بلوچستان ئِ تہا ڈکال ئِ مسئلہ ئُُ جنجال ۔۔۔۔۔یار محمد بادینی

بلوچستان ملک ئِ ھما علاقہ انت کہ اودا ھور ئُُ آبادی باز کم بےت ۔ ھور ئُُ آبادی کم بوھگ ئِ سوب ئَ مدام بلوچستان ئَ ڈکال بےت ۔ ڈکال ئِ سوب ئَ بلوچستان ئِ مہلوک سک آماچ بنت ۔ چےا کہ بلوچستان ئِ مہلوک ئِ روزگارے زرےعہ زمےنداری انت ۔
زمےنداری ہما کہ ھور ئُُ آبادی ئِ بےت ۔ مہلوک چےزے کشےت رندئَ فصل تےار بےت مہلوک وتی گزراں ئَ کنت ۔ بلوچستان ئِ مہلوک ئِ روزگارے دومی مزنےں زرےعہ مالداری انت ۔ بلوچستان ئِ مہلوک ہما کہ ھلک ئُُ مےتگاں نشتگ انت آ لازم پَس ئُُ بُز ، گوک ئُُ اُشتر دارےت ۔ آ نہ اےوکہ اےشانی شےراں بہا کں انت بلکےں گوشتاں ہم بہا کں انت ئُُ وتی زھگانی لاپ دےنت ۔ تنکہ آھانی گزراں بہ بےت ۔ ڈکال ئِ سوب ئَ بلوچستان ئِ مال سادار ئُُ ھلاک ھم سک آماچ بوتگ انت۔

ڈکالئِ آماچےں چاغی ئِ علاقہ ئِ ندارگے

بلوچستان ئِ تہا ڈکالے تارےخ ئِ سرا چمشانک دور دےگ بہ بےت تو زانگ ئَ بےت کہ بلوچستان ئِ تہا ڈکال ےک نوکےں چےزے نہ انت ۔ بلوچستان ئِ تہا مدام ڈکال اتگ ۔ ڈکال ئِ سوب ئَ بلوچ مہلوک وتی ھند ئُُ جاہ ےل داتگ ئُُ دومی ھند ئُُ جاہ ئَ شُتگ آباد بوتگ چےاکہ بلوچ قوم ئُُ راج گےشتر مالدار انت آھانی کار ئُُ روزگار ھم مالداری انت۔
بلوچستان ئِ تہا 1945 ئَ بگرتاں 1955 ئِ ےک مزنےں ڈکالے اتگ ات۔ اے دہ سال ئِ ڈکال ئَ بلوچستان ئَ زند ئِ ہر پڑ ئَ آماچ کرتگ ات۔ اےشی تہا کشت ئُُ کشار ئُُ مالداری ھوار ات ۔ انچو 1997 ئَ بگرتاں 2003 ئَ پدا ےک مزنےں ڈکال ئَ ڈگارے ات کہ اےشی تہا مہلوک ئِ بازےں مال ئُُ سادار مُرت انت۔ مہلوک وتی گس ئُُ جاہ ےل دات ۔ بلوچستان ئَ مدام 39 ماہ ئَ پد سک مزنےں ڈکالے کےت ۔ چرےشی نہ اےوکہ بلوچستان ئِ کشت ئُُ کشار آماچ بےت بلکےں مال ئُُ سادار مر انت انچو ورگ ئِ آپ ھم نہ رسےت ۔ ڈکال ئَ ڈگارے چےرے آپ ھم سک جال روت ۔
ڈپٹی مےٹرولوجسٹ پاکستان وش دےر ئَ بلوچی زند ئَ گوں گپ ئُُ تران کناں ئَ گشت کہ کوئٹہ ئَ ڈکالے سوب ئَ ڈگارے چےرےئِ آپ روچ پہ روچ جال رواں انت۔ مہلوک ھزار فٹ ئَ چہ آپ ئَ در کنگا انت ئُُ وتی زند ئِ گزر ئُُ لوٹ ئَ پورہ کنگا انت۔ اے نگےگےں جاور انچو برجاہ منت انت تو آ روچ دور نہ انت کہ کوئٹہ ئُُ بلوچستان ئِ دومی علاقہ رےگستان جوڑ بنت ۔

