’’مجرہ‘‘ ….عبدالرحیم ظفر

گدان ءِ نندوکیں آپری دروشم
سریگ وسر چادری
آماہ ءِ دروری
مدان مدان !
لُڈان وکھیب کناں
سرپاں چو اسمی پھُل
آ کاٹارچم !
حیالانی رُتکیں بانل
آ ھُل و واھگانی امُل
آ برشم !
پری دروشم
تھر تھریں رژن دلانی بالیتگیں آس ءِ تہا
انچو تردان ات
گُشئے !
ھچ سوگند ءِ نہ گپت
دوشی گروکاں چنت پڑی؟
شہم ءِ شما نیم برھنگا
ترآپ کناں ھر نیمگا
آ خمار چم بہا بدن
دوشی دیست !
نہ کنت کمار نہ کنت میار
پہ جوریں زند ءِ حاترا
جوگ بوگ بدن بدن
دلانی آس ءَ بال دنت
منیگیں اے تئگیں اے
کسی نہ انت
پہ ہر کسیں
بحرین 1998
*************