گوادرے کتابی میلہ۔۔۔۔۔ یار جان بادینی

فروری 2019ءِ تہا آرسی ڈی کونسلءِ سروک واجہ ناصر سہرابیءُُ بہرام بلوچ گوں وتی سنگتانی ھوری ءَ کوءٹہ آتگ ات ۔ آھاں گوں بلوچستان ءِ سر وزےر جام کمال ءَ گندءُُ نندے کنگی ات ۔ اے درگت ءَ آھاں ماہتاک بلوچی زندءِ کارگسءِ ترءُُ تاب کرت ۔ گوں آھاں سرجمی ءَ حال حوال بوت ۔ وھدے من آھاں ءَ وتی کتاب عمانءِ بلوچءُُ رضا ربانی ءِ کتاب چماں اندرےں مہلوک ءِ کتاب سوغات کرت کہ اے کتاب ءَ بلوچی زبانءِ نامدارےں کلمکارءُُ کواس واجہ غلام فاروق بلوچءَ بلوچی زبانءَ رجانک کرتگ ۔ عمان ءِ بلوچ منی جندے انت آھاں ءَ اے کتاب دوست بوت انت ۔ واجہ ناصر سہرابی ءُُ آئی سنگت اے کتابانی دےمدرائی دےوان گوادر ءَ اےر کرت ءُُ مارا دعوت دات ۔ کہ شما المءَ گوادرءَ کتابانی مےلہ بہر بزور اےت ۔ واجہ ناصر سہرابی،بہرام بلوچءُُ آئی سنگت دو روچءَ رند گوادر ءَ واتر بوت انت ۔ آھاں اے ھم سوج کرت کہ عمان ءِ بلوچ ءِ سرا کئے چمشانک دور بد انت ۔ من گشت کہ تربت ےونےورسٹی ءِ رجسٹرار واجہ غلام فاروق بلوچ ءُُ حفےظ جمالی شر انت ۔

گوادر کتب مےلہ ءِ حاترا مارا ےک دعوت نامہءِ آر سی ڈی کونسل گوادردےم دےگ بوتگ ات ۔ کہ گوادرءَ بگر تاں 10مارچءَ اے مےلہ برجم دارگ بےت ۔ اے مےلہ ءِ تہا بلوچی لبزانکی دےوان کوءٹہءُُ زند اکےڈےمی نوشکے کتاب ءِ دےمدرائی دےوان ءَ اےر کنگ بوتگ اتنت ۔ تہ ماں گوں سنگتاں صلاح ءُُ سوج کرت کہ مئے پجی ءَ کئے کےت ۔ زند اکےڈےمی ءِ چےرمےن عبدالباری وتی دست گٹےانی سوب ءَ گشت من ات نہ کناں ۔ آئی ءَ زند اکےڈےمی ءِ نائب صدر منظور عالم ، جنرل سےکرٹری عبدالباسط بلوچ ءَ منی ھواری ءَ تےار کرت ۔ من بلوچی لبزانکی دےوان ءِ فوٹو گرافر بنارس خان ءَ وتی ھوری ءَ تےار کرت ۔

ماں روگا چہ پےش انسٹےٹےوٹ آف بلوچی لےنگوےج اےنڈ کلچر ےونےورسٹی اف تربت کےچ ءِ ڈائرےکٹر ڈاکٹر عبدالصبورءَ گوں گپ ءُُ تران کرت ۔ کہ بلوچی لبزانکی دےوان ءَ بشےر احمد بلوچ ءِ کتاب سبزےں سگار(مےر کمبرءِ داستان) چھاپ کرتگ ۔ ماں لوٹاں اے کتاب ءِ دےمدرائی دےوان تربت ےونےورسٹی ءَ برجم دارگ بہ بےت ۔ ڈاکٹر عبدالصبوربلوچ ءَ گشت مئے دست ءَ ہرچی بوت کنت مئے ادارہ ءُُ ےونےورسٹی شمے مدت ءُُ کمک ءَ تےار انت ۔ چرےشی پےش من بلوچستان ءِ وانگءُُ زانگ ،حال رسانی شنگ کاری ءِ صوبائی وزےر ظہور بلےدی ءَ گشتگ ات ۔ بلکں آئرءَ لےٹرے داتگ ات کہ واجہ بشےر احمد بلوچ ءِ کتابءِ دےمدرائی دےوان کوءٹہ ءَ برجم دارگ بہ بےت ۔ اےشی تہا سر وزےر جام کمال خاصےن مےمان بہ بےت ۔ منی مولءُُ مراد اےش ات کہ تربتءَ بشےراحمد بلوچءِ نام چےزے اےر کنگ بہ بےت ۔ چےاکہ آئی بلوچی زبانءِ واستہ ھزمت سک باز انت ۔ آئی نام مدام زندگ بہ مانےت ۔ بلے واجہ ظہور بلےدی ءَ کاگد ےک کنڈے ءَ اےر کرت ہچ نہ چارت ۔ کہ مردمے منی لوگ ءَ اتگ ۔ بشےراحمد بلوچءِ تعلقداری چہ مےنو تربت ءَ انت ۔ آئیءِ بلوچی زبان ءِ حاترا کار نمےران انت ۔ واجہ ظہور بلےدی ءِ نادلگوشی ءِ باروا منا حبےب جالب ءِ اے شعر ےات ات ۔

تم سے پہلے وہ اک شخص ےہاں تخت نشےن تھا

اس کو بھی اپنے خدائی پہ اتنا ہی ےقےن تھا

کوئی ٹھہرا ہو جو لوگوں کے مد مقابل تو بتاو

وہ کہاں ہےں کہ جنےں ناز بہت اپنے تےئن تھا

اب وہ پھرتے ہےں اس شہر مےں تہنالیے دل کو

اک زمانے مےں مزاج ان کاسرِ عرش برےن تھا

وھدے بلوچی زبان ءِ نامدارےں شاعر واجہ عطاشاد اے دنےا ےل دات تو من بلوچی لبزانکی دےوان ءِ نےمگا کوءٹہ ءِ ادارہ ثقافت بلوچستان ءِ حال ءَ ےک پرسی دےوانے برجم داشت ۔ اے دےوان ءَ بلوچی زبانءِ نامدارےں کلمکار ءُُ کواس بہر زرت انت ءُُ واجہ عطا شادءَ خراج عقےدت پےش کرت ۔ واجہ اسلم بلےدی کشتءُُ کشارے صوبائی وزےر ات،ماں پرسی دےوان ءَ قراردادے پےش کرت کہ تربت ڈگری کالجءَ عطا شاد ڈگری کالجے نام دےگ بہ بےت ۔ واجہ اسلم بلےدی دےوانءَ پد شت سر وزےر جان جمالی ءَ گپتءُُ دو سے روچے تہا تربت ڈگری کالج ءِ نام عطاشاد ڈگری کالج اےر کنگ بوت ۔ ماں لوٹت کہ واجہ بشےر احمد بلوچءِ باروا ادارھے نام اےر کنگ بہ بےت ۔ بلے چوش نہ بوت ۔ ماں 4 مارچ2019ڈبل سےٹرے کراےہ کرت کہ آئی ءَ روچے پنچ ہزار کلدار چہ ماں گپتءُُ آئی تےل ءُُ ورگ درا مئے سرا ات ۔ کسمتءَ بچار ڈرائےورے تعلقداری ھم چہ نوشکے ءَ ات ۔ آئی نام سمےع اللہ تراسےزی مےنگل ات، صحب ءِ ھشت بج ءَ منازرت ۔ کتاباں گاڑی ءَ مان کرت ۔ پدا شت فوٹو گرافر بنارس خان ءَ زرت آ ماشاء اللہ ڈرائےور ے وڈا زنڈ ات ۔ من آئرا دےمے سےٹءَ نندارےنت چےاکہ آ پشتءَ جاگہ بوت نہ کرت ۔ پدا ماں رادگ بوت سرےاب روڈ برما ھوٹلءَ چہ زند اکےڈےمی ءِ سکرےٹری عبدالباسط ءَ زرتءُُ دےم پہ وتی سفر ءَ رادگ بوت ۔ منظور عالم صحبءَ مالو نوشکے ءَ چہ لکپاسءَ اتگ ات ۔ مئے ودار ءَ نشتگ ات ۔ وار وار ءَ فون کرت کہ کجا ات ۔ منظور عالم ناشتہ ھم نہ کرتگ ات ۔ ماں پہ وتی منزل ءَ رادگ اتاں کھڈ کوچہ ءَ داشت سنگتاں ناشتہ کرت ۔ گاڈی ءَ تےل ماں کرت ۔ دےم پہ پنجگور ءَ رادگ بوت ۔ چےاکہ نےمروچ نان مئے واستہ حاجی صالح ءُُ رحمت بلوچ ءِ گسءَ ات ۔ واجہ حاجی صالحءُُ رحمت بلوچ ہر دو پنجگورءَ ساڑی نہ اتنت ۔ بلے آئی مردم مئے ودارکنگا اتنت ۔ وار وار ءَ مارا فون کرت کہ کجا رستگ ات ۔

