نامداریں شاعر ءُُ کلمکار زاہد آسکانی…..فدا موسیٰ

دگنیائے تہا چشیں بازیں مردم پیداک بوتگ کہ آہاں وتی زندءَ پہ وتی قومء ُ زبان ء ُ لبزانکءِ ہاترا ہمینچو جُہدء ُ جپا کشّ اِتگ کہ مردم آہان ہجبر شموشت نہ کنت پرچا کہ آہاں ہرچ کارءِ کہ کرتگ تہنا پہ وتی زاتءَ نہ کرتگ بلکہ پہ قومء ُ راجے ہاترا کرتگ۔چہ ہمے ناماں یک نامے زاہد آسکانیءِ گندگءَ کئیت اِنت،زاہد آسکانی 2جنوری1979پنجگورءِ د مگ پرومءَ واجہ غلام حیدرءِ لوگءَ ودی بوتگ آئی ءَ وتی بنگیجی وانگ چہ گورنمنٹ ہائی اسکول پرومءَ بندات کرتگ آیک باز ذہیں جہدء ُ کوشست کنوکیں نودر برے بوتگ،آرا گوں وتی وانگءَ بے کساس حُبّ ء ُ واہگ بوتگ،شہید زاہد آسکانی دانکہ ہشتمی مکتبء َ پرومءَ وانیت ء ُ دیمترءَ پہ وانگءِ ہاترا پنجگورءَ رؤت دانکہ دہمی مکتبءَ گورنمنٹ ماڈل ہائی اسکول چتکانءَ سرجم کنت،ایف ایس سیء ُبی ایس سیءَ گورنمنٹ ڈگری کالج پنجگورءَ سر جم کنت،MA Englishچہ بلوچستان یونیورستی کوئٹہء َ گوں جوانیں نمبراں سوب مند بیت۔زاہد آسکانیءِ وانگ سرجم کنگءَ رند مستریں واہشت ہمیش اَت چیزے کہ آئیءَ ونتگ آہاں پہ وتی بزّگء ُ لاچاریں قومء ُ راجءَ سر بہ کنتء ُدانکہ یک ہدّےءَ آ وتی کارے تہا سوبمند بوت۔بنداتءَ آئیءَ وتی پتء ُ پیرکی ہنکین پرومءَ یک انگلش لینگویج سینٹرءِ پچ کرت بلے چوشکہ آیک کوچگی دمگے اَت اودا زندءِ بازیں آسراتیءِ دست نہ کپگءِ سوبءَ آئیءَ وتی ہمے انگلش لینگویج سینٹر بند کرتء ُ1997ءَ زاہد آسکانیءَ وتی دیم گوں گوادرءَ کرت اودا آئی یک پرائیویٹ اسکول بزاں آغاخان اسکولءِ تہا یک سوجکارےءِ جہتءَ بلوچ پُسگاّنءَ وانینت،زاہد آسکانیءِ آدت اَت کہ اگاں یک کارے آئی بندات بُکرتیں دانکہ آکارءِ آسر مہ کرتیں آرامءَ نہ نشت،ہمے رنگءَ سر زاہد آسکانیءَ 20مئی1999ءَ وتی یک زاتی پرئیویٹ انگلش لینگویج سینٹرے پچ کرت،چہ بازیں رنجء ُآزابیءَ رند آ وتی اے کارءِ تہا سوبمند بوتء ُآئی جہدء ُ کوشستاں رنگ آورت بزاں 10جنوری2002ءَ آئیءَ وتی یک وانگ جاہءِ ”دی اوئیسس اسکول“ءِ نامءَ پچ کرت،چہ آئی بازیں جہدء ُ مہنتاں رند دی اوئیسس اسکول سک نامدار بوت آئی جہدانی برکتءَ اسکولءَ انچو رش ء ُ کش بوت کہ 2007آئیءَ دومی کیمپس پچ کرت ہمے پیمءَ دیمءَ رواں 2008 سیمی کیمپس ماں سُربندنءَ ء ُ2013چارمی کیمپس ماں بکشی کالونی گوادرءَ پچ کرت،اے چارین کیمپسانی تہا کساس2500 بلوچ نودر بر وانگءَ اِنتء ُ سرجمیں گوادرءِ تہا مستریں ء ُجوانتریں پرائیویٹ اسکول زانگ بیت نہ تہنا گوادرءِ تہابلکیں سرجمیں مکران ءَ آئیءَ یک نامء ُ توارءِ ہست گوادرءِ تعلیمءَ زاہد آسکانیءِ یک جوانیں دستے مان انت، ُگوادرءَ ہمینچوپرائیویٹ اسکولء ُ سینٹرکہ ہست انت آہانی گیشتریں سروک سر زاہدآسکان براَنتءُُ آئی ءِ بازیں نوردبرھست جوانیں ادارہء ُجوانیں پوسٹانی سرا کار کنگءَ اَنت ء ُ دگہ بازیں نودربرہست انت کہ ملکی ء ُ درملکی وانگجاہانی تہا وانگ ءَ انت۔
”اے وا یک گواچنی یے کہ مروچی گوادرءِ اگاں چُک چُکےّ انگریزی گپ جت کنت گڈا آواجہ زاہد آسکانیءِ جہدانی بر کت اِنت گوادرءِ دیمءَ بروک چُش بُگشاں کہ گوادرءِ تعلیمءِ بیرک دار واجہ زاہد آسکانی انت گڈا من رد نباں،چیاکہ گوادرءِ تعلیمءِ ہمینچو مٹ ء ُ بدلی آرگ بوتگ آدراہ زاہد ءِ جہدانی برکت اَنت مروچی گوادرءَ ہمینچو لینگویج سینٹر کہ ہست انت آہانی سوجکار ء ُ سروک گیشتر سر زاہدءِ نودربر ء ُ شاگرد بوتگ انتء ُ اے ہم یک گوچنی یے کہ کس چرے گپءَ انکار ہم کت نہ کنت کہ واجہءِ بازیں شاگردء، مروچی شریں جاگہءَ کارءَ اَنت شرّیں پوسٹانی سرا انت ء ُ بازینے در ملکء ُ ملکءِ تہا مزنین وانگ جاہاں انوّں وانگایاں (رژن،53)“۔
بلوچی لبزانکءُُ زاہد آسکانی بلوچی زبانءُُ لبزانکءَ زاہد آسکانیءِ یک جتائیں نامء ُ توارءِ ھست اِنت چہ اسکولءِ زمانگءَ آئیءَ را گوں بلوچی زبانءُُ لبزانکء َ ہُبّ ء ُ واہگ بوتگ ء ُ بنداتی زمانگءَ آئی کمّو کمّو شائری ہم کرتگ،فرانز کافکاءِ دراجیں آزمانک”میٹا مورفو سز“ءِ رجانکءِ پیشدانکءِ تہا گوش ایت کہ”منءَ چہ اسکولءِ زمانگءَ بلوچی لبزانکء ِ وانگء ُ زانگءِ حُبّ بوتگ برے برے گوں بے سرء ُ پادیں لچّہاں کاگد سیاہ کتگ اَنت(میٹا مور فوسز7)
زاہد آسکانی چہ اسکولءِ زمانگءَ گوں بلوچی زبانءَ نزّیکی کناں ء ُ پیداک اِنت 1999ءَ یک بلوچی ماہتاکےءِ کہ آئی نام ”راستیں راہ“بوتگ زاہد آسکانی اے ماہتاکءِ اولی شونکار بوتگ چہ اسکولءِ زمانگءَ بگر دانکہ وتی زندءِ گُڈّی وہدءَ گوں بلوچی زبانءُ لبزانکءَ ہمگرنچ بوتگ مدام آئی واہگ ہمے بوتگ کہ ہر بلوچ گوں زگریں بلوچیءَ گپء ُ ہبر بہ کنت چوشکہ آوت انگریزی زبانءِ یک سوجکارے بوتگ بلے آئیءَ چہ وانگجاہء ُادارہءَ چے ڈّن کدی ہم بلوچی گپء ُ گالانی تہءَ انگریزی لبز کار مرز نہ کرتگ،آئی مدام مردمانءَ ہمے سرء ُ سوج کرتگ کہ وتی ہبرانی تہا کدی دری لبز کار مرز مہ کن اَت،بلوچی لبزانکء ُادبءِ تہا زاہد آسکانی ءَ شیئر،آزمانک،رجانکء ُ تژنء ُ بچکند ءِ تہءَ شور آزمائی کرتگ۔