ڈکال ئِ سوب ئَ بلوچستان ئِ درچک جر ئُُ بوچ درا ھُشک بوتگ انت

چرےشی ابےد ڈگارے چےرے آپ ئُُ رےک ڈگار ئَ ھوار دارگ ئِ حاترا مزنےں کردے پےش دارگا انت ۔ اگں اللہ مہ کنت کوئٹہ ئِ چپ ئُُ چاگرد ئَ پنچ درجہ ئِ زمےن چھنڈے بےت کوئٹہ ئِ چپئُُ چاگرد درا تباہ بےت ۔ چےاکہ ڈگارے چہرے آپ درا در کنگ بوتگ ڈگار ئِ چےر خالی انت۔ ھور ئُُ آبادی ئِ کمی ئِ سوب ئَ ڈگارے چےرے آپ ودگ ئَ نہ انت ۔ بلے روچ پہ روچ ھلاس بواں انت ۔ اے باروا بلوچستان ئِ حکومت خاصےں گام گےج بزورےت قانود جوڑ بکنت تنکہ ڈگارے چےرے آپ ضائع بوھگا ئَ چہ رکھےنگ بہ بےت انوں کوئٹہ ئَ ھزار فٹ ئَ آپ کشت ئُُ کشارے حاترا کشگ بوھگا انت ۔ اے مزنےں زلم ئُُ نا انصافی ئِ انت مہلوک ئَ آپ ورگ ئَ نہ رسےت بلے مہلوک ہمے آپئِ سرا کشت ئُُ کشار کنگا انت۔
صوبائی ڈےزاسٹر مےنجمنٹ اتھارٹی ( پی ڈی اےم اے) ئَ بلوچستان ئِ 14 ضلعانی تہا ڈکال ئِ سوب ئَ اےمرجنسی ئِ جار جتگ ۔ اے ضلعانی تہا چاغی ، نوشکی ، خاران، واشک ، پنجگور، جھل مگسی ، کچھی ، موسیٰ خےل ، بارکھان، جعفرآباد، قلعہ سےف اللہ ، ہرنائی ، سبی ، ژوب ئُُ دومی ضلع ھوار انت ۔

ڈکال ئَ چہ چاھانی آپ سک جال شُتگ

بلوچستان ئِ بازےں ضلعانی تہا ڈکال ئَ چہ آماچےں مردمانی کچ ئُُ کساس 580869 انت ۔ اے کساس پنجاہ ہزار کہول جوڑ بنت ۔ اے آماچےں مردم 24 تحصےل ئُُ 68 ےونےن کونسل آنی تہا زند گوازےنگ ئَ انت ۔ ےک اندازے ردا 1099 ھلک ئُُ مےتگ چہ ڈکال ئَ آماچ بوتگ انت۔
صوبائی ڈےزاسٹر مےنجمنٹ اتھارٹی ( پی ڈی اےم اے) ئَ آماچےں 82981 مردم کہ آ 21000 کہول جوڑ بنت ۔ اےشانی حاترا راشن ٹےنٹ ئُُ دومی وردن ئُُ وارکے چےز دےم داتگ ۔ بلے اے چےز سک کم انت چےا کہ ڈکال ئِ آماچےں مردم سک باز انت اے ڈکال ئَ چہ بلوچستان ئِ لکھانی مال ئُُ سادار ھم آماچ بوتگ انت ۔

چاغی ئَ غرےب شاہ چاہ ئَ پےش دارگا انت کہ ڈکال ئِ سوب ئَ چہ ھُشک بوتگ

2006 ئِ شماری ئِ ردا چاغی ئِ تہا مال ئُُ سادارانی کچ ئُُ کساس 505088 انت اےشانی تہا 252554 پَس ئُُ بُز انت کہ آ ڈکال ئَ چہ باز آماچ بوتگ انت۔ انچو بلوچستان ئِ دومی ضلعانی تہا 5502319 آماچ بوتگ انت۔

