میر گل خان نصیرءِ ؔ میاں اُستمان کانفرنس ءِ مکالانی کتاب

ہرسال دسمبرے ماہ کیت تو بلوچی زبان ءِ نامداریں شاعرءُُ کلمکار میر گل خان نصیرؔ ءِ زند ءِ سال روچ یات کیت۔میر گل خان نصیر بلوچی زبان ءِ ہما شاعر اِنت کہ آئی ءَ نہ ایوکہ شاعری ءِ پڑ ءَ بلوچی زبان ءِ مزنیں ھزمتے کرتگ۔بلکں آئی ءَ احوالکاری،راجدپتر نویسی،سیاستءِ پڑءَ ھم بلوچی زبانءِ مزنیں ھزمتے کرتگ۔آئی ءَ بلوچی زبانءُُ لبزانک ءِ باروا بازیں کتاب نبشتہ کرتگ۔ آئی نبشتہ کرتگیں کتاب بلوچی زبانءُُ لبزانکءِ مڈی زانگ بنت۔بلوچستان ءِ بنجاہ کوئٹہءَ سال 2014ءَ میر گل خان نصیرؔ ءِ زند ءِ صدمی سالروچءِ درگتءَ یک میان اُ ستمانی کانفرنسے ءَ برجم دارگ بوت۔اے میاں اُستمانی دیوانے تہا ملکءُُ درملکاں چہ کلمکارءُُ کواسانی مزنیں تعدادےءَ بہر زرتءُُ میر گل خان نصیرؔ ءِ کارءُُ ھذمتانی باروا وتی مقالہ دیوان ءِ دیما پیش کرت انت۔بلے افسوزے مزنیں گپ ایش انت کہ میر گل خان نصیرؔ ءِ باروا مکالہ کتابی شکلءُُ دروشم ءَ چھاپءُُ شنگ نہ بوت انت۔

میرگل خان نصیرؔ ءِ زندءِ صدمی سالروچءِ کانفرنسے حاترابلوچستان ءِ ساری ءِ سر وزیر ڈاکٹر مالک بلوچؔ ءَ دو کروڈ بیست لکھ کلدار کلچر ڈیپارٹمنٹ بلوچستان ءَ داتگ ات۔ یک کروڈ کلدار میاں اُستمانی کانفرنسے واستہءُُ یک کروڈ کلدار ملکی کانفرنسانی واستہ داتگ ات کہ بلوچستان ءُُ ملک ءِ دومی شہرآنی تہا میر گل خان نصیر ءِ ازم ءُُ کارانی سرا کانفرنس ءُُ دیوان برجم دارگ بہ بیت۔ چریشی ابید بیست لکھ کلدار کانفرنسءِ کتاب ءِ چھاپءُُ شنکاری ءِ حاترا داتگ ات۔بلے افسوزے مزنیں گپ ایش انت کہ میاں اُستمانی کانفرنس دسمبر 2014ءَ برجم دارگ بوت بلے مکالانی کتاب تنے وھدی چھاپءُُ شنگ نہ بوتگ۔ ڈاکٹر مالک بلوچ بلوچستان ءِ ہما اولی سر وزیر ات کہ آئی ءَ زبانانی باروا دلگوش دات ۔ شاعر کلمکار ءُُ کواساں ءَ دلبڈی دات۔ میر گل خان نصیر کانفرنس ءِ یک کروڑ ءُُ بیست لکھ کلدار انگت ءَ سیکریٹری کلچرے اکاؤنٹءَ ایر انت۔میرگل خان نصیرءِ باروا مکالانی کتاب باھد انت زوت ءَ چہ زوت چھاپ کنگ بہ بیت۔(شونکار)