کاگد

گراں کدریں شونکار ماہتاک بلوچی زند
ماہتاک بلوچی زندءِ ستمبر2019ءِ تاک اَت منا رست۔ماہتاک ءِ ٹائیٹل باز جلواناک انت۔کہ آئی سرا بلوچستان ءِ درا کلمکار،کواسءُُ شاعرانی عکس گنِدگ بوت انت۔کہ ماہتاک بلوچی زندءَ اے قلمکار ءُُ کواّسانی باروا حاصین تاک چھاپ ءُُ شنگ کرتگ۔ اے درگت ءَ ماہتاک بلوچی زند گوں ادارہ ءُُ کارندہاں لکھ ستائے لائق انت۔کہ آئی ءَ بلوچستان ءِ درا نامداریں کلمکارانی باروا تاک چھاپ کرتگ۔
ستمبرءِ تاکے تہا چل ءَ زیات مضموں ءُُ نبشتانک چھاپ بوتگ ات۔اے درا کلمکار ءُُ کواّساں ماھتاک بلوچی زندے سرا چمشانک دور داتگءُُ ماہتاک بلوچی زند ءِ بلوچی علمءُُ زانت ءِ باروا جہد ءُُ کوشستاں سہڈاتگ۔ماہتاک بلوچی زند اے وھدی ہما یکےّں تاک انت کہ چھاپ ءُُ شنگ بوھگا انت۔اُمیت انت کہ ماہتاک بلوچی زند وتی ماتی زبانءِ حاترا وتی قومی ءُُ راجی کار ءَ انچو برجاہ داریت۔تنکہ بلوچی زبان ءُُ لبزانک دیمرئی بکنت۔اے نمدی ءِ ھوری ءَ ماہتاک بلوچی زند ءِ باروا یک پر بندے گوں انت۔اُمیت اِنت ایشرا چھاپ ءُُ شنگ کن ات۔
روشن بلوچ
دالبندین
……٭……٭……٭……
شونکار ماہتاک بلوچی زند
شمے سرءِ سلامتی ءُُ نیکیں واھگ۔درستاں چہ پیش ماہتاک بلوچی زندءِ بیست سال شمارا گوں زندے ادارہ ءِ درا کارندہاں مراد بات۔اے ماہتاک بلوچی زندءُُ بلوچی لبزانک ءِ ھاترا مزنیں سوب مندی اِنت۔چیاکہ بلوچی زبان ءِ تاک ءُُ ماہتاک لہتیں سال چھاپءُُ شنگ بنت،پدا زُوت بند بنت۔ایشی بنیاتی سوب ایش انت۔کہ بلوچی زبانءِ تاک ماہتاکءُُ روتاکانی مارکیٹ نہ بوھگ ءِ برابر انت۔انچو بلوچی زبان ءِ وانوک باز کم انت۔بلوچی تاک،ماھتاک،روتاک ءُُ کتاب بہا نہ بنت۔ بلوچی زبانءِ تاک ماھتاکءُُ روتاکاں صوبائیءُُ بنجاہی حکومت ءِ نیمگا ھچ وڈیں مدّتءُُ کمکے رسگا نہ انت۔اے بنیاتی مسئلہ ءُُ جنجالان ابید یک ماہتاک ءِ تاں بیست سالاں چھاپ ءُُ شنگ کنگ یک مزنیں گام گیجے انت۔اُمیت انت ماہتاک بلوچی زند وتی جہد ءُُ کوشست ءَ انچو برجاہ بداریت۔
فیضان بلوچ۔کراچی
……٭……٭……٭……
شرف مندیں واجہ یار جان بادینی
ماہتاک بلوچی زندءِ ستمبرے تاک آت منا رست،ستمبر ءِ تاکے ٹائیٹل ءِ گندگا دل سک وش بوت کہ ماہتاک بلوچی زند یک انسٹیٹیوٹ ءِ جہت ءَ کار کنگا اِنت۔ماہتاک بلوچی زند کاراں چہ بلوچ قوم ءُُ راجے آوکیں باندات نپءُُ پائدگ زُوراَنت۔چیاکہ ماہتاک بلوچی زند گوستگیں بیست سالانی تہا پنجاہ ءَ زیات خاصیں تاک در کرتگ۔اے پنجاہ تاکانی تہا بلوچی زبانءِ ہما قلمکار،حوالکار،شاعرءُُ کواس ھور انت۔ کہ آھانی باروا مئے نوکیں ورنا معلومدار نہ انت۔ماہتاک بلوچی زندءِ تاکءُُ کتابانی وانگ ءَ آھاں ءَ بازیں معلومداری رست کنت۔
شہک بلوچ۔ شال
……٭……٭……٭……