بلوچی ئِ نامداریں شاعر حُدامرزی عنایت اللہ قومی ئِ شاعری…..مہر اللہ مہر

اِے گپّ راستے ، کہ پہ ندکارے ئِ ساچشتانی کَچّ ئُُ کیل ئَ مزنیں زانت پَکار اِنت۔ خاص بلوچی زبان ئِ شہدا واجہ عنایت اللہ قومی کہ آ بلوچی زبان ئِ اولی ماہتاک ” اومان “ ئَ بِگرتاں وتی زند ئِ گُڈّی روچاں پہ بلوچی زبان ئِ دیمرئی ئَ کار ئَ بوتگ۔ اگاں من آئی ئِ اِے تک ئِ بہرانی بارہ ئَ نبشتہ بہ کن آں ، تہ من ئَ باور انت من یک بلاہ ہےں( بِزاں باز تاکدیم ئِ )وانگی یے دیم ئَ آﺅرہ کناں۔ چیاکہ من ئَ بلوچی زبانئِ وانگ ئُُ نبشتہ کنگ ئِ گیشتری سِکین ئُُ دِلبڈّی چہ واجہ ئِ نیمگ ئَ رس اِتگ۔ من ہر وہد ئَ کہ بازار ئَ شتُگ آں، گڑا منی بُنجل واجہ ئِ دُکان ئَ بوتگ، ئُُ آئی ئِ دُکاّن پہ مئے وڑیں نوکباہنداں چَہ شَرّیں اکیڈمی یے ئَ کم نہ اَت۔ اگاں من بِہ گُش آں، کہ پنجگور ئِ گیشتری ندکار واجہ ئِ درآورتگین اَنت، تہ من د´روگ بند نہ باں۔ بَلے من ماں بازیں دیواناں چہ وتی تُڑب ئِ ندکاراں اِے گپ ہُشکرتگ ، کہ آیاں گوں دیم تہاری ئَ گُشتگ: ” ما بلوچی زبان ئِ ہر وڑیں ساچشت نبشتگ آئرا( قومی ئَ را ) پہ شَر کنگ ئَ داتگ، تہ آئی ئَ مار ا دلپر´وش کرتگ ئُُ گُشتگ ،” چَہ نبشتہ کنگ ئَ گیش بو´ان اگاں نبشتہ کرت ئے تاں چیزے روچاں آئرا وتی پُتینکاں ایر بہ کن لہتیں روچ ئَ رَند بِہ وان ے¿ِ ۔ رَدی ئُُ نِزوریان ے¿ِ دَرکن، پد ئَ ماں پُتینکاں ایر ے¿ِ بکن ہمے پیم ئَ تاں ہَشت ، دہ رند ئِ وانگ ئَ پَد تو وت سرپد بئے، کہ تو ماں لبزانکئَ چنچو سوبمندئے“
آ نادان اَنت ،کہ اِے وڑیں بے دروریں پَنت ئُُ سوجاں دِلپروشی سرپَد بنت۔ چیاکہ باز رنداں آئی ئَ اِے وڑیں پنت ئُُ سوج من ئَ ہم داتگ، کہ تاں اِے وہدی من پہ نبشتہ کنگ ئَ ند ئَ چِست کناں ، تہ اَلّم ئَ آئی ئِ پنت ئُُ شون من ئَ گیرکااَنت۔ آئی ئَ وتی زانت ئِ بور ماں بلوچی زبانئِ رِدانک ئَ گیش شاعری ئِ بازیں تکاں تاچینتگ۔ حالانکہ ماں بلوچی زبان ئَ آئی ئِ اولی ساچشت چہ رِدانک ئَ بندات بوتگ۔ بلے زوت ماں شاعری ئِ نیمگ ئَ مئیلان بوتگ۔آئی ئِ لہتیں شعر من ہما وہداں چَہ آئی ئِ جند ئَ ہُشکرتگ ئُُ لہتیں چہ آئی ئِ شِنگ بوتگیں شعری دپتراں ماں لہتیں تاکانی سر ئَ نبشتگ ات، کہ موہ بِہ رس ایت چاردانک واجہ ئِ لبزانکی کِردانی چَکّا نبشتہ کناں بَلے چَہ اِمروز ئِ کارانی دست گَٹّی ئُُ شموشگ ئِ سبب ئَ ہِچ نبشتہ کرت نہ کرتگ۔ ئُُ اینچو وہد ئِ گو´زگ ئَ پد وہدے مرچی کہ چَہ منی لبزانکی پُتینکاں ہمے شعر دَست کپت اَنت،تہ دل ئَ لوٹ اِت ایشاںوانوکانی دیم ئَ بیارآں۔ چیاکہ واجہ ئِ وانگی ” زرد ئِ اَرمان“ ( کہ آئی جِند ئِ دست نبشتیں شعرسرجم ئَ کاپی ئِ در´وشم ئَ ) ” دل ئِ توار “ ، ” جلشک “ ئُُ جُگر ئِ کپوت “ ئِ یک ، یک دانگے پہ داد ہما وہد اں منئَ چَہ واجہ ئِ نیمگ ئَ دست کپتگ اَنت بَلے زانتکارگُش اَنت پہ چمشانکے ئِ نبشتہ کنگ ئَ دوبند ہم باز اِنت۔ ئُُ شیمازیںچمشانک ئِ وانگ ہم بے تہمبل کنت۔ پمیشکا من آئی ئِ چَہ د´رساں ساری ہما شعر ئِ چار یں بنداں دیم ئَ کار آں ، کہ آئرا کَسّے ئَ حال داتگ اِت،کہ قومی ئَ پِلانی شعر شَرّ (اصلاح ) نہ کرتگ ئُُ گُشتگ ے¿ِ : ” چَہ نبشتہ کنگ ئَ گیش بِو´ان “ واجہ ئَ ہمے گپ وہدے من ئَ حال دات اَنت ، تہ من گُشت : اِے وَ شَرّیں گپّے ما نوکباہند وہدے بے سرئُُ پادیں شعرے اَڈل منی گپ انگت سرجم نہ ات ، تہ واجہ ئَ وتی اِے جہل ئِ چاریں بند دپ گال کرت اَنت:
”بہ چار پہ چارگے انچیں دِل ئَ خدایے بہ بیت
ہدوک پہ مہر ئَ ہمائی پد ئَ وپایے بہ بیت
نہ زورئے قومی ئِ پنتاں بلے دل ئَ بزان ئے
نہ زور ایت پنت ہما وت دل ئَ دغایے بہ بیت“
حالانکہ واجہ ئِ جند ئِ گُشگ ئِ رِد ئَ اِے ، آئی ئِ دیری ئیں شعرے بلے اِے یک آہے اِت، کہ چَہ آئی ئِ دل ئَ دَراَہت۔اِے گپ ئِ بارہ ئَ من تاں باز روچ جیڑاِت، ئُُ ماں دِل ئَ گُشت باید اِنت“
ئُُ قومی ئَ وہدے وتی دُکاّن چَہ ” سونار “ دَمک ئَ لَڈّ ئُُ بار کرت، ئُُ گوریچان ئِ نیمگ ئِ دَمک ئَ بُرت ( کہ آ دَمک یوسف جان برف فیکٹری ئِ نام ئَ نامدار اِت) اِے دُکان ئِ زمین آئی ئَ بہا زرتگ ات ئُُ دو کوٹی ے¿ِ اڈ کنائینتگ ات۔ اِے دُکان ئِ یک بَہرے آئی ئَ پہ بلوچی زبان ئِ وڑوڑیں تاک ئُُ ماہتاکاں ندر کرتگ ات۔ ئُُ آئیئَ ہر وہدئَ پہ شعرئِ نبشتہ کنگ ئَ مَسّ والا (کَٹّ نبّیں ) ند کارمرز کرت۔ ،کہ آ وشنویسی ئَ بلد اَت۔ ئُُ آئرا بلوچی زبان ئِ تاک ئُُ ماہتاک انچوش دوست اِت اَنت،کہ آئی ئَ بے پائدگ ئَ کتاب ئِ سر ئَ یا تہ ئَ ہِچ نبشتہ نہ کرت۔ ئُُ دِگر ئَ را ہم مہ کن ے¿ِ کرت۔ آ وتی زبان دوستی ئِ بارہ ئَ ماں وتی اِے شعر ئِ تہ ئَ چوش درشان کنت:
”بلوچی پہ منا اِنت گنج ئُُ گوہر
بہشت ئِ نیوگ اِنت بے مٹّ ئُُ درور
منا رستگ چہ راج ئَ تنگوین ئَ
منی راج ئِ زبان اِنت شیر ئُُ شکر
منے واناں ئُُ داراں دیدگانے
منی چمّانی سارتی اِنت دل ئِ بر
منی مڈّی ، منی گنج اِنت ئُُ دنیا
نہ لوٹاں چیشی ئَ چہ گنجے شرتر
” بلوچی مئے وتی شہدیں زبان اِنت “
نداریت ماں جہان ئَ مٹّ ئُُ ہمسر
منے واناں، منے زاناں تئے بوان
تئی قومی زبان ئِ نیست درور“
عنایت اللہ قومی ئَ گوں وتی زبان ئَ باز حُبّ ئُُ واہگ ہَست اَت، ئُُ آئی ئَ وتی زانت ئِ کساس ئَ پہ بلوچی زبان ئِ دیمرئی ئَ سک باز کار کرتگ، کہ آئی ئِ لبزانکی جہدانی بارہ ئَ بازیں ندکاراں نبشتہ کرتگ ئُُ ماں وڑوڑیں تاک ئُُ ماہتاکاں دیم ئَ آورتگ اَنت۔ ئُُ من چَہ ہما ندکارانی س´ےاہگاں لہتیں گالرد درچِتگ، گوں سرشوناں شمئے دیم ئَ آرگ ئَ آں، اُمیت اِنت،کہ ماں ایشاں شمارا سرپدی رَس ایت، پہ درور:
انسان چہ وتی چاگرد ئَ اثر زُور اِیت۔ معنا ے ھبر آرا سوالھ ئُُ نیکانی چاگرد دست کپت جزماََ آ نیک دل ئُُ نیک بخت جوڑ بیت۔ آئی دل ئِ ارمان ئُُ احساس شرّین بنت۔
اگاں نابکاریں چاگرد ئِ تہ ئَ کپت ھراب ئُُ نابکار بیت۔ مریشی ئَ ھچ وڑیں شک ئُُ شبہ نیست کہ بلوچی ئِ نامداریں شائر واجہ عنایت اللہ قومی چہ ھما بحتاوریںشائراں انت کہ قدرت ئَ آئی ئِ سرا مہربانی کرتگ ئُُ آرا نیکیں دوسواھانی رداے کرتگ بقول شائرے۔
” ایں سعادت بزور بازو نیست
تا نہ بخشد خداے بخشندہ“
ما گندگ ئَ ایں کہ مکران ئِ پیمیں دُور ئُُ د´راجیںھنداںعلم ئُُ ادب ئِ چراگ شہ ھمے چراگاں روشن انت۔“
(مولانا خیرمحمد ندوی ” جلشک “ ۳۰۰۲ئ )
” آئی ئِ گالبند ئُُ محاورہ ئَ ھر عمر ئُُ زانت ئِ مردم سرپد بیت کنت۔ آئی ئِ زبان ئُُ اسلوب ئَ چہ ھمے پدّر بیت کہ آ زبان ئِ لذّت زیرگا گیش زبان ئَ مارشتانی سرکنگ ئِ وسیلہ یے زانت ئُُ آ اے گپّ ئَ ہم سرپد اِنت کہ ” ابلاغ “ ئُُ سر کنگ ئِ اے کار تچک ئُُ سادگیںاسلوب ئَ شرتر بیت کنت۔ پمیشکا آ نہ وتگڑیںزبان کارمرز کنت ئُُ نیکہ وتگڑیں اسلوب۔“
