زبان ءِ ٹپ ۔۔۔۔رفیق عادلؔ 

یک ملکے ءَ یک مردے نشتگ اَت ، آ گریب ءُُ نیزگار ے ءَ اَت ، آئی ءِ کار ہمیش اَت کہ آئی ءَ ہر روچ تپر زُرت ءُُ جنگل ءَ دار ءِ چنگ ءُُ بھا کنگ ءَ شُت ۔
یک روچے مرد دار ءِ چنگ ءَ جنگل ءَ روت دار چنت ءُُ یکجاہ کنت ءُُ بہ دم ءِ بالا کنگ ءَ یک درچکے ءِ بُن ءَ نند ایت ءُُ بہ آرام کنگ ءَ ۔۔۔
مرد دل ءَ ڈڈ کنت ءُُ روت شیرءِ پاد ءِ کنٹگ ءَ کشیت ۔ تپر ءِ درد کم تر بنت ءُُ آرام کنت گڑا شیر ءُُ مرد ءِ دوستی بیت ۔
مر ہر روچ جنگل ءَ کیت دار چنت ءُُ شیر ھم ہر روچ مرد ءِ چارگ ءَ کیت ۔
لہتیں روچاں مرد بیمار بیت ءُُ جنگل ءَ دار ءِ چنگ ءَ نہ روت گڑا شیر پریشان بیت کہ دو سئے روچ انت کہ مرد دار ءِ چنگ ءَ نیاآئیگا اِنت ۔
گڑا شیر چہ جنگل ءَ درئیت ءَ مرد ءِ شوھاز ءَ لگ ایت ۔
شیر جُست ءُُ پرس کناں بیت دانکہ روت مرد ءِ لوگ ءَ در گیجیت ۔ شیر گند ایت کہ مرد بیمار انت ءُُ وش انت ۔
اے روچ ءَ شیر روت جنگل ءَ اندگہ روچ ءَ شیر پدا مرد ءِ چارگ ءَ روت ءُُ مرد ءِ ایشاں جنگ ءَ لگ ایت ۔
شیر ہرروچ کیت ءُُ مرد ءَ را چٹ ایت مرد دو سئے روچ ءَ وھد وش ءُُ جوڑ بیت ۔
شیر پدا کیت ءُُ مد ءِ دپ ءُُ دیماں چنگ ءَ لگیت گڑا مرد گشیت کہ دور ءَ چہ منی نزیک ءَ تئی دپ بو کنت ۔
شیر اے روچ ءَ روت مرد ھم وش بیت مرد وھدا وتی ہر وچیگیں کار ءَ بندات کنت ۔ مرد جنگل ءَ دار ءِ چنگ ءَ وھد آرام کنت کہ شیر کیت ءُُ مرد ءَ را گشیت تئی سر ءَ تیرے بجن ، مرد حیران بیت ءُُ گشیت پرچے ؟
شیر گُشیت کہ اگاں تو وتی ءَ تیر نہ جت من ترا وراں
مرد ءَ را تُرس ایت گڑا مرد تیر ءَ زوریت ءُُ شیر ءِ سر ءَ تپرے جنت ۔ شیر ءِ ھوناں ریچان ءَ روت شیر پدا یک ءُُ دو ماہ ءَ اے مرد ءِ کرا نئیت ۔ دانکہ تیر ءِ ٹپ دراہ نہ بیت ۔ یک روچے مرد جنگل ءَ دار ءِ چنگ ءَ یت اناگہ ءَ شیر مرد ءِ کرا کیت ۔ شیر مرد ءَ گشیت کہ منی سر ءَ بچار تئی تیر ءِ ھما زٹپ است انت کہ ناں ؟
مرد چاریت داں تیر ءِ ٹپ گار انت !
شیر مرد ءَ گشیت ترا ھوش کنت کہ ھما وھد ءَ کہ تو بیمار اتے من اتک ءُُ تئی جان ءَ را چٹ ات ءَ تئی ریش وش بوت انت ءُُ وھدے کہ من تئی دیما ءِ ریشانی چنگ ءَ انکو تو گشت یک کرا بو کہ تئی دپ بو کنت ۔
مرچی تئی جتگیں تیر ءِ ٹپ گار انت ۔ بلے تئی دپ ءِ گشتگیں گپ ءَ انگہ من بے حال نہ اوں ۔ من تئی گپ ءَ را سک تور اتگ ءُُ یا ت بکن کہ زھم ءِ ٹپ روت بلے زبان ءِ ٹپ نہ روت ۔ مرروچہ شیر ءِ گپاں سک باز شل بوت ءُُ بدلی لوٹ اتتے ۔