ہر مردم ءَ آئی حق دیگ بہ بیت…..پروفیسر ڈاکٹر نادر بخت 

من وتی درا گپانی وت ذمہ وار اوں ایشی تہا ترس ءِ ہچ گپے نیست 1947 ءَ بگرتاں 1958 ءَ تاں ملک ءِ اولی آئین جوڑ بوت اے دستور ءِ تہا رودراتکی پاکستان ءُُ روبرکتی پاکستان برابر بہر دیگ بوت۔ رودراتکی پاکستان ءِ آبادی زیات انت انچو روبرکتی پاکستان ءِ ڈگار ءُُ رقبہ مزن انت۔ اے گپ ءَ ہائی کورٹ ءُُ سپریم کورٹ منت۔
انچو 1962 ءِ دستور 1968-70 تک برجاہ منت رودراتکی پاکستان ءِ آبادی روبرکتی پاکستان ءِ رقبہ زیات ات بلے فنڈ برابربہر ءُُ بانگ بوت انت۔ پدا ملک ءِ تہا بدلی اَت ون یونٹ پرشت ملک ءِ تہا صوبہ جوڑ بوت انت مروچی اے گپ پرچے گوشدارگ نہ بیت کہ کسے رقبہ زیات انت ءُُ کسے آبادی زیات انت۔ تہ آھان ءَ برابر نمائندگی دیگ بہ بیت۔ ایشی تہا چہ مسئلہ انت؟
سپریم کورٹ مزنیں شہر ءُُ پلنگ ءِ انت آئی عزت ءُُ شرف ءَ درست کں انت بلوچستان ءِ رقبہ زیات انت۔ دومی بہر ءَ سیل کنگ بہ بیت آ درابلوچستان ءِ برابر نہ انت بلوچستان ءَ ہر چنکس فنڈ رسیت آ پاکستان ءِ یک شہرے فنڈ آنی برابر نہ انت۔
من سرپد نہ اوں کہ یار جان بادینی ءَ منا ہمے حاترا لوٹاھینتگ کہ من انچیں گپ ءُُ تران بکنیں آ سرپد ات کہ من وتی عادت ءِ ردا گپ کنیں۔
چریشی پیش کہ نا اُمیتی گیش بہ بیت نا اُمیتی ءِ سبب آں ھلاس بکن انت Diprivation ءَ چہ Frustration ودی بیت ءُُ فرسٹریشن ءَ چہ ایگریشن ودی بیت ءُُ ایگریشن ءَ چہ ریولوشن بیت۔ اے شریں گپ نہ انت۔
اے دیوان ءَ درا وانندایں مردم نشتگ انت۔ بائد انت زھگاں آھانی حق دیگ بہ بیت۔ مزنیں مردمانی حق دیگ بہ بنت۔ سقراط ءِ یک لوزے کہ زندگیں مردم ہما انت کہ آ پکر کنت ایشی مطلب ایش نہ انت کہ ہر کس پکر نہ کنت آ زندگانی حساب نہ بیت۔ باز مردم اے گش انت کہ ھر کس پکر کنت آ نادرا بیت ءُُ زوت مریت۔
ھر مردم ءَ وتی حاترا وتی قوم ءُُ راج ءِ حاترا پکر کنگی انت تنکہ وتی قوم ءُُ راج وتی آؤکیں باندات چک ءُُ زھگاں شریں زندے دات بکن انت۔ اے ہما وھد ءَ بوت کنت کہ ایشی حاترا پکر کنگ بہ بیت ءُُ عملی جہد ءُُ کوشست کنگ بہ بیت۔
مروچی مئے درستانی واستہ یک مزنیں وشی ءِ گپے انت کہ ماہتاک بلوچی زند ءَ وتی بیست سال سرجم کرتگ۔ آئی بیست سال ءِ مراگاہ ءُُ دیوان ءِ تہا بلوچستان ءُُ ملک ءِ دومی شہرآں نامداریں کلمکار کواس بہر زورگا انت۔ اے سوب مندیں کارے حاترا من ماہتاک بلوچی زند ءِ ادارہ ءُُ خاص سر شونکار یار جان بادینی ءَ گوں دل ءِ حب ءُُ واھگ ءَ مبارکباد یاں کہ آئی ءَ بلوچی حوالکاری ءِ پڑ ءَ یک مزنیں کارے کرتگ۔ اے وڑیں کار زبان ءُُ صحافت ءَ زندگ دار انت۔ بلوچ قوم ءِ مستریں سپت ءُُ ثناہ ایش انت کہ اے انٹر نیشنلائزایں مردم انت۔ مروچی ایشی مزنیں مثال ایش انت کہ ماں آھانی نیام ءَ ساڑی آں ءُُ آ مارا گوں دل ءِ واھگ ءَ عزت ءُُ شرف دیگ انت۔
اے منی حاترا مزنیں شرف ءِ گپے انت کہ من میر غوث بخش بزنجو ءِ سرا پی ایچ ڈی کرتگ، یک مزنیں نامے اَت آ پاکستان ءِ سیاست ءُُ جمہوریت ءِ بنیاتی باسکاں چہ یکے اَت آ یک مزنیں فلاسفر ے اَت۔
انچو صمد خان اچکزئی ءَ 1930 ءَ اں انڈیا بلوچ کانفرنس ءِ پاگواجی کرتگ ات۔ ادا درا ھور ھوار نشتگ انت۔ بلے ماں یک دومی ءَ ھما وھد ءَ مناں۔ وھدے ہر کسے ھق آئر ءَ دیگ بہ بیت۔ منی تعلق چہ سیاست ءِ شعبہ انت من سیاست ءِ باروا گپ کنیں آخر ءَ من یا رجان بادینی ءِ شکر ءُُ منت ءَ گریں کہ آئی ءَ مارا لاہور ءَ چہ لوٹاھینت ءُُ شرف بخشات۔
(رجانک ادارہ بلوچی زند)