”واجہ یک زانتکاریں ند کارے بوتگ آئی ءَ آزمانک،شیئر،رجانک بزاں کہ رم ءُُ لچہّ دوئیں پڑاں وتی بور تاچینتگ ء ُ مدام دزرسءِ بلوچیءَ دیمءَ برگءِ جہدے کتگ وتی لوگءِ مردم،دوستءُُ ہمبل،ہمراہءُُ ہمسائگ،سیادءُُ وارث ءُُ ایدگہ مردمانءَ بلوچی نبشتہ کنگءِ سکین ئے داتگءُُ سرءُُ سوج کتگ انت،ء ُ آئیءِ مدام گشگ ہمے بوتگ ما بائدیں وتی زندءِ دراہیں تکءُُ پہناتاں بلوچی زبانءُُ گالوارءَ کار مرز بہ کنیں ءُُ ہر وہدءَ ہمے ہیالءَ بداریں کہ مئے ہبر پلگاریں بلوچیءِ تہا بہ بنت ءُُ شہیدءَ وت ہم ہجبر بلوچی گپءِ نیامءَ انگریزی لبز کارمرز نہ کتگ(رژن،53)“
زاہد آسکانیءَ کم شائری کرتگ بلے وتی شائری ءِ تہا چہ وتی ڈیہہ ءُُ راجءَ شمشکار نہ انت آئی شائری ءِ تہا دستونکءُُ آزات لچّہءِ تہازور آزمائی کرتگ پہ درور یک آزات لچہے۔
”دراں ڈیہہ“
اومنی پرشتگیں مہرءِ مُہریں کلات
او منی زیکءِ ہمراہء ُ بانداتءِ یات
تو مدامی گُشے
کوہنیں گپّاں شموش
پیشی کولاں بہ پروش
ہرچی بحت ءَ نبشتگ ہما ڈول بیت
نوں مئے راہ انت جتا
مئے نگاہ اَنت جتا
چماّں پچ کن بلے کور ببو
گوشاں اِشکُن بلے کر ببو
لنٹاں دوچء ُبکن گنگ زبانء َ وتی
کریں دنیاءِ کورانی اے جنگل انت
تاں کجا رست کنت مئے نزوریں توار
کئے انت سر پد بہ بیت مئے زبانءَ ادا
دوداں قرباں بکنت
نامءَ سرگوز بکنت
چون سر گوست کنت مئے بلوش دابیں دل
مرگءِ بیہار نیست
نامءِ ترس انت ادا
ہر چی جائز نہ اِنت مہر ء ُ جنگءِ تہا
اے جہان ءِ دگہ
مادراں ڈیہہ ادا
(سسّا،59)“

زاہد آسکانیئَ دستونک ہم نبشتہ کرتگ آئی دستونک سادہ بیانیئِ تہا انت آئی دلئِ درداں ئَ گوں ارزانیں لبزاں دستونکئِ رنگئَ کماتگ اَنت وتی شائریئِ توکئَ کجام وڑیں یک کلوہءُ پیگامئِ دیگ بلوٹ ایت مردم گوں ارزانیئَ سر پد بنت پہ درور دستونکےئِ لہتیں بند؛
بحتئَ کہ گم نبشتہ چہ کہ گلگ بداریں
زردئَ ما درد کشتہ چہ کہ گلگ بداریں
زندوں وتی کہ ند´ر کت پہ بے وپائِ نامئَ
دوست ئَ منا شمشتہ چہ کہ گلگ بداریں
نابودی اِنت منی یا اے کار اِنت قسمتئِ کہ
دو ر کپتگوں من پشتہ چہ کہ گلگ بداریں
نوں ہچ کسئَ مہ ڈوبار او زاہدی تو زان ئے
زرد چہ ہمائی پر´شتہ چہ کہ گلگ بداریں (بلوچی،32)“
زاہد آسکانیئَ شیئرئُُ شائریئِ ہواریئَ رجانک کرتگئُُ نبشتانک ہم نبشتہ کرتگ آئی تژن ئُُ بچکند جو´انیں رنگےءَ نبشتہ کرتگ،پاکستانئِ جمہوریتئِ سرا یک تژن ئُُ بچکندے نبشتہ کنت آگوش ایت پاکستانی سیاست داناں جمہوریتئَ را جمءُ ہوریئِ مطلب داتگ،بزاں یک چیزے ئِ ورگئِ واستہ جمءُ ہور بوگ آگ´وش ایت
