کاگد

گراں کدریں واجہ شونکار
ماہتاک بلوچی زندءِ مئی ءِ تاک ات منا سر بوت،سر تاکے باز ڈولدار ات۔بلوچی زندءِ مواد ھم شر اتنت۔اے درگتءَ منی یک کسانیں نبشتانکے گوں انت۔اے بلوچستان ءِ تہا کینسر درمان جاہ ءِ باروا انت۔اے وھدی بلوچستان ءِ تہا کینسرے نادرائی سک تالان بوتگ۔پدا کینسرے نادرائی ءِ درمان سک گران انت۔اے گریب ءُُ بزگیں مردمانی حاترا باز گران انت۔چیاکہ کینسرے دارو درمانے واستہ لکھانی کلدار ھرچ بیت۔اے دارو درمان گریب ءِ وسءَ چہ ڈن ءَ انت۔بلوچستان ءِ سرکار مہلوک ءِ حاترا یک کینسر ہسپتالے جوڈ بکنت۔تنکہ مہلوک ءِ زند رکھینگ بہ بیتءُُ مہلوک ءَ مفت دارو درمان کنگ بہ بیت۔اُ میت انت منی اے مضمون ءَ زوت چھاپءُُ شنگ کن ات۔
مہران بلوچ۔پنجگور
……٭……٭……٭……
دوستیں شونکار بلوچی زند
زندءِ اپریلءُُ مئی ءِ تاک دست کپت انت۔زندءِ ادارہ ءَ شاباش انت کہ پہ وھد چھاپ شنگ ءُُ تالان بوھگا انت۔زند وتی بیست سال ءَ سر بوتگ۔باھد انت زند بیست سالانی سرجمی ءَ پد یک مزنیں دیوان ءُُ مجلسے برجم بداریت۔کہ اے بلوچی زبانءِ اولی تاک انت ابید بندشءَ چھاپ ءُُ شنگ بوھگا انت۔ زندءِ بیست سال ءِ درگت ءَ یک کانفرنسءُُ دیوانے نوشکے ءَ برجم دارگ بہ بیت۔تنکہ بلوچی زبانءِ کلمکارءُُ کواس اے باروا مضمونءُُ نبشتانک بوان انت۔امیت انت شما منی اے صلاح ءُُ سوجے ءِ سرا دلگوش دایت۔
سہیل بلوچ۔تربت
……٭……٭……٭……
عزت مندیں واجہ یار جان بادینی
ماہتاک بلوچی زند مارا مدام سنگتانی گورا چہ دست کپیت۔ زند ءِ ادارہ ءُُ کارندہاں شاباش انت کہ آ مزنیں جہدے کنگ ءَ انت بلوچی زبان ءُُ لبزانک ءَ دیمرئی دیگ ءِ کوشست کنگ ءَ انت۔ چیا کہ زبان، ادب، رسم ءُُ دود انچیں چیز انت اگں اے گار ءُُ بیگواہ بوت انت تو قوم ءُُ راج ھم گار ءُُ بیگواہ بنت۔قوم ءُُ راج چہ جنگ ءُُ مرک ءَ ھلاس نہ بنت قوم ءُُ راج ہما وھد ءَ ھلاس بنت ک آھانی زبان گار بہ بیت آھانی دود ءُُ ربیدگ گار بہ بیت۔ آ قوم گاریں قوم گشگ ءَ بیت۔ خدا نہ کنت کہ بلوچی زبان گار ءُُ بیگواہ بہ بیت۔ بلے ترس ہمیش انت کہ بیست ءُُ یکمی کرن ءَ بلوچی زبان ءِ یک ٹی وی چینل ءِ انت انچو بلوچی زبان ءِ یک روتاکے کہ نوائے وطن بلوچی ء ِ نام ءَ زانگ بیت۔ تاک ءُُ ماہتاک نہ بوھگ ءِ برابر انت۔ اے سوب ءَ مارا سک ترس انت کہ خدا مہ کنت کہ مئے شادیں زبان گار ءُُ بیگواہی ءِ آماچ مہ بیت۔
نسیم بلوچ۔ گوادر
……٭……٭……٭……
واجہیں برات یار جان بادینی
دیر انت گوں شما حال ءُُ حوال نہ بوتگ۔ بلے ماہتاک بلوچی زند ءِ زریعہ شمے حال ءُُ حوال مارا مُدام سر بیت۔ زند ءِ ادارہ ءَ شاباش انت کہ ماہتاک بلوچی زند ءَ درکنگا انت من ءَ انوں بلوچی زبان ءِ ھچ تاکے گندگ بوھگا نہ انت ایوکہ ماہتاک بلوچی زند گندگ بوھگا انت۔ شماچہ اے لوٹ انت کہ ماہتاک بلوچی زند ءَ بند بوھگ ءَ میلت تنکہ بلوچی زبان ءُُ لبزانک ءِ کار دیما بروت۔
شعیب بزدار شال
……٭……٭……٭……