مئے ڈرائےور کماش ات شری ءَ گاڈی برت نہ کرت ۔ ماں مزنےں جنجالے ءَ پد بےگاھے چارءَ پنجگورءَ رست ۔ واجہ رحمت بلوچءِ لوگ ھم راہ ءِ سرا ات ۔ آئی مردماں مارا ناں دات ۔ مئے حاترا شرےں نےمروچے نانے بندوبست کرتگ ات ۔ مئے گاڈی ءِ وےل کمو لےک ات آئی ءَ چہ تےل در کپگا ات واجہ رحمت بلوچءِ مردماں مئے گاڑی زرت مکےنک ءِ گورا برت ۔ مکےنک ءَ گشت کہ اے مزنےں مسئلہ ے نہ انت ۔ ماں بےگاہ ءِ پنچءَ چہ پنجگور ءَ دےم پہ تربت ءَ رادگ بوت ۔ ڈاکٹر مالک بلوچءَ فون کرت کجا ات ماں گشت انو ں در اتگں تربت ءِ نےمگا گشت چےا دےر کنگا ات ۔ سی پےک ءِ راہ ھم پرشتگ ات ۔ جاورے شر نہ ات ۔ مکران ءَ ھورءُُ آبادی باز بوتگ ات جلال مالک مئے واستہ ودارےگ ات کہ وار وار ءَ فون کرت مئے حال ءَ گپت ۔ سوراب ءَ بگر تاں پنجگورءَ تےل ءِ گاڈی سک باز اتنت ۔ انچو گاڈےانی وڈا لےوےز،اےف سی ءِ پوسٹ ھم سک باز اتنت ۔ ہر تےل ءِ گاڈی ءَ چہ پنچ صد کلدار گپت انت ۔ پنجگور ءَ دےم پہ تربت ہر پنچ کلومےٹرے سرا اےف سی ءِ چےک پوسٹ ات جست کرت کجا روت شناختی کارڈ پےش بدارت ۔ ڈرائےور ے واک نہ بوت بنارس خان شت ناماں نبشتہ کناہےنت پد ا کات ۔ ھورءُُ آبادی ءَ تربت ءِ راہ ہر جاگہءَ پرشتگ ات ۔ ےک ءُُ دو وار ءَ مئے گاڈی کپگا چہ بچت ۔ ھوشاپ ءَ کہورے آپءَ پل برتگ ات ۔ گاڈی چہ جال ءَ شت انت ۔ شپ ءِ ےانزدہ ءَ ماں تربت ءَ سر بوت اودا تچک ڈاکٹر مالک بلوچ ءِ لوگ ءَ شت اودا آئی بچ عثمان،محراب،جلالءُُ فےصل مئے ودارءَ نشتگ ات ۔ مارا وش ات کرت گشت کہ ماں شمے واستہ سک ترستگ چےاکہ شما راہ ءَ بلد نہ اتءُُ شمے گاڈی حراب مہ بےت ۔ آھان مارا نان دات ۔ ناں ورگ ءَ پدڈاکٹر مالک بلوچءِ بچءَ سرکٹ ھاوسءَ مئے بندوبست کرتگ ۔ ماں شت سرکٹ ھاوس ءَ وتی بےگ جال کرت ۔ ہر کس وتی کمرہ ءَ شت وپت آرام کرت ۔ موسم گرم ات شپ ءَ ماں پنکھ اسٹارٹ کرت ۔ سک دم برتگ ات شری واب کپت چےاکہ صحب ءَ بشےر احمد بلوچے کتابے دےمدرائی دےوان ات ۔ صحب ءَ وھدے ماں واب ءَ چہ پاد ات ۔ ناشہ کرت ۔ مناصادق صباء َ فون کرت کہ فےنا فلےکسءِ واستہ مردمے راہ دےاں تو فےنا فلےکسءَ زوت مئے سرا روان بدے ۔ دےر نہ گوست ورنائے ات ءُُ گشت کہ منا صادق صباء ءَ راہ داتگ ۔ من فےنا فلےکس زرت ورنائے دستءَ دات ۔ دمانے ءَ پد طاہر حکےم ات ۔ آئیءَ مارا زرت ماں دےم پہ ےو نےورسٹی ءَ راہ دگ بوت ۔ تربت شہر سک جلواناک ءُُ برھدار ات ۔ نوک نوکےں ماڈی ءُُ دھگ ءُُ راہ جوڈ بوتگ ات ۔ تربتءِ ہر چوک ےک شرےں ندارگے پےش دارگا ات ۔ وھدے تربت ےونےورسٹی ءَ سر بوت ۔ تو سک دل وش بوت کہ تربت ےونےورسٹی ءِ ماڈی سک جلواناک ات ۔ ہر نےمگا بچک ءُُ جنءک گندگ بوت انت ۔ بازے کلاس گرگا ات ۔ طاہر حکےم ءَ مارا انسٹےٹےوٹ آف بلوچی لےنگوءج اےنڈ کلچرءِ ڈائرےکٹر ڈاکٹر عبدالصبور ے کارگسءَ برت ۔ آ ساری ءَ مئے ودار کنگا ات ۔ آئی ءَ مارا وش کرت ۔ اودا واجہ غٖفور شاد ءَ گوں مئے گندءُُ نند بوت بازےں دگہ سنگت ساڈی اتنت ۔ ڈاکٹر عبدالصبور ءَ جست کرت کہ واجہ بشےر احمد بلوچے کتابے سرا کئے کئے گپ جنت ۔ من گشت کہ من گپ جناں ءُُ من تربت ےونےورسٹی ءِ رجسٹرار واجہ غلام فاروقءَ ھم لوٹ کرتگ کہ آ ھم گپ بجنت ۔ واجہ عبداللہ بلوچ ھم گپ جنت ۔ آئی ءَ جست کرت کہ کوءٹہ ءُُ نوشکےءَ آتگےں تئی ہمرانی تہا کسے دگہ گپ نہ کنت ۔ من منظور عالم ءَ گشت تو گپ جنئے آئی ءَ گشت من گپ نہ جناں ۔ ہمے گپاں گوں واجہ صبور بلوچءَ مارا زرت حال برت ۔ کہ اودا حال چہ مردما ں پر اتت ۔

انچو زوت تربت ےونےورسٹی ءِ رجسٹرار واجہ غلام فاروق بلوچ ات ۔ واجہ عبداللہ بلوچءُُ واجہ بشےر احمد ءِ براتءُُ بچ ھم اتنت ۔ اے دےوان تربت ےونےورسٹی ءِ بازےں پروفےسر ءُُ استاد ھم ساڈی اتنت ۔ واجہ بشےر احمد بلوچءِ کتابے دےمدرائی دےوان بندات بوت ۔

بلوچی زبان ءِ نامدارےں پٹ ءُُ پول کار واجہ بشےر احمد بلوچ ءِ کتاب ’’ سبزےں سگار‘‘ ءِ دےمدرائی دےوان انسٹےٹےوٹ آف بلوچی لےنگوےج اےنڈ کلچر ےونےورسٹی آف تربت ءِ بند ءُُ بوج ءَ 5 مارچ 2019 ءَ تربت ےونےورسٹی ءِ ہال ءَ برجم دارگ بوت ۔

اے دےوان ءِ پاگواجہ انسٹےٹےوٹ آف بلوچی لےنگوءج اےنڈ کلچر ےونےورسٹی آف تربت ءِ سروک پروفےسر عبدا لصبور بلوچ ات ۔ وھدےکہ دےوان ءِ خاصےں مہمان بلوچی لبزانکی دےوان کوءٹہ ءِ چےئرمےن ےار جان بادےنی اَت ۔