”الحمد اللہ ما پاکستانئِ وڑیں جمہوری مُلکے ئَ جاہ مننداں،اداہر کار گوں جمہوری بوگئَ انت چہ چبراستیئَ بگر تاں وزیر اعظمئَ دراہ گوں جمہوریئَ چو کرمئِ وڑا ہمے ڈونڈ (پاکستان)ماں کپتگءُ ورگااَنت اے کرماں ڈونڈئِ گوشتانئَ ہلاس کرتگ نوں سر اِش ماں ہڈانی تہا ایر داتگ۔ہمے ترس انت کہ ہڈّانی ہلاس کنگئَ رند باریں اے کرمانی ھال چے بیت (راستیں راہ،تاک1
تاکدیم29)“
چوناہئَ اگاں بچارے ہمینچو دزّی ءُڈنگی بوتگ گیشتر اے دزّی آنی تہا دری مردمانی یا ہمساہگانی دست ماں بوتگ بلے اے اولی ملک انت کہ ادے دزہمے ملکئِ مردم انت تژن ئُُ بچکندئِ تہئَ دیمترا زاہد آسکانی نبشتہ کنت،
”مئے جمہوری ملکئَ لوگئِ دُزہما کس انت کہ آوت لوگءِ پانگ انت،ادا ڈنگ پاسپانئِ جند انت،پسانی گرک پسانی شوانگ انت،زیادہ تر پاکستانی یک وھدےئَ دوڈپٹی دیگاہاں،یک مردمئِ یکیّں وہدئَ دُزی ئُُ پانگی ئِ کارئَ سرجم کنگا انت شوانگی ءُ گرکئِ ڈپٹیئَ ہم یک مردمئِ سر جم کنگا انت،اے کارانی مقصدئُُ پائد گ باز انت،بلے یک خاصیں پائدگئِ ہمیش انت کہ لوگئِ پانگ پمیشہ وت لوگئَ دزی کنت کہ دگہ ڈنی دزّےئَ را دزّی ئَ موقع مہ رسیت(ہمیش)“
بلوچی لبزانکءُ ادبئِ تہا۔ زاہد آسکانیئِ شرّتریں ءُ جو´انتریں پِڑ رجانکاری زانگ بیت،رجانکاریئِ تہا آرا جوانیں رنگےئَ دست رس بوتگ،زاہد آسکانیئَ فرانزکافکائِ د´راجیں آزمانک”میٹا مور فوسز“ تچکئَ چہ انگریزی ئَ ماں بلوچیئَ ترّینتگ،اے کتاب 80 تاکدیمئِ سرا انت ءُ اے کتاب مارچ 2011چہ کلکشان پبلشرز دی او ئیسس اسکول گ´وادرئِ نیمگئَ شنگءُ تالاں بوتگ،بلوچی لبزانکءُ ادبئِ تہا زاہدئِ رجانک کرتگیں اولی کتاب انت۔آبلوچی لبزانکئَ چہ اسکولئِ زمانگئَ واناں ءُ پیداک انت،بلے اے د¶ر ئُ نوبتاں وہدے کہ آانگریزی زبانئَ یک سوجکارےئِ جہتئَ نودربراں انگریزی زبان وانینگئَ اَت گڈا اے مدّتاں آئی انگریزی لبزانک ہم ونت،آئی انگریزی لبزانکئِ وانگئَ رند بلوچی لبزانک دیست گڈا آئی زانت بلوچی لبزانک انگت باز پُشتئَ پشکپتگ اے درگتئَ آکتابئِ پیشدانکئِ تہا گوش ایت،
”من وہدے ڈنّی لبزانکی کار انٹرنٹئَ پٹّءُپول کت انت ءُ وانگءَ رند گوں مئے بلوچی لبزانکئَ دیم پہ دیم کت انت تہ مار اِت کہ تنے وہدی باز نوکیں لبزانکی کارانی تہرءُ نبشتہ کنگئِ رہبند ہست کہ ما سرپد نہ ئیں ءُ پمیشکہ مئے لبزانک چہ اے مڈّیئَ زبہر اِنت،اگاں ما اے رہبنداں مہ زانیں ءُ کار مرز مکنیں مئے زبان پُشتئَ پشت کپیت ءُ نوکیں زمانگئِ دردئَ نہ وارت،پرچا کہ زمانگئِ د´رسیں چیز مدام بدل بوان ءُ نوک بوان انت ئُُ ہمے وڑا زبانءُ لبزانک ہم بدل بیت ئُُ دیمروی کنت(میٹا مور فوسز،8)“