”واجہ عنایت اللہ قومی ئِ مجموعی ئُُ سرجمیں شاعری ئِ حوالہ ئَ اگاں بنیادی گپےّ گو´شگ بہ بیت گڑا مردم گ´وشت کنت کہ واجہ بلوچی کلاسیکل ئُُ عہدی روایت ئِ شاعر اِنت بلوچی عہدی شاعری مئے زبانئِ معتبر ئُُ محکمی ڈیکی اِنت ئُُ مروچیگیں شاعری پمشکا ” بے جہت “ ئُُ ” ولگر “ اِنت کہ آئی ئَ وت ئَ چہ عہدی شعری روایت ئَ سستگ۔ واجہ قومی ئِ سرجمیںشاعری توری آئی ئِ نظم بہ بیت، سوت یا د´رائیںشاعری ئِ شم ئُُ شینکاں کلاسیکل ئُُ عہدی شاعری ئِ روایت حبر کنگا انت۔ بلکیں آئی ئَ عہدی رنگ ئِ ” شعر “ ہم پربستگ۔ چوشکہ ” پنّو مکران جاہ ات “ نہنگ ئِ ھار “ ئُُ ” عہدی شاعری ئِ ڈول “ ئُُ اے کو´ھنیں شعری رنگ ئَ ہم آ کامیاب انت۔ بلے جُست اے پشت کپیت کہ گوںبلوچی عہدی شعری روایت ئَ ھمگر´نچ بوگا رند واجہ قومی ئِ جند ئِ شعربستار چے اِنت ئُُ آ کجا اوشتاتگ ؟ ایشی ئِ پسو ئَ بی´اکہ چہ واجہ ئِ جند ئَ اشکنیںآ گ´وشیت:
نہ من عطا نہ سید نے کہ شاعراں مند ئِ
من قومیآں ئُُ کناں بال بانزلاں جند ئِ
اگاں من باج براں سوب ئُُ واھگ ئِ گوں یقین
بلاں چو عہدی چراگ ئَ کہ راستی انت زند ئِ
(صبادشتیاری (”جُگر ئِ کپوت“ ۰۰۰۲ئ )
” حاجی عنایت اللہ قومی ئَ راقدرت ئَ چہ درغیب ئَ حضوری علم بکشاتگ۔ آئی ئِ ھنچیں رُژن ئُُ دیدے کہ کس اِے گت ئُُ گمان ئَ نہ گیپت کہ عنایت اللہ قومی نا وانندگے من وت وھدے کہ ۸۷۹۱ ئَ قومی ئَ را ماں پنجگور ئَ دیست من حیران ئُُ ھبکہ بوتاں کہ اِے شائری ئِ واجہ پرچا یک ناونندگے اِنت پرچا کہ قومی ئَ را وتی زند ئِ ھمک رنگ ئِ سماہ است اِنت۔ مذھب ئِ حُبّ بہ بیت کہ لال ئِ مہر، وطن ئِ سوک یا کہ ڈیھ ئِ کلبینائی ئُُ یاں کہ گ´ونڈوی ئِ سرگ´وستگیں ارمان۔ قومی ئِ شائری ئِ پڑ ئَ کُلّیں وڑ ئُُ رنگ گندگ بنت۔“
(غوث بخش بھار” جلشک “۳۰۰۲ئ )
” واجہ قومی ئَ شائری ئِ د´رسیں تہرانی سرا وتی کمیت تاچینتگ۔ چش کہ ” حمد “ نعت، گال کلاسکی رنگ کہ مئے اھدی رنگے اِنت۔
قومی ئِ وڑیں کَلانہےں شائر ئِ شائری ئِ سرا من ھرچی بُگشاں پُوتاری بیت ” دل ئِ توار “ راج ئِ دست ئَ روت دیم ئَ آدینک بیت کمّی گیشی ئِ درکنگ راج ئِ کار اِنت من تھنا ھمے ھبرئَ گشاں کہ اگاں کسے ئَ قومی ئِ شائری نہ ونت بزاں شہ راجی مڈّی ئَ زبہر بوت پرچیکہ ” دل ئِ توار “ راج ئِ توار اِنت۔ “
(ابراھیم عابد ” جلشک “ ۳۰۰۲ئ )