وھدےکہ اعزازی مہمان تربت ےونےورسٹی ءِ رجسٹرار واجہ غلام فاروق بلوچ ات ۔ دےوان ءِ جار چین ڈاکٹر غفور شاداَت ۔

دےوان ءِ بندات تلاوت کلام پاک ءَ شروع بوت دےوان ءِ بندات ءَ تران کناں ءَ بلوچی لبزانکی دےوان ءِ چےئرمےن ےار جان بادےنی ءَ گُشت کہ من انسٹےٹےوٹ آف بلوچی لےنگوےج اےنڈ کلچر ےونےورسٹی آف تربت ءُُ خاص ڈاکٹر عبدالصبور بلوچ ، غلام فاروق بلوچ ، ڈاکٹر غفور شاد ، طاہر حکےم بلوچ ، صادق صباء ءِ منت واراں کہ آھاں واجہ بشےر احمد بلوچ ءِ کتاب ’’ سبزےں سگار‘‘ ءِ دےمدرائی دےوان تربت ےونےورسٹی ءَ برجم داشتگ واجہ بشےر احمد بلوچ بلوچی زبان ءِ ہما نامدارےں پٹ ءُُ پول کار بوتگ کہ آئی ءَ وتی پٹ ءُُ پول ءِ زرےعہ ءُُ بلوچی زبان ءُُ لبزانک ءَ کتابانی ٹےکی داتگ ۔ اے کتابانی تہا ملا فاضل ، ملا قاسم ، جام درک ءِ شاعری ،للّہءُُ گراناز ءِ داستان پاکےں اشرفی ، شپ چراگ ءُُ دومی بازےں کتاب ھوار انت کہ اے بلوچی زبان ءُُ لبزانک ءِ مڈی زانگ ءَ بنت واجہ بشےر احمد بلوچ ءِ اے کتاب سبزےں سگار( مےر کمبر ءِ داستان ) کہ بلوچی لبزانکی دےوان ءِ نےمگا 2018 ءَ چھاپ ءُُ شنگ کنگ بوتگ ۔ آئی ءِ ےک دگہ کتابے نوکےں چراگ ءِ نام ءَ مئے ادارہ ءِ گورا اےر انت زوت چھاپ ءُُ شنگ کنگ بےت ۔

انسٹےٹےوٹ آف بلوچی لےنگوےج اےنڈ کلچر ءِ ڈائرےکٹر ءُُ بلوچی زبان ءِ نامدارےں اسکالر ڈاکٹر عبدالصبور بلوچ منی برات گونگےں دوزواہ ءُُ بلوچی لبزانک ءِ ہچبردم نہ بروکےں جہد کار ، نوےسکار ، واجہ ےار جان بادےنی

ڈاکٹر نعمت گچکی ءُُ آئی بی اےل سی ءِ اسسٹنٹ پروفےسر ءُُ بلوچی لبزانک ءِ نامدارےں کلمکار ڈاکٹر غفور شاد ، بلوچی لبزانک ءِ بودناک ءُُ گشاد کارےں جہد کار ءُُ نوےسکار طاہر حکےم بلوچ ، آرٹس کونسل ءِ ساری ءِ ڈائرےکٹر واجہ عبداللہ بلوچ ، تربت ےونےورسٹی ءِ کنٹرولرا گزام ءُُ کلمکار واجہ تنوےر ودار دےوان ءِ نندوکےں منی درائےں برات ءُُ گوھاراں استاد ءُُ طالباں ! واجہ بشےر احمدبلوچ ءِ عزت مندےں برات ءُُ خاندان ءِ دگہ مردماں ۔

اسلام علےکم!

مروچےگےں مراگش منا پہ دو سوب ءَ سک دوست بےت ےکے اےش کہ منی دوستناک ترےں سنگت ءُُ ہمکار واجہ ےار جان بادےنی مزنےں وھدےءَ رند اِدا اتکگ ءُُ موجودبوت انت ءُُ دومی پرے واستا کہ اے دےوان ےک ہنچےں مقصدے ءِ واستہ بوھگا انت کہ آ لہتےں دور ءِ مسترےں لوٹ ءُُ ضرورت انت بلے بلوچی لبزانک اے تک ءَ سک باز پشتا انت واجہےں برات ءُُ با نکےں گوھاراں !

پٹ ءُُ پول ےا رےسرچ کہ اےشی ءَ را برے برے شوھاز کاری تک ءُُ گچےن چک ءُُ تان ےا ہمے وڑےں دگہ لوزاں گوں توار کننت ۔ زبان ءُُ لبزانک ءِ جسم ءِ تہا چو تچوکےں حون ےا آکسےجن ءِ پےما انت کہ چرےشی ءَ ابےد زبان ءُُ لبزانک تا مزنےں وھدے ءَ دراہ جان ءُ ُ سلامت بوت نہ کننت ءُُ پٹ ءُُ لوٹ کنان ءُُ نزور بوان ءُُ جہل ءَ روان تا بےگواہ ءُُ بےران بنت ۔ دنےا ءِ تہا ہزارانی حساب ءَ ہنچےں زبان بوتگ انت کہ ےک دورے سک طاقتور ءُُ نامدار بوتگ انت ءُُ دگہ بے حسابےں زبان چہ آھانی پہلوگ ءَ درتکگ ءُُ دنےا ءَ اتکگ انت چو کہ زند ءِ اوستہ سنسکرت انت بلے مروچی آھانی نام ءُُ نشان بس تارےخی کتابانی توکا پشت کپتگ انت ۔ منی نز ءَ اےشی ءِ مسترےں سوب اےش انت کہ اے زبانانی تہا پٹ ءُُ پول ءُُ شوھاز کاری آ وڑا نہ بوتگ ات کہ بوھگ لوٹتگ ات ۔ دومی نےمگا دنےا ءِ ہما زباناں کہ آھانی گشوک ءُُ نوےسکارانی تہا چےزے ہنچےں مردم دےما اتکگ انت کہ آھاں پٹ ءُُ پول ءُُ شوھاز کاری ءِ ضرورت ءُُ اہمےت زانتگ ءُُ اے تک ءَ جہد کتگ کہ زبان مرچی نہ اےوکا زندگ ءُُ سلامت انت بلکےں روچ پہ روچ دےما روان ءُُ چنک ءُُ رہوار ءُُ دنبگ بووان انت ۔ انگرےزی ،فرانسےسی ، عربیءُُ دگہ بازےں زبانانی مسال مئے دےما انت ۔ مروچی ماگندےں کہ انگرےزی زبان ءِ ےک ےک لوزے ءِ پجاروکی ءِ واستہ دو دو سے سے تاکدےم پر انت ۔ آ لوز ءِ دومی بوگ ءِ وھد ءَ پاس آئی ءِ ردگ ءُُ مزن بوھگ ءِ پےم ءُُ رھبند آئی ءِ مانا ءُُ کار مرزی گوں آئی ءَ سےادی کنوکےں دگہ لوز ، آئی ءِ ھم معنا ہےں اُردو معنا ہےں دگہ لوز ءُُ بازےن سپت نبشتہ انت ۔ لبزانک ءِ اےدگہ درائےں تک ءُُ پہناتانی اندر ءَ ھم ہمے وڑےں تک ءُُ گچےن ءُُ گےش ءُُ گےوار گندگ بنت ۔

بلوچ نوےسکار ءُُ جہد کارانی تہا واجہ بشےر احمد بلوچ ہما زانتکار ات کہ آ چرے راستی ءَ سہی ءُُ سرپد اَت ۔ آئی ءِ لبزانکی جہد ءُُ کارانی سرا چمشانکے دےگ بہ بےت تہ پدر بےت کہ آئی ءِ جہدانی آجگ ءُُ مجگ پٹ ءُُ پول ءُُ رےسرچے اَت ۔ آئی ءَ ہرچے نبشتانکے کہ نوےس ات ہرچ کتابے کہ شنگ کت آ پٹ ءُُ پول ءُُ شوھاز کاری ء بنےاد ءَ اَت ۔ مُلا فاضل ، مُلا قاسم ءُُ جام درک ءِ گپتار انی شوھاز کاری ءُُ آھانی لبزانکی قد ءُُ بالاد ءِ بابت ءَ تک ءُُ گچےن بہ بےت ےا للّہ ءُُ گراناز ءِ تارےخی داستان ءِ بابت ءَ پےشکانڈی ۔ آئی ءِ کتگےں اے بنےادی کار رےسرچ ءِ پڑ ءَ مزنےں درجہ ءُُ مقامے دارانت ۔

