شاعری

غزل

باقی بیگ

سِنگیں ایمان پہ بچکندےءَ مہرنگ منی آپ نہ بیت
راستے دنیا ءَ کفن روچ ءِ سرا تاپ نہ بیت

من کجا آں ءُُ کجا اِنت منی راہ دربَر
آسے ارواہ، منی جان چیا باپ نہ بیت

زیارت ءُُ پیر پکیراں نوں برگ لوٹیت دل
گوں منی سوج ءُُ سراں ہچ وڑا الکاپ نہ بیت

اتکہ یک رنگے ماں امروز ءِ ہمک کرد ءِ تہا
ہور گْوارنت بلے انگت ءَ مُرگاپ نہ بیت

من وَ دہ رندا ہمے کسہ تلاوت کرتگ
مَرگ بیت جنگ بہ بیت ہون چِتو آپ نہ بیت

کَے کزا کنت منی سہب ءِ زہیراں باقی
دشت بُنبندءَ دل ءِ کَلّیں پمیش چاپ نہ بیت
٭٭٭٭٭٭٭٭٭٭٭٭٭٭٭٭
غزل

حمیرا صدف حسنی
مست توکلی
میرے مستیں توکلی سن لے
اب بھی جزبوں کی نوحہ خوانی ہے
اب بھی دستار کی کہانی ہے
اب بھی جنگ وجدل کا عالم ہے
ہر طرف ہی خزاں کا موسم ہے
میرے مستیں توکلی سن لے
اب بھی درویش یوں بھٹکتے ہیں
شب کی تنہائیوں میں بستے ہیں
اب بھی کانٹے چبھے ہیں پیروں میں
اب بھی تاریکیاں سویروں میں
میرے مستیں توکلی سن لے
اب بھی دنیا کے سخت پہرے ہیں
ہر طرف پیار کے لٹیرے ہیں
اب بھی روحوں کی بیقراری ہے
یہ سفر تو ازل سے جاری ہے
میرے مستیں توکلی سن لے
پھر وہی داستان لکھنی ہے!!!!

٭٭٭٭٭٭٭٭٭٭٭٭٭٭٭
تو بے وفائے ءِ،،
زبیر مختار ءِ رندگیری ءَ
طارق پیشکانی

گُراگ ءُُ مور ندیستہ تو بے وفائے ءِ
تیاب ءَ گور ندیستہ تو بے وفائے ءِ

نزان ئے باتیلءُُ میدیءِ سُرمگیں کوہاں
تو گَٹّی ڈور ندیستہ تو بے وفائے ءِ

تو شعراں کازیءِ وان ئےءُُ چمّاں بندکنئے
‘تو شادی کور ندیستہ تو بے وفائے ءِ”

گُلابءُُ گواڑگءَ ھرکس وتی بکنت بِلّے
دنیگہ جور ندیستہ تو بے وفائے ءِ

تو بے وفائےءِ طارق کہ ہچ گپّ نہ بیت
آکوہنیں دور ندیستہ تو بے وفائے ءِ
٭٭٭٭٭٭٭٭٭٭٭٭٭٭٭٭
غزل
احمد الرحمن آسکانی ملک آباد
ھیال ءِ پچ کتگ نوکیں کتابے
منی آگاہیں چمّاں چوکہ وابے

جہان ءِ بے نپیں سودا ءُْ سَٹّاں
سر ءُْ چیر اِنت اے چونیں حسانے

نہ گوار ایت آزمان ترمپے زمین ءَ
سرا آتکگ مئے چونیں عذابے

اے راج ءُُ قوم ءِ باندات انت جوان مئے
دراہ دزگٹّ گوں باپورا چہ دابے

چہ بیہ ءَ بیمناک انت جور جواب انت
بلے دست ءِ سلاح جام ءِ شرابے

تئی پنتاں اثر مان نیست احمدؔ
من لوٹاں کہ دل ءَ چَنگ ءُُ ربابے

٭٭٭٭٭٭٭٭٭٭٭٭٭٭
غزل
رازق رضا بلیدی

مدام زندگی گیگ ءُُ گور باتئے تو
ھمک وشی ءِ ہمسفر باتئے تو

نظر دژمنانی مہ لگّات ترارا
مدامی بداں چہ گِسر باتئے تو

وتا سمبہین مثل ءِ ھور ءَ مدامی
منی مہر ءِ جنّت شر باتئے تو

ھما واھگ ءِ کہ سفر کُت تو بنگیج
وتی منزل ءَ دوست سرباتئے تو

غم ءُُ گرمیں گواتے مہ کشّات پرتو
منی واھگ ءِ درچک برباتئے تو

بگش دوست ءَ سہتے نہ بیت مارا بے تو
او رازق رضاؔ! مئے نپر باتئے تو

٭٭٭٭٭٭٭٭٭٭٭٭٭٭٭٭٭٭٭٭٭
غزل
یوسف سھیل

کے اِنت گشیت وسریں درداں تو چکار ئے
تو اھد ءِ بِٹ ءُُ دام ءُُ کلبجانی شکار ئے

آ دورےءَ انچیں تو پمن سھتے نہ بوت ئے
مرچاں تو منی دژمن ءُ بدواھاں ھوار ئے

یکین ءَ مہ گش پرچا کہ آ اَچ ما در اتکگ
ما درست میاریگ ایں اگاں تچک ءَ بچار ئے

دنیا وَ تئی دید ءِ پدا بے وسیں کپتگ
تو پرچا وتی نگرھیں زند ءَ چہ شزار ئے؟

درملک ءِ ھمک وشی بیاں تھلگ ءُُ ماجین
مارا کہ زھیر کایاں وتی ماتیں دیار ئے

آ تیوگیں زند ءَ منی یادانی تہ ءَ گوست
دنیا تو منی دلبر ءِ مَٹّ ءَ کجا کار ئے

چے کرتگ نہ زاناں تو منی دیدگیں ھمبل
امروز ءِ شگانانی تہ ءَ کپتگ ءُُ گار ئے

بے واباں تئی برات تئی گاری ءَ یوسپ
گلہ ءَ کن ئے پرچا وتی بزگیں یار ئے

٭٭٭٭٭٭٭٭٭٭٭٭٭٭٭٭٭٭
غزل
گزین عمر
سستگ ایں ستارہ تئی بستگاں گوں زمزیلاں
گوات ءِ بانزلاں بنداں، پترکاں گوں قندیلاں

تو پہ من چو گیتا ءَ تو زبور ءِ مہرانی
من پتو چو تورا تاں عشق ءِ پاکیں انجیلاں

ہر کس جند ءِ آس ءَ نوں وت سپان واشکر بیت
کے بزانت کئی باکس کے بزانت کئی ڈیلّاں

زندگی من دم برتگ منزلانی شوہازگ
بارایں چنت پش کپتگ اے سفر تئی سِنگ میلاں

ساہ ءَ قبزکاں بارایں کئے منی تمندار ایں
پہ من در چن ءِ میار ءِ دژمن ءِ چو قابیلاں

شانز ا لیزاءِ وش ایں بیگاھانی سوغا تاں
اے جنک چو بریا آں اے ترپاں جو اسٹیلاں

٭٭٭٭٭٭٭٭٭٭٭٭٭٭