ماہتاک بلوچی زند ء ِ بیست سال

ماہتاک بلوچی زند ء ِ بیست سال ءِ مراگاہانی تہا بہر زوروکیں گراں کدریں یارجان بادینی
خاصیں مہمان
بلوچی زبان ءِ ھُب ءُُ واھگ داروکاں اے حاصیں مراگاہ ءِ تہا منا وتی حیالانی درشانی کنگ ءِ موہ دیگ ءِ باز منت۔
لہتیں روچ پیش 16 دسمبر ءَ سی سال گوستگ وھدے من وتی پی ایچ ڈی ءِ مقالہ ءَ سرحالے داتگ ات۔
Standardization and orthography in Balochi Language. اے کتاب ءِ تہا بلوچی ءِ حاترا ھوریں آرتھو گرافی ءَ ھوار اسٹینڈرڈ زبان ءِ جوڑ کنگ ءِ جہد ءُُ کوشستانی سرجمیں حوال اَت۔ اے ماہتاک بلوچی زند ءِ شروع بوھگا چہ پیسرے گپ اَت۔ انوں زیک 20 دسمبر ءَ من وتی دومی کتاب وتی دست ءَ زرت کہ آئی ءَ تاں انوں ہچ یک کلمکارے ءِ مدت ءُُ کمک ءَ ابید نبشتہ کرتگ۔ من شریکیں کلمکار ءَ ابید بازیں نبشتانک نبشتہ کرتگ ءُُ بازیں کتاب شریکیں کلمکار ءَ ھور نبشتہ کرتگ۔ گوستگیں سی سالانی تہا منی گیشتر پٹ ءُُ پول بلوچی زبان ءِ سرا بوتگ۔ بلے اے کتاب کہ انوں چھاپ ءُُ شنگ بوتگ ایشی سر حال انت۔ A Grammar of Modern Standard Balochi اے یک انچیں کتاب انت یک شریں آرتھو گرافی (رومن ءُُ عربی رسم الخط) ءَ ھوار یک شریں نبشتہ کنوکیں زبان ءِ نمائندگی ءَ کنت۔ بنیاتی وڑا روبرکتی بلوچستان ءِ شہر ءُُ سر باز ءَ بگر تاں کیچ ءَ روبرکتی بلوچستان ءَ تاں تربت ءَ بلوچی یک شکل ءُُ دروشم ءَ ھوار انت۔ بلے ایشی تہا دومی بولی ھم ھوار انت کہ آ اے بولیانی تہا گار ءُُ بیگواہ بوتگ انت۔ بلوچی زبان ءِ باروا یک پٹ ءُُ پولکارے جہت ءَ من گوستگیں سی سالانی وھد ءَ بازیں چیز دیما اَت انت۔ لبزانکی زبان ءِ جہت بلوچی زبان ءِ دیمرئی ءَ چہ تاریخ ءِ بازیں نامداریں مردماں مارا یل داتگ بلے بازیں ورناہاں گوں وتی سنچ ءُُ لائقی ءَ آھانی ھند ءُُ جاہ برجاہ داشتگ۔
بلوچی زبان ءِ بازیں تاک ءُُ ماہتاک بند بوتگ انت بلے چیزے نوکیں تاک ءُُ ماہتاک بلوچی زند ءِ وڑا دیما اتگ انت من ءَ بلوچی زبان ءِ روژناایں باندات ءِ اُمیت انت۔ ورہانی یک مزنیں تعدادے کہ سیم سرے ہر دو نیمگا نشتگ انت آ وتی زبان ءِ وانگ ءُُ نبشتہ کنگ ءِ باز ھُب ءُُ واھگ دار انت۔
منی اُستاد ءُُ پِس عبداللہ جان جمالدینی کہ آئر ءَ من مدام یات کنیں آئی ءَ مارتگ ات کہ محکم ءُُ نبشتہ کنوکیں زبان ءِ حاترا اسکولانی تہا ماتی زبانانی وانینگ باز المی انت۔ من گوں آئی ءَ تپاک کنیں، بلے ماتی زبان ءِ وانینگ ءِ حاترا ھم یک المی شرطے است بزاں یک اسٹینڈرڈ زبانے کہ پدّر ءُُ کسان بوھگا ھوار رھبندانی ردا مہ بیت کہ آ ماتی زبان گشوکانی زریعہ ءَ اولی گرائمر ءِ علم ءُُ زانت ءَ ھیل کنگ ءَ ابید ھیل کرت کنت۔ ہچ یک مردمے اے زانگ ءِ گزر نہ انت آئی ماتی زبان ءِ گرائمر ءِ رھبند چے انت۔ آئی ءَ گشگ کیت یک انچیں نبشتہ کنوکیں زبانے تاں روتگاں معلوم گرگ ءِ موہ ہ بہ بیت زند ءَ گرائمیٹکل رھبندانی بدل تلفظ ءِ سرا بوھگ لوٹیت۔ ماہتاک بلوچی زند زبان ءُُ لبزانک علم ءُُ زانتءِ چراگ ءِ یک روژنائی انت۔ کہ آ بلوچی زبان ءِ دیمرئی ءِ حاترا راہ ءُُ درپیش دارگ ءَ انت۔ مارا اُمیت انت کہ آؤکیں روچ ماہ ءُُ سالانی تہا بلوچی زبان ءِ اے روژنائی گیشتر محکم بیت۔ چیاکہ مارا درا بلوچی ءَ را نبشتہ کنوکیں زبان ءِ جہت ءَ دیمرئی دیگ ءُُ اسکول ءُُ وانگ جاہانی تہا ماتی زبان ءِ وانینگ ءِ بنیاتی رھبندانی حاترا کارکناں۔

کارینہ جہانی
اپسالہ یونیورسٹی سویڈن
21 دسمبر 2019