زاہد آسکانیئَ انگریزی زبانئِ لبزانکئِ سرا یک جو´انیں دست رسےئِ بوتگ ءُ پدا انگریزی لبزانک آئیءَ جو´انیں رنگےئَ ونتگ بلے وہدئِ کافکائِ اے د´راجیں آزمانک ”میٹا مور فوسز“ئَ وانیت داں اے کسہئِ ڈکشنئَ گند ایت اے کسہئِ تہا کافکائِ درشانداب،نوک تبی ءُ ھورت چاریئَ گند ایت داں آئی دل گ´وش ایت کہ ایشیئَ بلوچی زبانئِ تہا بہ ترّیناں کہ اے یک نومیں چیزے بیت،فرانزکافکائِ د´راجیں آزمانک”میٹا مورفوسز“کہ زاہد آسکانیئَ ماں بلوچیئَ رجانک کرتگ اے آزمانک ئِ نام ہما وڑا اِشتگ بزاں کہ نام رجانک کنگ نہ بوتگ۔
”میٹا مور فوسزئِ رجانکاری من پمیشہ درچت کہ فرانزکافکائِ لبزانکی اِزم،درشانی داب،تچک گُشی،نوک تبی ئُُ ھورت چاری وتی مٹ وت انت،کافکائِ کارست گیشتر آئی جند ئِ زند انت کہ آوت مدام لوگی ئُُ چاگردی ڈالچاریئُُ زبہریئِ دیمپان بوتگ۔آئی کارست ہر وہد ئَ بے گناہئَ سزا دیگ بنت ”میٹامور فوسز“ئِ توکئَ اے شرّیں رنگےئَ گندگ بیت۔۔۔میٹا مورفوسزئِ بلوچیئَ ترّینگئِ یک بلاہیں جیڑہے اے کسہئِ نام ”میٹا مورفوسز“ بوتگ ایشی بزانت اِنت پہکئَ بدل بوگ بلے بلوچیئَ ایشی دروریں لبز دست نہ کپتگ(بگندے من نزانتگ)پمیشکہ اشی نام ہما وڑا اشتگ(ہیمش)“
زاہد آسکانی ئَ ررجانکاریئِ تہا پہ جو´انی دست رس بوتگ،آئی گ´ورا بلوچیئِ ساپ ئُُ سلہیںئُُ ارزانیں لبزیات بوتگ آئی گورا رجانکاریئِ بودشت ئُُ کمال بوتگ آئی رجانکاریئِ تہا مردم انچو مار ایت گشے زانئَ اے یک وتساچیں ہنرے کہ زاہد آسکانی پیشدارگئَ انت،اگاں بچارے انگریزی زبان یک باز دیمروی کرتگیں زبانئِ زانگ بیت،انگریزی زبانئِ بازیں لبزیاتءُ ُ گالبندکہ ہست انت آہانی بدل ماں بلوچیئِ توکئَ دست نہ کپ انت بلے زاہد آسکانیئَ چشیں جاہاں گالبندانئَ پر´وشتگ ءُ ردانی تہا آورتگ کہ پہ بلوچیئِ وانوکانی واستہ ہچ وڑیں اڑئُُ جنجال جوڈ مہ بیت۔
”زاہد آسکانی ئِ رجانکئِ ردا اے اولی تجربت انت،بلے سورس لینگویجئِ ہمراہیئَ ٹارگٹ لینگویجئَ حاصےں دز رسی ئِ سوبئَ آئی صاف ئُُ سلہہئُُ ارزانیں زبانےئَ رجانک ئِ عمل دیما برتگ۔۔۔۔زاہد آسکانی ئَ اے کسہئِ رجانکئَ بلوچیئِ گشگ وڑ درشان داب مانائِ سر کنگئَ وتی ساچشتی بودشت ئُُ کمال کار گپتگ انت پمیشکہ رجانکئِ وانگئِ وہدئَ درامدیئِ مارشت ودی نہ بیت بلکیں انچو گمان بیت کہ مردم تچکئَ وتساچیں آزمانکے وانگئَ انت چوشکہ انگریزی یک دیمروی کرتگیں مزنیں زبانے پمیشکہ اودا بازیں گالبندئُُ لبزیات انچین ہم است انت کہ آہانہ بدل لبز بلوچیئِ نہ گ´واہیت چشیں جاہاں آئی گالبند پر´وشتگ ئُُ ردانی د´روشم داتگ انت کہ چوشیئَ وانوکئَ پہ رسانکئِ جیڑہ ودی نہ بیت،(رحیم مہر)“