ہر زانتکار ءُُ پولکار ے کہ اے شائرانی بابت ءَ پٹ ءُُ لوٹ کنگ لوٹےت ےا بلوچی ءِ کلاسےکی داستانانی ارزشت ءُُ بلوچ سائےکی ءِ شونداری ءِ تک ءَ اے داستانانی کر ِ ءُُ بہر ءِ بابت ءَ زانگ لوٹےت آ المی ءَ بشےراحمد بلوچ ءِ کتاباں بنےاتی رےفرنس ءِ ھورت ءَ کارمرز کنت چہ کتاباں ابےد بشےر احمد ءِ قرےب درائےں نبشتانکانی تہا پٹ ءُُ پولی تار ءُُ پہنات گےش بوتگءُُ رند ءِ نوےسکار ءُُ پولکاراں ہمے نبشتانکان ءَ وتی پٹ ءُُ پول ءِ بنےاد جوڑ کتگ ۔ اے حساب ءَ ما گشت کنےں کہ واجہ بشےر احمد بلوچ چہ ہما نوےسکار ءُُ کواساں انت کہ آئی ءَ بلوچی زبان ءُُ لبزانک ءِ بنےاتی ءُُ اہم ترےں لوٹ ءُُ ضرورتانی نےمگا دلگوش داتگ ءُُ اے تک ءَ بازےں کمی ءُُ ضرورتان ءَ پورا کتگ ۔

واجہ ےا رجان بادےنی ءِ شوھاز کتگےں ءُُ شنگ کتگےں اے نوکےں کتاب کہ سبزےں سگار ءِ نام ءَ مئے دےما انت ۔ اے کتاب ءَ بلوچی لبزانکی دےوان کوءٹہ ءَ چھاپ کرتگ ۔ واجہ بشےر احمد ءِ پٹ ءُُ پولی جہدانی ےک کڑی یے کہ اےشی ءِ بابت ءَ باز کم مردماں معلومداری بوتگ ہر کس زانت کہ اے کتاب ءِ چھاپ کنگ ءِ پُشتا ہچ وڑےں مالی ےا تجارتی نف ءُُ فائدگ نےست ۔ اے ےک ہنچےں کارے کہ چرےشی ءَ نہ اےوکا ھدا مرزی بشےر احمد بلوچ ءِ ارواح وشنود بےت بلکےں بلوچی کلاسےکی شائری ءُُ خاص مےر کمبر ءِ بابت ءَ پٹ ءُ ُ پول کنوکاں سک باز مدت ءُُ دلبڈی رسےت ۔

من دلجماں کہ اے کتاب ءُُ چدءُُ ساری شنگ کتگےں بلوچی لبزانکی دےوان ءِ درائےں کتاب پہ ےونےورسٹی ءِ پولکار ءُُ استاد ءُُ وانوکانی واستا بے مٹےں ٹےکی ءِ سوگات انت ۔ من چہ واجہ ےار جان بادےنی ءَ دز بندی کناں کہ وتی شنگ کتگےں دوہےں کتابانی دہ دہ دانگ پہ ےونےورسٹی ءِ کتاب جاہ ءَ روان بدنت ۔

انسٹےٹےوٹ آف بلوچی لےنگوےج اےنڈ کلچر ےونےورسٹی آف تربت ءِ ڈائریکٹر ڈاکٹر صبور ءَ گشت کہ واجہ بشےر احمد بلوچ ءِ پٹ ءُُ پول نمےران انت ۔ خاص مےر کمبر ءِ داستان باز اےم انت ، اے داستان بلوچ چاگردے تہا بہادری ءُُ دلےری ءِ پےش دارےت ۔ چوشکہ مےر کمبر ءِ جندے داستان انت ۔

دومی واجہ بشےراحمد بلوچ بلوچی زبان ءِ پٹ ءُُ پولے مزنےں نامے انت آگں آ بلوچی زبان ءِ پٹ ءُُ پول ءِ بن ھشت اےر کنوک گشگ بہ بےت تو رد نہ انت ۔

سےمی من واجہ ےار جان بادےنی وت بلوچی زبان ءِ ےک مزنےں جہد کار ءُُ پٹ ءُُ پول کارے انت آئی ءَ نہ اےوکہ دنےا ءِ بلوچ در گےتگ انت بلکں بلوچی زبان ءِ پڑ ا مزنےں کارے کنگا انت ۔ بشےر احمدبلوچ ءِ کتاب سبزےں سگار آئی زندگےں مثالے انت ۔ اُمےت انت بلوچی لبزانکی دےوان دےمترا ھم انچےں پٹ ءُُ پولی کتاب چھاپ ءُُ شنگ کتگ ۔

بلوچی زبان ءِ نامدارےں کلمکار ءُُ کواس ڈاکٹر نعمت اللہ گچکی ءَ گشت کہ من اناگت ءَ اے دےوان ءَ ساڑی بوتگ ۔ بشےر احمد بلوچ ءِ جہد ءُُ کوشست بلوچی زبان ءُُ لبزانک ءِ حاترا لکھ ستا کرزانت ۔ آ بلوچی زبان ءِ اولی پٹ ءُُ پول کار انت کہ آئی جہد ءُُ برکتانی سوب ءَ بازےں کتاب چھاپ ءُُ شنگ بوتگ انت کہ آ بلوچی زبان ءُُ لبزانک ءِ مڈی زانگ بنت ۔ انچو ےار جان بادےنی ءِ جہد ءُُ کوشست بلوچی زبان ءُُ لبزانک ءِ واستہ لکھ ستائے کرزانت کہ آ بشےر احمد بلوچ ءِ ےک گار ءُُ بےگوائےں کتاب ءِ درگےتگ چھاپ ءُُ شنگ کرتگ ۔ اے بلوچی زبان ءُُ لبزانک ءِ واستہ ےک مزنےں کارے انت ۔ اُمےت انت کہ واجہ ےار جان بادےنی وتی جہد ءَ انچو برجاہ دارےت ۔ بلوچی زبان ءِ واستہ شرےں چےز دےما کارےت ۔

واجہ عبداللہ بلوچ ءَ تران کناں ءَ گُشت کہ بلوچی لبزانکی دےوان ءُُ ےار جان بادےنی لکھ ستائے لائق انت کہ آئی ءَ بشےر احمد بلوچ ءَ ےات داشتگ ۔ اے کتاب ءِ دےمدرائی ءَ چہ نہ اےوکہ کےچ ءُُ تربت ءِ ورنا بشےر احمد بلوچ ءِ باروا پوہ ءُُ سرپد بنت ۔ آئی سرا ھم پٹ ءُُ پول کں انت ۔ اے دیوان ءَ واجہ بشیر احمد بلوچ ءِ براس خلیل احمد ءَ بچ شاہنواز بلوچ ہم ساڑی اتنت ۔

دےوان ءَ ےک قراردادے پےش کنگ بوت کہ تربت ءِ ےک ادارہ ءِ نام واجہ بشےر احمد بلوچ ءِ نام ءَ اےر کنگ بہ بےت کہ آئی ءِ کار ءُُ ھذمت بلوچی زبان ءُُ لبزانک ءِ واستہ سک باز انت ۔ ےات بہ بےت کہ بلوچی لبزانکی دےوان ءُُ واجہ عطاء شاد ءِ مرک ءَ رند ادارہ ثقافت بلوچستان ءُُ وتی یک پُرسی پروگرام ءِ تہا ڈگری کالج تربت ءِ نام ءَ عطاشاد ڈگری کالج اےر کرتگ انت ۔ انوں تربت ءِ ڈگری کالج عطاء شاد ءِ نام ءَ زانگ ءُُ پجارگ بےت ۔