” پنجگور (خدابادان ) ئِ شہر ئَ قاری عبدالخالق ئِ گِس ئَ پیدابوتگیں زھگ عنایت اللہ کہ رند ئَ قومیئِ نام ئَ زانگ بوت۔ چہ وتی بوتن ئُُ ورنائی ئَ آئی دل پہ وتی مادری زبان بلوچی ئِ زانگ ئُُ وانگ ئَ ھدوناک اَت۔ آچہ ماھتاک اومان ئَ وتی سفر بنگیج کرتگ ئُُ شائری ئِ پڑ ئَ وتی بورتاچی کتگ۔ معلوم بہ بیت کہ بلوچی ئِ باز کم چُشیں حالتاک ئُُ ماھتاک بہ بیت کہ چہ قومی ئِ مہروانی ئَ زبہربوتگ۔ قومی ئِ مزن شانی ئُُ بلوچی زبان ئِ ھذمت ئِ توسیف ستا چوارزان نہ اِنت کہ منی وڑیںکسانیں مردمے آئی باروا چیزے نبشتہ کرت بہ کنت۔“
” عنایت اللہ قومی ئِ ادبی زند ئُُ ھذمت پہ بلوچی زبان ئَ چوجہلےں زر ئَ انت کہ آئی تہا روشناکنگ سک گر´ان اِنت۔“
صادق راہچار(”بلوچی زند“ نومبر۹۱۰۲ئ )
”قومی ئَ شاعری ئِ میدان ئَ ہرتک ئُُ پہناداںوتی بورتاچینتگ۔ جاھے پاکیں پروردگار ئُُ آئی دُرّیں رسول ئِ عشق ئَ مست ئُُ ملنگ ئُُ مولانگ اِنت ئُُ جاھے پہ دینی سوج ئُُ سراکاں لانکے بستگ ئُُ جاھے پہ ڈیھ وطن ئِ مہر ئُُ محبت ئَ گنوک ئُُ دیوانگ اِنت ئُُ جاھے پہ زبان ئُُ لبزانکی دیمرئی کاراں دستے لانچتگ ئُُ جاھے پہ راج ئُُ استمان ئِ وت ما وتی یکوّئی ئُُ تپاکی ئِ سوج ئُُ سراکاںدست گٹ اِنت۔ ئُُ جاگہے گوں ذپتیںزہیر، سوتکگیںارمان، گم ئُُ اندوھ ئُُ کہتئُُ دل پدردی آں ئُُ آہ فریاتان وتی زانت ئَ تل ئُُ بن تل آنی الہان ئُُ چیھالان گوںآلم ئَ را چہ پُرّیگیںواب ئَ پدّرھینگ ئُُ گُڑینگ ئَ انت زرد ئِ ارمان ئِ شاعر بلوچ ئیت پرایشا آوتی شعر ئُُ پربنداں گوں بلوچی ذگریں گالان پربندیت ئُُ کتاریت۔ آئی زبان وش ئُُ شیر کن ئُُ تامدار اِنت آوتی کساس ئَ پہ شعر ئُُ گالانی پربندگ ئُُ کتارگ ئَ سک بلد ئُُ شیوار اِنت۔ آگوں مزنیں شیواری ئُُ کوّاسی ئَ بلوچی ہمروشی ئیں لبز ئُُ بتلان ماں وتی شعر ئُُ پربندانی تہا کارمرز کنت۔ ہما ڈول ئَ کہ آئی دل بلوٹیت ہما ڈول ئَ معنا ئُُ بزانت دئنت۔“
(کریم آزات (” زرد ئِ ارمان “ ۵۸۹۱ئ )