چےف کنزروےٹر فارسٹ تاج محمد درچک ئُُ جنگل آنی جہت ئِ باروا گپ کنگا انت

ڈائرےکٹر جنرل لائےو سٹاک ڈاکٹر غلام حسےن جعفر ئَ بلوچی زند ئَ گشت کہ مال ئُُ سادار بلوچستان ئِ معےشت ئِ خاصےں بہرے انت ۔ بلے بد قسمتی ئَ اے باروا کسے ئَ دلگوشی نہ داتگ ۔ اگں کسے گورا ڈگارے کسانےں چنڈے است تو آ ڈگارے زرےعہ ئَ بےنک ئَ چہ لون زُرت کنت ۔ اگں تئی گورا ےک ھزار پَس ئُُ بُز است انت تو بےنک ئَ چہ ےک کلدارے ھم زرت کرت نہ کنئے ۔
اے باروا باز عملی گام گےجانی گزر انت ۔ تنکہ بلوچستان ئِ مال ئُُ سادار مرگ ئَ چہ رکھےنگ بہ بنت۔
لائےوسٹاک ئِ وڑا مہلوک ئِ روزگار ے مزنےں زرےعہ کشت ئُُ کشار انت ۔ ڈکال ئِ سوب ئَ کشت ئُُ کشار ھم باز آماچ بوتگ۔ ےک اندازے ردا بلوچستان ئِ 54040 اےکڑ کشت ئُُ کشاری زمےن ڈکال ئِ سوب ئَ باز آماچ بوتگ۔
درچک ئُُ جنگل آنی چاگردے سرا ےک مزنےں آسرے بےت۔ ہر چ علاقہ ے ئَ زےات درچک ئُُ جنگل بنت اودا ھور ھم زےات بےت۔ چوشکہ بلوچستان ےک انچےں علاقہے انت کہ اودا درچک ئُُ جنگل سک کم انت۔

چاغی بلانوش ئِ پکےر بادار ڈکال ئِ جنجالانی باروا گپ کنگا انت۔

بلوچی زند ئَ گوں گپ ئُُ تران کناں ئَ چےف کنزروےٹر فارسٹ ئَ گشت کہ بلوچستان مہلوک ئِ مالی جاور سک نزور انت ۔ آ درچک ئُُ جنگل آنی گڈگ ئَ انت وتی حاترا اےندھن ئِ بند ئُُ بست بکں انت ۔ آئی ئَ گشت ملےن ٹرےز پروگرامے ردا بلوچستان ئِ بازےں علاقہانی تہا درچک جنگ بنت ۔ اے درگت ئَ بلوچستان رےگستان ئِ علاقہ چوشکہ واشک ، خاران ، چاغی ئُُ نوشکے ھوار انت ۔ اودا گز ئُُ تاگز جنگ ئَ بےت ۔ چےاکہ گز ئُُ تاگز مال ئُُ سادارانی وردن ئُُ وراکے حاترا ھم کارمرز بےت ۔ اُشتر گز ئُُ تاگز ئَ شرےں وڑے ئَ وارت کنت۔