دےوان ءِ گڈ سرا بلوچی لبزانکی دےوان ءِ نےمگا یار جان بادینی مہماناں ءَ بلوچی لبزانکی دےوان ءِ نےمگا چھاپ ءُُ شنگ بوتگےں کتابانی ٹےکی دےگ بوت ، دےوان ءِ آخر ءَ آئی بی اےل سی ءِ نےمگا ءَ مہمانانی شرف ءَ رےفرےشمنٹ دےگ بوت ۔

انسٹےٹےوٹ آف بلوچی لےنگوےج انڈ کلچر ءِ نےمگا رےفرےشمنٹ ءَ پد ماں ڈاکٹر عبدالصبور بلوچءِ شکرمنت گپت کہ آئی مدت ءُُ کمک ءَ واجہ بشےر احمد بلوچءِ کتاب سبزےں سگار (مےر کمبرءِ داستان)ءِ دےمدرائی دےوان تربت ےونےورسٹی ءَ برجم دارگ بوتءُُ ھدا مرزی ءِ قومی ءُُ راجی ھزمتاں خراجے عقےدت پےش کنگ بوت ۔ ماں رضا گپت ءُُ غلام فاروق بلوچ،گنگزار بلوچ،طاہر حکےم ءُُ دومی سنگت مارا تربت ےونےورسٹی کےچءِ جتاجتا اےں فکلٹی پےش داشت ۔ لائبرےری چہ جنکءُُ بچکاں پر ات ۔ کرسےانی سرا جاگہ نےست ات ۔ جنءکءُُ بچک جال ءَ نشتگ وانگءَ اتنت ۔ ےونےورسٹی ءِ کلاس روم باز ڈولدار اتنت ۔ کانفرنس حالءُُ بازےں آسراتی است ات ۔ تربت ےونےورسٹی ےک مےاں اُستمانی ےونےورسٹی ءِ رنگ ءُُ دروشم پےش دارگا ات ۔ غلام فاروق بلوچءَ مارا ےونےورسٹی ءِ ھاسٹلءُُ درا بلاک پےش داشت انت ۔ رندءَ مارا وتی اےڈمنسٹرےشن آفس ءَ برت کہ آودا وائس چانسلر،رجسٹرارءُُ دومی افسرانی کارگس اتنت ۔ واجہ غلام فاروق بلوچءَ مارا چاہ ءُُ آپ دات ۔ دےوان ءُُ مجلس بوت ۔ رندا آئی ءَ مارا وتی ےونےورسٹیءِ باروا سرجمعی ءَ معلومداری دات ۔

ماں واجہ غلام فاروق بلوچ ءَ اجازت گپت ۔ واجہ گنگزاربلوچ ءَ مارا اےڈ منسٹرےشن بلاک ءَ ڈن برو بخےر گشت ۔ ماں سنگتانی ھوری ءَ گاڈےانی تہا سوار بوتءُُ دےم پہ کےچ مےڈےکل کالجے چارگ ءَ شت ۔ مےڈےکل کالج وت ےک دنےائے ات ۔ مےڈےکل کالجے ءِ 20%کار پشت کپتگ ات ۔ مےڈےکل کالج ءِ چارگ ءَ پد مئے پروگرام مےنو ءِ روگے ات اودا واجہ بشےر احمد بلوچ ءِ ادےرہءُُ قبرءِ سرا فاتحہ وانگی ات ۔ ماں تربت اےجوکےشن سٹی ءَ چہ دےم پہ واجہ بشےر احمد بلوچءِ پسءُُ پےروکی ھلک مےنو ءَ رادگ بوت ۔ من واجہ بشےر احمد بلوچ ءِ بچءَ گوں سوار اتن ۔ آئی ءَ منی واستہ اے سی جتگ ات ۔ منا زکامءَ گپت چےاکہ گاڈی ءِ تہا سارتءُُ ڈن ءَ گرم ات ۔ گوں ہمے گپاں ماں مےنو ءَ سر بوت ،واجہ بشےر احمدبلوچ ءِ پسءُُ پےروکی ھلک چارت ۔ کہ اے ھلکءُُ مےتگ ءَ چونےں پسگ ءِ ودی کرتگ کہ آئی ءَ بلوچی زبانءِ سرا چنکس پٹ ءُُ پول کرتگ کہ آئی پٹءُُ پول کرتگےں کار بلوچی زبانءُُ لبزانک ءِ حاترا نمےران انت ۔ آخرءَ ماں مےنو ءِ قبرستان ءَ شت اودا واجہ بشےراحمد بلوچءِ قبرے سرا فاتحہ ونت کہ پاکےں ھاوند ھدا مرزی ءَ وتی بہشتءَ جاگہ بد انتءُُ آئی پد منتگاں صبرے طاقتءَ بدانت ۔ واجہ بشےر احمد بلوچ ءِ بچ شہنوازءَ مارا وتی ھلک ءُُ مےتگءِ باروا معلومداری دات ۔ رندءَ ماں مےنوءَ چہ واجہ عبداللہ بلوچءِ مےتگ سولبندءَ رادگ بوت ۔ واجہ عبداللہ بلوچءَ نےمروچءِ نان بزاں سبارگ مئے واستہ وتی پسءُُ پےروکی علاقہ سولبندءَ کرتگ ات ۔ مےنو چہ سولبندءَ باز دور نہ انت ۔ ماں دمانے ءَ پد سولبندءَ سر بوت ۔ اودا واجہ عبداللہ بلوچ مئے ودار ءَ نشتگ ات واجہ بشےراحمد بلوچ ءِ برات واجہ خلےل ھم ساڈی ات ۔ واجہ عبداللہ بلوچ ءَ مارا وتی باغےجہ پےش داشت ۔ رندا مارا برت وتی بےٹک ءَ نادےنت ۔ ےک شرےں بلوچی سبارگے دات، ورگ درا بلوچی اتنت ۔ بلوچی ساگ مارا سک دوست بوت انچو بانکلےنک وتی مٹ وت ات ۔ نےمروچے نان ءَ بازےں سنگتءُُ کماش ساڈی اتنت ۔ مزنےں دےوان ءُُ مجلسے بوت ۔ بنارس خان ءَ جست کرت کہ ڈاکٹر مالک ءَ تربت سک شر جوڈ کرتگ بازےں ےونےورسٹی ءُُ کالج جوڑ کرتگ ۔ چرےشی ابےد نےشنل پارٹی پرچے پروش وارت ۔ بازے ءَ گشت کہ مردم ھورےں کار نہ چارانت ۔ ہرکس وتی زاتی نپءُُ پائدگ لوٹےت ۔ ھرکسے زاتی کار نہ بےت آ وش نہ بےت ۔ بلے تربت وتی زےبائیءُُ براھدارئی ءِ مٹ وت ات ۔ آخرءَ واجہ عبداللہ ءَ وتی مالداری مارا پےش داشت کہ آھانی تہا ےک گوکے است ات ۔ وھدے لہتےں سال پےش مکران ءَ مزنےں ہارءُُ سےلابے کےت ۔ اے کسانےں گوکے بچی بےت ۔ ہارءُُ سےلاب ءِ وھد آئرا زورانت ۔ مسےتءِ سرا برز کن انت ۔ مروچی مزنےن گوکے رنگءُُ دروشمءَ زندگ انت ۔ ماں واجہ عبداللہ بلوچءَ رضا گپتءُُ دےم پہ تربت ءَ رادگ بوت،اودا مارا واجہ بجار بلوچ ءِ مات ءِ پرسءَ روگی ات ۔ شہنواز ءَ مارا زرت تربتءَ واجہ بجار بلوچے لوگ ءَ برت ۔ اودا آئی برات واجہ رفےق ساڈی ات ماں فاتحہ ونت ۔ دمانے ءَ رند مئے ےونےورسٹی فےلو ءُُ بی اےن پی ءِ سروک حمل بلوچ ھم فاتحہ وانگ ءَ ات ۔ حمل بلوچ بجار بلوچے سےادءُُ وارث انت ۔ حمل بلوچءَ مئے حال ءُُ حوال گپت ۔ من گشت واجہ حمل بی اےن پی گچےن کارےانی تہا شرےن سوب مندی گپت تو چےا سوب مند نہ بوت ۔ آئی گشت کہ اول باھد ات نےشنل پارٹی منصور بلوچ ءَ بے نادےنت کہ آئرا وتی مےتگءَ کس پج نےارےت ۔ آ زمانگے ءَ چہ حب ءَ جاہ منند انت ۔ باپ ءِ مقابلہ اےن پی ءُُ بی اےن پی ھور بوتےن انت ۔ سےمی مزاق کنان ءَ گشت کہ آخترجان مےنگلءَ گوں واجہ کاراں منی سفارشت نہ کرتگ ۔ آئی ءَ گشت کہ من سفارشءِ گلگ چہ اختر جان ءَ ھم کرتگ ۔ حمل بلوچءَ ٹندوجام ےونےورسٹی ءِ بازےں ےاتاں تازہ کرتءُُ گشت تئی سنگت ثناء بلوچ ءِ چہ حال انت من گشت کہ ثناء بلوچءَ گوں حال حوال نےست ۔ واجہ حمل بلوچءَ شپءَ نان ورگ ءِ گشت بلے شپءَ مئے واستہ تربت ےونےورسٹیءِ رجسٹرار واجہ غلام فاروقءَ نان کرتگ ات ۔ ماں واجہ حمل بلوچءُُ رفےق بلوچءَ موکل کرت ءُُ سر کٹ ھاوسءَ شت ۔ شہہنوازءَ باز منت کرت کہ باندا نےمروچءَ گوں من سبارگ بکن اتءُُ رندا گوادرءَ رادگ بہ بےت ۔ ماں واجہ شہنواز ءَ موکل کرت کہ ماں لازم روچے تئی نانءَ وراں ۔ آئی ءَ ھم مئے باز شکرءُُ منت گپت کہ تو اولی مردمے تربت کےچءَ اتگ واجہ بشےر احمد بلوچءِ کتاب چھاپ کرتگ آئی دےمدارئی دےوان تربت ےونےو رسٹی ءَ بوتگ ۔ من آئی ءَ گشت کہ اے مئے قومی ءُُ راجی زمہ واری انت کہ واجہ بشےر احمد بلوچے علمی ءُُ لبزانکی کارءُُ ھزمتاں دےما بےاران ۔ چےاکہ آئی ءَ بلوچی زبانءُُ لبزانک ءِ واستہ ھماکار کرتگ آ ہچ وھدءَ شموشگ نہ بنت ۔ واجہ شہنوازءَ موکل کنگءَ پد ماں دمانے آرام کرت ۔ مغربءِ وھدءَ واجہ غلام فاروق بلوچ وتی برات ڈاکٹر منےر ے ھوری ءَ سرکٹ ھاوس ءَ ات مارزرتءُُ وتی لوگا برت ۔ کہ اودا آئی ءِ بچ جاوےد ءُُ دومی واجہ کماش نشتگ اتنت ۔ واجہ غلام فاروق بلوچ ءَ مارا شرےں نانے دات ۔ تاں دےرءَ گوں آئی دےوان ءُُ مجلس بوت شپ ءَ دےرءَ ماں آئی ءَ موکل کرت ۔ آئی ءَ مارا بروبخےر گشان ءَ گشت کہ پوشی مئے شمے گندءُُ نند گوادرءَ بےت ۔ چےاکہ 7مارچ2019آئی رجانک کرتگےں کتاب چما ں اندرےں مہلوک ءِ دےمدرائی دےوان ات ۔ ماں ات سر کٹ ھاوسءَ سر بوت ۔ بنارس خان وت قوم ءَ پھٹانے انت ۔ آئی ءَ گشت کہ من دو روچ انت سک پرےشان اون کہ ڈاکٹر مالک بلوچءَ ےک انچےں شہرے جوڈ کرتگ کہ اسلام آبادءَ پد اےشی دومی نمبر انت ۔ کےچ ءِ ےونےورسٹی ءُُ کالج اے گپ ءِ شاھدی ءَ دےنت ۔ کہ اوکےں دہ پانزدہ سالءَ پد تربتءُُ کےچ تےوگےں بلوچستان ءِ سرا حاکمی کنت ۔ چےاکہ کےچ ءِ طالب علم باز وانگءَ انت ۔ آھاں ءَ انٹرنےٹ نہ رسےت،ڈان اخبار وانگے واستہ نہ رسےت ۔ آئی ءَ گشت ڈاکٹر مالک باز کار کرتگ بلے آئر ا شرےں ٹےم ءِ نہ بوتگ ۔ پشتونخواہ مےپ ءَ کرپشن ءُُ سلکار ی کرتگ ۔ تربتءُُ لورالائی ےونےورسٹی ےکجاہ جوڈ بوتگ ۔ بلے لورالائی ےونےورسٹی ءَ سے ڈےپارٹمنٹ انت ءُُ تربت ےونےورسٹی پانزدہ ڈےپارٹمنٹ انت ۔ درجنانی استاد ملکءُُ در ملکءَ اےم فل ءُُ پی اےچ ڈی کنگا انت ۔ آ ترند آپ ورگ ءُُ بحث کنگا ات ، کہ بلوچستان ءَ گوستگےں ھفتاد سالانی تہا مدام نواب سردار ءُُ زمےندار واکءُُ اختےارءَ اتگ انت ۔ ھفتاد سال ءِ تہا اےوکہ دونےم سال مڈک کلاسےں مردمے ءَ رستگ ۔ دو نےم سال ءِ تہا اےنکس کار سک باز انت ۔ چےاکہ ثناء اللہ زہری ڈاکٹر مالک بلوچءَ منگ ءَ نہ ات ۔ پشتونخواہ مےپ آئیءَ بلےک مےل کنگا ات ۔ آئی ءَ گشت کہ تربت ءِ روڈانی سرا اےوکہ ےکءُُ نےم ارب کلدار حرچ بوتگ بلے پشتونخواہ مےپءَ گلستان ءِ حاترا پانزدہ ارب کلدار برتگ ۔ بلے اودا روڈے نام ءُُ نشان نےست ۔

