٭٭٭٭٭٭٭٭٭