” ماں بلوچی لبزانک ئِ تہا قومی ئَ ہما وھد ئَ کار بناکت کہ آوھداں ماں پنجگور ئِ ھد ئُُ دمگاں چشیں لبزانکی مردمے نہ بوتگ ناکہ بلوچی وانوک ئُُ نبشتہ کنوکے کہ قومی گمائی بہ نندیت ئُُ لبزانکی چار ھبر بکنت یا کہ آئی شئراں گوش بداریت یا کہ وتی شئراں گوش بدارینیت۔ لبزانکی ہمے قحطئُُ ڈکال ئِ تہا آئی وتی قلم پہ دمانے ہم مہتل نہ کُتگ ئُُ آئی پہ بلوچی زبان ئَ ہر وڑیں سرد ئُُ گرم دیستگ مروچی ہمائی جہدانی برورد اِنت کہ ماںپنجگور ئَ چشیں ھلک ئُُ میتگے نیست کہ مان اود ئَ بلوچی زبان وانگ ئُُ نبشتہ کنگ نہ بیت۔ ہرجاگہ لبزانت ئُُ شائر پیدابوتگ ئُُ پنجگور ئِ د´رائیںھند ئُُ دمگاں لبزانت ئُُ شائرانی رُمب ئُُ رمگے جوڑ اِنت۔ اے جست کہ قومی ئِ شائری ئِ اُستاد کے اِنت قومی ئَ شائری ئِ ہچ استادے نیست۔ آزمانگ ئَ کہ قومیئَ شائری شروع کت ماںپنجگور ئَ چشیں شائرے نہ بوتگ کہ آ قومی ئِ استاد بہ بیت بلکن آزمانگ ئَ چشیںمردمے ہم نہ بوتگ کہ آ چہ قومی ئَ گیشتر بلوچی وانگ ئُُ نبشتہ ئَ بلدتر بہ بیت۔ اگاں آئرا اُستادے بوتگ گڈا آئی استاد ماہتاک ” اومان “ اِنت کہ چہ ہمیش آئی دلبڈّی ئُُ سکین زرتگ۔“
(اسماعیل سما(”بلوچی زند“ نومبر۹۰۰۲ئ )
” قومی ئِ شاعری ئَ یک مزنیں وصف یے آئی ئِ زبان زانتی اَت۔ آئی ئَ را بلوچی زبان ئِ سر ا شرّیں دسترس ھست ات۔ آئی شاعری ئِ تہا بلوچی زبان ئِ ھنچیں کوہن کہنیںلبزکارمرز کتگ انت کہ آ لبزانی کارمرز کنگ انچو پہ دیم مردمانی وس ئُُ واک ئِ گپےّ نہ اِنت۔ ما وھدے قومی ئِ لچہاں وانیں داں مارا ھمے گمان بیت کہ قومی چہ د´رستان گستا انت ئُُ آئی ” ڈکشن “ چہ اے دگراں جتا انت۔“
(انجینئر یعقوب عامل(”چَکار “ دومی چاپ۱۱۰۲ئ )
” وھدے من شائری ئِ پڑ ئَ آستونک لانچت اَنت وتارا دا واجہ قومی ئِ دکان ئَ سرکُت گڈاں من فہمت کہ شائری کنگ منی نسیب ئَ اِنت چیاکہ قومی ئَ ہر یک نوک باھندے ئِ ہمینچو دلبڈّی کُت کہ اگاں آئی یک شیئرے نبشتہ کُتیں پدا آئی ئِ دل ئَ لوٹ اِت کہ کدی بیت کہ من شیئرے نبشتہ بکناں ئُُ واجہ ئِ دیوان ئَ سربباں ئُُ دلبڈّی بزوراں ، چونائی ئَ گُش اَنت کہ کار ئُُ باری مردم کدی دل سپانہ بنت بلکیںوتی نپ ئُُ پائدگ ئَ دیما دار اَنت بلے واجہ قومی چرے پکر ئَ برُز تریں ماڑی ئِ نندوکے ات آئی ئَ وتی گنج دیوان ئِ نندوکیں ورناھان ئَ سرپد بوت آئی بلوچی کتاب پہ نکد زُرت ئُُ مئے وڑیں نابلدان ئَ بلد کنگ ئِ ھاترا پہ وام دات اَنت ۔ داں کہ ورنا بو´ان انتئُُ سرپد بہ بنت کہ بلوچی ھم ایندگہ زبانانی وڑا یک زبانے ئُُ آئی ئَ را ھم یک لبزانکی گنجے است ھمائی جہد ئُُ کوشستانی سبب اِنت کہ مروچی عزت اکیڈیمی پنجگور ئَ ورناھانی یک مزنیں ٹولی ےے است کہ آ وتی لبزانکی جہد ئَ پہ زبان ئِ ھاترا دیما برگا اَنت۔“