بنارس خان سک موڑ ءَ ات گشت کہ شما بلوچ چہ سردارءُُ نواباں ترست چےاکہ آھانی دستءَ لٹ انت ۔ شما آھانی دےما گپ کرت نہ کں ات ۔ ڈاکٹر مالکءِ حکومت ءَ پےش بلوچستان ءَ اغوا برائے تاوان دزی ڈنگی سک باز ات ۔ آئی ءَ اغوا ءِ نادرائی ھلا س کرت ۔ بلے درا آئی سرا اےرا د گپت انت ۔ زاہ ءُُ بد کرت انت ۔ وھدے ڈاکٹر مالکءِ سر کار ھلاس بوت ۔ نواب ثناء اللہ بلوچستان ءِ سر وزےر جوڈ بوت پد ا ترستانی دپ بند بوت ۔ چےاکہ درست آئی ءَ چہ ترست انت ۔ مئے پھٹان ءُُ بلوچانی نےام فرق اےش انت کہ پھٹان خانی ءَ ھلاس کرتگ باپارءُُ بزنس ءَ زرتگ ۔ وانگءَ انت ۔ علمءُُ زانت در برگا انت ۔ بلے بلوچ انگت ءَ سردارءُُ نوابانی دستءُُ پادان چکگءَ انت ۔ سردارءُُ نواب ہچ وھدءَ نہ لوٹ انت کہ بلوچ راج وانندہ بہ بےت ۔ مالی وڈا وت جل بہ بےت ۔ سردار مدام لوٹ انت کہ بلوچ بزھگءُُ وار بہ بےت تنکہ آھانی سرداری ءُُ نوابی برجاہ بہ مانےت ۔ اےشی من ترا مثال ھم دےگ لوٹاں ۔ کے پی کےءُُ پشاورءَ ولی خان ءِ برات علی خانءَ علم ءُُ زانتءِ پڑا باز کار کرت مروچی کے پی کے وانگءُُ زانگءِ پڑا باز دےما انت ۔ پدا کے پی کےءَ ہر کسے سرکارءَ آتگ وانگءُُ زانگ ءُُ علمءُُ زانتءِ پڑا کار کرتگ ۔