زاہد آسکانیئَ اے کتابئِ رجانکئِ تہا شرّیں وڑےئَ زبانئُُ درشانئِ ہیالداری کرتگ،آئی جہد ئُُ کوشست ہمے بوتگ کہ آگیش ئَ چہ گیش بلوچیئِ پہک ساپیں ئُُ پلگاریں ئُُ زگریں لبز کارمرز بکنت دانکہ شریں وڑےئَ بلوچی زبانئِ راہ ئُُ رہبنداں سرپد ئُُ زانتکاربہ باں۔
”زاہد آسکانیئَ اے آزمانکئَ را چہ انگریزی ئَ ترّینتگ۔زبانئُُ درشانئِ ہیالداری ہم شرّیں وڑےئَ کرتگ ئےِ۔بلوچی رجانکاریئِ دپترئَ اے جو´انیں ٹیکی یے۔چریشی نہ ایوکئَ بلوچی بازیں رپکئُُ راھان چہ آشنا بیت بلکیں وانوک کافکائِ بیانیہ ءَ چہ آشنا بیت کہ بیانیہ چونیں ھنرے(میٹا مور فوسز،12)“
زاہد آسکانی آزات رجانکءَ زانتکارئُُ سرپد انت آئیءَ لبز ٹو لبز ئَ مانا کنگئِ بدلئَ لبزئِ مانائِ رسانکئِ سرا زور داتگ،آئیئَ زانتگ اگاں تہنا لبزئِ معنائَ دیمئَ بیارے گڈا سرپدیئِ واستہ اڑئُُ جنجال ودی بیت،فرانزکافکائِ اے د´راجیں آزمانک کہ زاہد آسکانیئَ بلوچیئِ توکئَ رجانک کرتگ،بلوچی زبانئَ رجانکاریئِ تہئَ یک گیشی ئَِ زانگ بیت۔
”زاہدئِ گورا آزات رجانکئ، ربیت کہ اودا معنائِ رسانکئِ سرا زور دیگ بوگئَ انت اے کسہئِ توکئَ بازیں انچیں انگریزی لبز بوتگ کہ آہانی درور بلوچیئَ دست نہ کپتگ ءُ آہانئَ شرّیں وڑےئَ پدّر کنگئِ ہاترا دراج کش کتگ۔۔۔ہواریں صورتئَ زاہد آسکانی ئِ رجینتگیں کسہ میٹا مور فوسز بلوچی زبانئَ یک انچیں گیشی یے کہ زبانئُُ بیانئُُ جیڑگ ئُُ فکر کنگئِ نوکیں راہءُدرانی پاچیئِ سوب بیت(ہمیش)“
اگاں بچارئے رجانکاریئِ پڑے تہا میٹا مور فوسز زاہد آسکانیءِاولی جہد انت آئیئِ واہگ ہمیش اَت کہ بلوچی لبزانکئِ تہا ردانکئِ پڑ ہم دیمروی بہ کنت ءُ دگنیائِ آدگہ دیمروی کرتگیں لبزانکانی وڑا وانگ بہ بیت آ کتابئِ پیشدانکئِ تہئَ گ´وش ایت۔
”میٹا مور فوسز منی رجانکاریئِ اولی جہد انت منی مولئُُ مراد ہمے بوتگ کہ مئے بلوچی لبزانکئِ نثرئِ پڑئَ گوں دگنیائِ آدگہ دیمرئیں راجاں ہمراہ بہ بیت ئُُ دیمروی بکنت من جہد کتگ کہ اے رجانک ئَ ہرکس ونت ءُسرپد بوت بہ کنت(میٹا مور فوسز،9)“
زاہد آسکانی انگریزی زبانئِ یک سوجکارے ہواریئَ بلوچی زبانئُُ لبزانکئِ تہا یک سرپدیںئُُ زانتکاریں شائر،نبشتہ کارئُُ رجانکارے اَت 4 دسمبر 2014ئَ بدواہاں ماں گ´وادرءَ آئی جندے لوگئِ دپئَ آئی سرا تیر گواری کرت ئُُ آراپہ مدامی نمیراں کرت۔