بیا کہ تمپؔ ءُُ کونشکلاتؔ ترا توار ءَ اَنت
بیا کہ کیچ ءُُ نہنگ نوں پدا تئی ودار ءَ انت
بیا کہ اِزگل ؔ ءَ مرچاں نہ نازینیت کسّ
بیا کہ فاضل ءُُ قاسم ءَ نہ فہمیت کسّ
بیا کہ نوگلیں ورنایاں کیف ءُُ کدہ ےَل داتگ
بیا کہ راج ءِ سروکاں دروگ ءُُ دراش یل داتگ
بیا کہ تمپ ءُُ کیچ ءَ رنگ ءِ گواہ شُتگ
بیا کہ میر ءِ کُروچ ءَ چہ درستاں پیش ناہ کُتگ
بیا کہ مئے سرا ساھیل نوں نہ بنت ڈُکال
بیا کہ آسر اَنت زند ءِ تمامیں جنجال
بیا کہ قہر یگیں شپ آسرانت ’’ گوربام‘‘ اِنت
بیا کہ بے بُنیں ڈکال شُتگ نوں ’’ ھزام ‘‘ اِنت
بیاکہ جنگ ءُُ شِدتانی ہور ءُُ ہاراں تم کرتگ
بیا کہ ایمنی ءِ جار ہرجاہ ءُُ میتگاں پُرشتگ
بیا کہ تُمپ ءُُ کونشکلات ترا توار ءَ انت
بیا کہ کیچ ءُُ نہنگ نوں پدا تئی ودار ءَ اَنت
****************