اے درگتءَ بلوچستان چارگ بہ بےت ۔ تو سک پد ا انت ۔ نواب زوالفقار مگسی دو رندا بلوچستا ن ءِ چےف منسٹرءُُ ےک رندے بلوچستان ءِ گورنر بوتگ آئی علاقہ ءَ ےونےورسٹی دورے گپے شرےں کالجے ھم نےست ۔ کہ علاقہ ءِ زھگ علمءُُ زانت در برانت ۔ انچو ساروان ءِ علاقہ ءَ نواب اسلم رئےسانی تاں پنچ سالءَ بلوچستان ءِ سر وزےر بوتگ بلے بلوچستان دورے گپے وتی علاقہءَ ےک شرےں وانگ جاھے پچ نہ کرتگ ۔ انچو جھالاوان ءَ چہ نواب ثناء اللہ زہری بلوچستان ءِ دو سال ءِ تہا سر وزےر بوتگ آئی ءَ وتی علاقہ ءَ ےک کسانےں وانگ جاھے جوڑ نہ کرتگ ۔ انچو دےما روئے سردار عطاء اللہ خان مےنگل،آئی بچ سردار اختر مےنگلءُُ نصےر مےنگل بلوچستان ءِ سر وزےر بوتگ انت ۔ آھاں وڈھ ءَ ےک وانگ جاھے جوڑ نہ کرتگ ۔ دےما روئے جام ءِ علاقہ لسبےلہءَ جام غلام قادر دو رندا جام ےوسف پنچ سال انوں جام کمال سےمی پشت ءَ چہ سر وزےر انت ۔ چرےشی ابےد بوتانی ھم سر وزےر بوتگ ۔ وانگجاہ دورے گپے بےلہ ءَ پنجگورے بس آس مان ات درا مردم سوتک انت ۔ جام ءِ علاقہءَ ےک فائر برگےڈے ھم نےست ات کہ آسءِ سرا آپ مان بکنت ۔

انچو نصےر آبادءَ روئے اودا ظفر اللہ جمالی،تاج جمالیءُُ جان جمالی بلوچستان ءِ سر وزےر بوتگ انت ۔ انچو ظفراللہ جمالیءُُ کھوسو ملکءِ وزےر اعظم بوتگ انت ۔ بلے اودا ھم نہ شرےں کالجءُُ ےونےورسٹی استءُُ نہ شرےں دھگءُُ سڑکے گندگ بےت ۔ بلے اے درا سردار نواب ءُُ زمےندارآنی مقابلہءَ ڈاکٹر مالکءَ دو نےم سالے تہا اےنکس کار کرتگ ۔ بلے آئی ءَ کس نہ منےت ۔ من شمے بلوچانی پکر ءَ ہچ پو نہ بےں ۔ بنارس وتی آرخ ءَ ورگاءَ ا تءُُ گپ جنگا ات ۔ من گشت بنارس منا تئی لءکچرءِ گوشدارگا دم برت ۔ من شت وتی کمرہءَ وپت بلے بنارس خان وتی موبائل ءَ چہ فےض احمد فےضءُُ احمد فرازءِ گال ءُُ گفتاراں ءَ گوش دارگا ات;180; من سرا بالشتءِ سر ا اےر کرت واب کپت ۔ صحب ءَ واب ءَ چہ پاد ات جان ششت ناشتہ کرت ۔ مروچی پروگرام ات کہ تربتءِ سنٹرل لائبرےریءَ روان انچو پنوے کلات ءُُ تربتءِ کلچر سےنٹرے ترءُُ تاب ءَ کناں ۔ نےمروچے نانءَ طاہر حکےمءِ گورا وراں بےگاہ ءَ گوادرءَ رادگ باں ۔ ماں ہمے چنءُُ لانچءَ ات ءُُ وتی چےزاں جم کنگا ات کہ مئے کہنگےں سنگت رشےد بلوچ ،ڈاکٹر عطاء اللہ قحطانی،سےنےٹرمحمد اکرم دشتیءُُ محمد جان دشتی مئے چارگءَ اتنت ۔ گوں آھان سرجمےں وڈا دےوان بوت ۔ مئے دےوان دراج بوت مئے ہمراہ عبدالباسط ءُُ منظور عالم ڈرائےورءَ زرتگ ات بازارے چارگءَ شتگ ات ۔ واجہ اکرم دشتی ءَ گشت کہ مئے گورا نانے بورات من گشت واجہ سبارگ طاہر حکےم ءَ مارا دعوت داتگ ۔ بےگاہ ءَ گوادر روان ۔ ماں سےنےٹر اکرم دشتی،محمد جان دشتیءُُ ڈاکٹر عطاء اللہ قحطانیءَ رضا گپت، رشےد بلوچءُُ بنارس خانءِ پجیءَ پنو کلاتءِ نےمگا رادگ بوت ۔ تربت ءِ چپءُُ چاگرد سک جلوانک ات چےاکہ ھورءُُ آبادی بوتگ ات ۔ بنداتءَ ماں شت عطاشاد ڈگری کالج کہ اودا واجہ حمےد دشتیءَ بگنداں ،عطاشاد ڈگری کالجءِ گےٹ باز زےبا ءُُ براھدار ات ۔ حمےد دشتی اودا ساڈی نہ ات ۔ ماں پنو ءِ کلاتءِ نےمگا رادگ بوت ۔ نےم ساعت سفر ءَ پد ماں پنو ءِ تارےخی کلاتءَ سر بوت ۔ بنارس خان وتی زنڈی ءِ سوب ءَ کلاتءِ سرا لگت نہ کرت من ءُُ رشےد پنوءِ کلاتءِ سرا لگت کےچءِ ندارہ کرت ۔ پنوءِ کلات ءِ نزدےک ءَ بازےں مچ ھشک بوتگ اتنت ۔ بلے نہنگءُُ کےچ کہورے آپ دورءَ چہ گندگ بوت انت ۔ مزنےں مدتے کےچ ءَ ھورءُُ آبادی نہ بوتگ ات ۔ پنو ءِ کلات ءَ عکسءُُ فوٹو کشت ۔ بنارسءَ منا جست کرت کہ پنو ءِ کلاتءِ باروا بگش اےت ۔ من بنارس خان ءَ گشت تہ دوشی بحثءُُ تران ءَ مئے شپ حراب کرت ۔ انوں لوٹے مئے روچ ھم بحثءُُ تران ءِ سوب ءَ حراب بہ بےت ۔ من گشت بنار س خان مکران ءِ مردم سک بے وفا انت پنوں ءُُ ڈاکٹر مالک بلوچءِ واقعہ ےک وڈ انت ۔ ڈاکٹر مالک بلوچءَ اےنکس کار کرت ،آئرا تربت کےچءَ کسے ووٹ نہ دات ۔

انچو سسی پنوں ءِ داستان ءِ ہےرو پنوں ءِ تعلقداری چہ مکران ءَ انت ۔ بلے افسوزے مزنےں گپ اےش انت کہ آئرا مئے لبزانک ءُُ ادب ءِ تہا آ جہت دےگ نہ بوتگ چوشکہ آ اےشی حقدار ات ۔ پنوں ءَ ہما ھزتءُُ شرف سندھیءُُ دومی زبانانی تہا دےگ بوت ۔ آ بلوچی ءِ تہا دےگ نہ بوتگ ۔