(ظہور احمد زیبی(”بلوچی زند“ نومبر۹۰۰۲ )
” قومی ئِ شہدیں شعر کورانی شہر ئَ آدینک ئِ بہا کنگ ئِ واز مندگ نہ انت۔ قومی ئِ جلشک جمار انت۔
شہ وشتوارانی گلا ئُُ ستا ئَ مہرنگ ئِ دیم ئِ لیگارانی گیشتر بیگ ئِ گمان انت کہ پہ گ´واچنی ئَ آئی ئِ شرّی ئَ پہ حرابیں گوناپے کارایت ئُُ سر کنت پہ چار ئُُ بے چار ئُُ حیال شہ سسّائُُ پہ دل چاروک ئِ چم دستاں دُروت دنت۔“
(بشیر شھزاد” جلشک “ ۳۰۰۲ )
”پہ منی زانت ئُُ سسّا ئَ حاجی عنایت اللہ قومی بلوچی زبانئِ ھما شہ گ´وشیں شائر انت کہ چو میرگل خان نصیری ئَ وتی ھبر ئَ ماں گیشگ ئَ نیل ایت بلکن ھبر ئَ پہک ئُُ تچک گ´وش اِیت قومی ئِ زبان ئِ شیرکنی لس مردم ئِ دل ئَ ایرکپ ایت۔
پمیشا من بندات ئَ نبشتہ کت کہ شائرانی پوج ئِ تہ ئَ قومی تھنائیں شائر انت کہ لبزانی جہت ئَ د´رستیں اسلوب ئِ سرا دست رس ے است“
غوث بخش صابر ” جلشک “ ۳۰۰۲ئ
” منی جند ئِ ادبی کار پہ بلوچی زبان ئَ شہ ” اومان “ کراچی ئَ بگرداں مرچیگ ئَ گون اَنت۔ منی شعر ماں بلوچی کراچی، اولس کوئٹہ نوکیں دور، زمانہ کوئٹہ ، صدائے بلوچ کراچی، سوغات، بھارگاہ، زندمان، چراگ پنجگور ئُُ بلوچی لبزانک حبّ ئَ چاپ بوتگ اَنت۔ منی عمر کساس ۸۶سال بیت ۔ منی بزُرگیںپت ئِ نام مولوی قاری عبدالخالق بوتگ ئُُ من پنجگور خُدابادان ئَ نندوکاں۔ منی پت ئِ تعلیم ئُُ زانت عربی ئُُ فارسی بوتگ ئُُ منی جند ئِ بلوچی زُبان اِنت ئُُ من ماں اسکول ئُُ دربرجاھاں وتی علم نہ ونتگ بلے وانگ ئِ قدر ئُُ قیمت ئَ پہ شرّی پجّاہ کارا ں ئُُ لوٹاں کہ ھر یک بلوچی ئِ لوگ ئِ تہا علم ئِ چراغ روشن بہ بیت۔“
عنایت اللہ قومی(”جُگر ئِ کپوت۰۰۰۲ئ)
مئے لبزانک ئِ بارو ئَ یک زنڈیں راجی ویلے ایش اِنت کہ شہ تہمیات ئَ پدر انت کہ مئے نوکیں اوبادگ بلوچی ئِ وانگ ئَ پہک نابلد ئُُ نِزور انت ئُُ کجام نویسکارے ئَ کہ وتی شئرے یا س´یاہگے پہ کجام ماھتاک ئَ دیمداتگ، آ وتی جند ئِ نبشتہ ئَ وان اِیت ئُُ ماھتاک ئَ بے کماری ئَ چگل دنت !! اگاںآئی وتی سی´اھگ گوں نہ اِنت گڑا یک زنڈیں گینسارتے کشّ ایت ئُُ ماھتاک ئَ دور دنت ئُُ روت۔ من گوں ھستیں وھد ئِ بلوچ ورنا ئُُ زانتکاراں دزبندی کناں کہ گوں بلوچی لبزانکئَ وتی س´یادی ئَ مُہر ئُُ مہکم بدار اَنت ئُُ وتی ماتی زبان بلوچی ادب ئِ تنیگیں لنٹانی ، تر´امبلیں پادانی ئُُ کودکی ھیسکارگانی سر ا رھم ئِ دست ئَ ایرمشنت ئُُ وتی ماتی زبان بلوچی ئِ ھر وڑیں کمک ئَ بہ کن اَنت مالی ، وھدی ، کلمی ، وانگی تاں بلوچی لبزانک دیمرئی بہ کنت ئُُ پہ حق دل گوں وتی ھمساھگیں زباناں ھم کوپگ بہ بیت۔ پیسلہ مئے راج ئِ پدمنتگیں مساپرانی دست ئَ انت کہ آ وتارا شہ س´یادیںھم زبانانی مساپراں پُشت ئَ پَشت مہ گیج اَنت پرچا کہ پَشت کپگ پہ بلوچاں زنڈیں ایبے زانگ بیت! “
عنایت اللہ قومی(”جلشک “۳۰۰۲)
اِے گپ راستے کہ ندکار پہ مرگ گار نہ بیت ، تہ اِے بارہ ئَ قومی ئِ لہتیںشعرانی جُتکاںبتّاس کہ آ گُشگ ئَ اِنت:
”من نہ مُرتاں کہ تو بہ بئے ارمان
تر´مپے ارس دور مدئے چمّاں
مہر ئِ لذّت کہ شہ دل ئَ دربئیت
اِے مہ ماراں کہ بوتگ آں تاواں
یا
کِلّئے روئے چہ دہر ئَ نکشے تو پیشبدار
قومی مگر ہشیماں تو شیلگاں بچار“
چیاکہ انسان ئِ زندگی ئِ تہ ئَ برے غم بَرے وشّی ، برے کار بیرانی ئُُ برے آسراتی ۔ ئُُ ماں زندمان ئَ دگہ باز انچیں سُرئُُ پُر ہَست اَنت ، کہ مدام ( گوںانسان ئَ دُچار کپنت۔ ئُُ پہ ایشانی توجیل ئِ سازگ ئُُ گِرودار ئَ ربّ ذوالجلال ئَ انسان ئَ را زانت داتگ۔ اگاں ہمے زانت ماںاَلکاپی ئَ کار گِرگ بہ بیت، تہ انسان اَلمّ وت ئَ سرپد بیت، کہ من کَے آں؟ ئُُ من پہ کجام مول ئُُ مراد ئَ ماں امروز ئَ ساڑی کنگ بوتگ آں ۔ ئُُ من ئَ پہ وتی زندگی ئِ گ´وازینگ ئَ چے کنگی اِنت۔ تانکہ منئَ کَسّے رَد مہ پہم اِیت۔ ئُُ باید اِنت ما وتی تہ ئَ ہما وڑیں زانت ئُُ پہم ودی بہ کنیں ، تانکہ ما وتی اندر ئَ سرکَشّ ات ئُُ وتی شَرّ ئُُ رَدی ئِ پرک ئُُ تپاوت ئَ گیشینت کرت بہ کنیں۔ چوشکہ اِے بارہ ئَ قومی وتی شعرے ئِ تہئَ گُشگ ئَ انت:
”غم ئُُ رنجاں دوچارئے تو
غم ئِ زند ئَ شزارئے تو
وت ئَ کمّیں نہ چارئے تو
بلاہانی دپارئے تو
یا
نہ غم اِشتگ نہ وشّی اے جہانئَ
کیا پہ چیرگیجاں دیدگان ئَ
پہ جُست ئَ شاعر ئِ زانت ئَ پُلیت کئے
نصیر ئُُ انور ئُُ قومی زبانئَ“