پنوں ءِ کلاتءِ ترءُُ تاب ءَ پد ماں تربتءِ ڈےٹ فےکٹری ءِ چارگءَ ات ۔ ناہءُُ ھورماگءِ اے فےکٹری ڈاکٹر مالکءِ سرکارے وھدءَ جوڈ بوتگ ۔ اے فےکٹری ءِ تہا لکھانی ٹن ناہ ءُُ اورماگ پروسسءُُ پےکنگ کنگ بنتءُُ رندءَ کولڈ اسٹورےج ءَ اےر کنگ بنت ۔ چرےشی نہ اےوکہ مکران ءِ زمےندارانی ناہءُُ اورماگ چہ ھرابیءَ رکھےنگ بنت ۔ بلکں آھاں مزنےں وڈئےءَ مالی نپءُُ پائدگ بےت ۔ ناہ ءُُ اورماگ فےکٹری ءِ ترءُُ تاب ءَ پد ماں کےچ کلچر سےنٹرے چارگ ءَ ات کہ آئی کار سرجم نہ انت ۔ اے کلچرے واستہ مزنےں بنجاہے انت،اےشی تہا ڈرامہ تھےٹر،سازءُُ زےملءُُ بازےں مراگاہ ءُُ دےوان بنت ۔ اےشی بازےں حال است ات کہ آھانی تہا پروگرام برجم دارگ بنت ۔ کلچر سےنٹرے چارگ ءَ پد ماں تر بتءِ بازارے چارگ ءَ شُت اودا کمو شاپنگ کرت ۔ تربت ءِ بازار انچو پراہ ءُُ مزن انت کہ زانے اے تربتءِ بازار نہ انت بلکں امارات ءِ شہرءُُ بازارے زانگ بوھگا ات ۔ طاہر حکےم فون کنگا ات کجا گار ات درا مےمان شمے ودارءَ نشتگ انت ۔ زوت بےا ات ۔ ماں لوٹت کہ کوہ مرادے زےارتءَ بکناں بلے وھد نےست ات ۔ ماں زوت سرکٹ ھاوسءَ شت عبدالباسط ،منظور عالم جمےل بادےنیءُُ صادق صباء مئے ودارءَ نشتگ ات انت ۔ ماں دستءُُ دےم ششتءُُ دےم پہ طاہر حکےم ءِ دےارءَ رادگ بوت ۔ اودا زوت رست دےست کہ سےرے مزنےں دعوتے بازےں مردم لوٹاھےنگ بوتگ انت ۔ دو سے وتاخءُُ کوٹی مردمءَ چہ پر انت ۔ اودا بازےں واجہءُُ کماش ساڈی اتنت ۔ اے کماشانی تہا واجہ بشےر احمد ھم گوں ات کہ اےگرےکلچرے منصبءِ سرا مزنےں مدتے کار کرتگ انو ں رےٹائر انت زمستان ءَ تربتءُُ گرماگءَ کوءٹہ ءَ بےت ۔ واجہ بشےر احمد بلوچءَ ابےد واجہ رفےق ھم ساڈی ات ۔ واجہ رفےق بلوچءُُ منظور بلوچ دو انچےں نام انت کہ آھاں تربت دےمرئی کاروتی سروکی ءَ کرتگءُُ تربت شہرءَ ےک نوکےں شکلءُُ دروشمے داتگ ۔ واجہ بشےر احمدءُُ واجہ رفےق بلوچءَ گوں تاں دےرءَ گپءُُ تران بوت تاں وھدے پرزونک تالان بوت ورگ اےر بوت انت ۔

واجہ طاہر حکےم ءِ دعوت ےک وڈا حاکمی دعوتے ات ۔ آ کجام ورگ است ات کہ اے دعوت ءَ مان نہ ات ۔ سجیءَ بگرتاں روسٹ پلاوءَ بگرتاں برےانیءُُ حلےم درا مان ات ۔ مئے ڈرائےور انچو ورگ ءَ ات بزاں ساری ءَ زندءِ تہا اے وڈےں ورگ نہ دےستگ ۔ منا ڈرائےور ے حاترا سک ترست کہ ورگ مفتءِ انت لاپ آئی جندے انت،چےاکہ ڈرائےورءَ پنجگورءَ بازےں ورگ ءَ چہ نادرا بوتگ ات ۔ ناں ءَ پد واجہ طاہر حکےم مارا نادےنت سبز چاھے بور اےت ۔ اے سبز چائے نہ بوت گوکے گوشتءِ جوڑ بوت ۔ ماں طاہر حکےم ءَ گشت کہ مارا ےل بدے تئی چاہ سک دےر کنت ۔ گوں ھمے گپاں چاہ ات درا سنگتاں چاہ وارت ۔ ماں واجہ بشےراحمد،واجہ رفےق بلوچ ءُُ دومی سنگتاں رضا گپت ۔ واجہ طاہر حکےم ءِ ھم شکرءُُ منت گپت کہ واجہ اللہ ترا مدام اے طاقتءَ بد انت کہ تہ مارا انچےں ناں ءُُ دعوت بدے ۔ ہمے گپاں گوں موکل کرت کہ وھد بے وھد بوھگا ات ۔ ماں پدا سرکٹ ھاوسءَ رست وتی بےگءُُ سامان گاڈی ءَ ما ں کرت ۔ جمےل بادےنی ءَ گشت کہ مارا وتی گاڈی تےل مان کنگی انت ۔ آئی ءَ مارا برت ےک تےل والا مردے گورا ماں وتی گاڈی ءِ ٹےنک چہ تےلءَ پر کرت جمےل بادےنی،صادق صباء ءُُ دومی سنگتانی شکرءُُ منت گپت چےاکہ آ گوستگےں دو روچاں چہ گوں ماں شپءُُ روچ گوں انت ۔ تربتءَ ےل دےگ ءِ وھدءَ دل ءَ مارت کہ مئے گندءُُ نند گوں واجہ ےوسف گچکی،غنی پروازءُُ دومی کلمکارءُُ کواساں نہ بوت ۔ تربت ءَ در کپگءَ من منظور عالمءُُ باسط ءَ گشت کہ شما پنوں ءِ کلاتءُُ کوہ مراد نہ دےست انوں شمارا مےرانی ڈےم ءَ پےش داراں ۔ راہ ءِ سرا ہر جاگہ ءَ اےف سیءِ چےک پوسٹ اتنت ۔ مےرانی ڈےم ءِ چارگ ءَ ھم ڈرائےورے نابودی ءِ سوب بنارس خان شت مئے ناماں انٹری کرت،پدا ماں شت مےرانی ڈےم چارت اودا مردم ساک باز اتنت ۔ درا سےلءُُ سوادے حاترا اتگ اتنت ۔ مےرانی ڈےم سک جلوانک گندگ بوھگا ات ،ماں مےرانی ڈےم تاں اخرءَ چارت ےک مزنےں آپے روگا ات،چےنل آنی تہا ھم آپ روگا ات ۔ ےک ساعتے ءِ مےرانی ڈےم ءِ ترءُُ گردءَ پد ما ں گوادر ءِ حاترا رادگ بوت ۔ راھے تہا ھمے پکرہ ءَ ات کجا بداراں ۔

من واجہ فدا دشتی ءَ فون کرت کہ ماں گوادرءَ روگاےاں آئی ءَ گشت شما تچک ءَ منی لوگا برےت ۔ آئی لوگ حالی ات ۔ آئی ءَ وتی گوادرے کارندہ موبائل نمبر دات ماں آئرا فون کرتءُُ گشت کہ شپ ءِ حاترا مئے واستہ نان تےار بکن ماں پےداک اں ۔

گوادر ءُُ تربت دو ءُُ دونےم ساعت ءِ راہ انت ۔ بلے گوادرءَ پترگا گوں پوجے چےک پوسٹ ءَ مارا باز داشت جست ءُُ پرس کرت کجا روگا ات،کئے گورادارت ۔ لوگ ءِ واھند کئے انت ۔ کےمرہ پرچے زرتگ ات ۔ بازےں جست ءُُ پرست کرت انت ۔ ماں پوجیانی سرا زار گپت کہ گوادر مئے لوگ انت بلے مئے لوگا مارا روگ ءِ اجازت نےست ۔ مارا چہ شمے روےہ باز افسوز بوت ۔ پوجےاں گشت ماں درا مہلوک سےکورےٹیءِ واستہ چےکنگ کنگاےاں ۔ ماں درا وتی نامءُُ شناختی کار ڈ نمبر نبشتہ کناہےنت ۔

رندءَ شہرے نےمگا رادگ بوت ۔ فدا دشتی ءِ کارندہ فون کرت آئی ءَ گشت نےو ٹاون ءِ نےمگا بےا اےت ۔ ماں کمو راہ ءَ رد کرت ےک ورناھےں بچکے ءِ دےست کہ آ موٹر ساہےکلءَ سوار ات آئی ءِ مارا زرت ءُُ فدا دشتی ءِ لوگ ءَ برت ۔ آئی کارندہ ءَ مارا بےا بخےر کرت گےٹ ءَ پچ کرت ۔ مارا نندارےنت چاہءُُ آپ دات ۔ ٖواجہ ٖفدا دشتیءِ بنگلہءُُ ماڈی باز جلوانک ات ہر مردمءَ ےک ےک جتا جتا اےن وتاخے دےگ بوت ۔ دمانے آرامءَ پد نشتءُُ نان وارت،پدا ہر کس وتی وتاخ ءَ شت وپت چےاکہ صحبءَ مالو پاد آےگی ات ۔ گوادر کتاب مےلہ بہر زورگی اتءُُ زند اکےڈےمی نوشکے ءِ اسٹال جنءگی ات ۔