چاغی ئِ واجہ ئُُ کماش ڈکال ئِ مسئلہ ئُُ جنجالانی باروا گپ گنگا انت۔

چاغی ئِ نامدارےں گہبودی کارندہ عبدالشکور ئَ بلوچی زند ئَ گشت کہ بلوچستان ئِ دومی علاقہانی وڑا چاغی ئِ درا ےونےن کونسل ڈکال ئَ چہ باز آماچ انت ۔ علاقہ ئِ مہلوک ئِ گورا ورگ ئِ حاترا ھچ نےست ۔ مہلوک ئِ روزگار ے زرےعہ مالداری ئُُ زمےنداری انت کہ آ چہ ڈکال ئَ باز متاثر بوتگ اُشکنگ ئَ اتگ کہ پی ڈی اےم اے بلوچستان ئِ ڈکال ئِ آماچےں علاقہانی تہا 60 ملےن کلدارے سامان بہر ئُُ بانگ کرتگ ۔ انوں دگہ دو ارب کلدارے ئِ سمری پی ڈی اےم اے ڈےمانڈ کرتگ اگں اے 60 کروڑ کلدار ڈکال ئِ آماچےں مردمانی نےام ئَ بہر ئُُ بانگ کنگ بوتےں انت چےا کہ بلوچستان ئِ آبادی کساس ےک کروڑ ئُُ بےست ئُُ پنچ لکھ انت ۔ اے زر اے مردمانی سرا بہر ئُُ بانگ کنگ بوتےں انت تو بلوچستان ئِ ڈکال ئِ آماچےں مردمانی شرےں وڑے ئَ مالی مدت ئُُ کمک بوت کرت ۔

چاغی ئِ نامدارےں گہبودی کارندہ عبدالشکورڈوکال ئِ باروا مسئلہ ئُُ جنجال آں گشگا انت

بلے افسوز ئَ گشگ کپےت کہ آماچےں مردمانی چم ودار ئَ چہ اُشک بوتگ انت اے مدت ئُُ کمک اےوکہ وزےر ئُُ گزےرانی مردمانی رسگ ئَ انت۔ آئی ئَ گشت کہ چاغی ئِ ضلع ئَ اوگاں پناہ گےرانی ےک مزنےں تعدادے آباد انت ۔ اےشی سوب ئَ علاقہ ئِ مردم باز آماچ بوھگا انت ۔ چےاکہ آبادی گےش ئُُ دروسےلہ سک کم انت۔ علاقہ ئِ مردم بازےں مسئلہ ئُُ جنجالے آماچ انت۔
بلانوش ےونےن کونسل ئِ غرےب شاہ ئَ بلوچی زند ئَ گوں گپ ئُُ تران کناں ئَ گشت کہ مزنےں مدتے ئَ چہ ھور ئُُ آبادی نہ بوھگ ئِ سوب ئَ چہ مہلوک علاقہ ئِ درکنگ ئَ لاچار انت ۔ چےاکہ ڈگارے چےرے آپ باز جال ُشتگ ورگ ئِ حاترا آپ نےست۔
ضلعی ئُُ صوبائی حکومت ئِ نےمگا مئے ہچ وڑےں مالی مدت ئُُ کمک کنگ نہ بوتگ ۔ سرکار ئِ مدت ئُُ کمکی ٹےم تنے وھدی مئے گورا سر نہ بوتگ۔
چاغی بلوچستان ئُُ ملک ئِ چہ مُچاں مزنےں ضلع انت کہ آئی ڈگارے دراجی 44797 سکوائر کلو مےٹر ے سرا ھوار انت ۔ چاغی ئِ آبادی 26008 مردمانی سرا ھوار انت کہ آ ھستےں ڈکال ئَ چہ باز آماچ بوتگ۔ پی ڈی اےم اے ئِ نےمگا ڈکال ئِ آماچےں مردماں بازےں چےز دےگ بوتگ انت کہ آ اے چےز چاغی ئِ بازےں ےونےن کونسل امری، برابچاہ ، زےارت، بلانوش، چاغی، پدگ ئُُ دومی علاقہ ھوار انت ۔ اے مہلوک ئَ بورہ ، شکر ، دال ، آرت، ٹےنٹ ئُُ دومی چےز ھوار انت ۔مہلوکے ئِ نےام ئَ بہر ئُُ بانگ کنگ بوتگ انت۔

اسسٹنٹ کمشنر چاغی حبےب ناصر ئَ بلوچی زند ئَ گشت کہ چاغی ئِ ےونےن کونسل آنی تہا بازےں راشن بہر ئُُ بانگ کرتگ ۔ اے درگت ئَ دگہ راشن بہر ئُُ بانگ کنگ بنت ۔ آئی ئَ گشت دگہ راشن ئِ حاترا پی ڈی اےم اے ئَ نبشتہ کنگ بوتگ کہ چاغی ملک ئِ چہ مُچاں مزنےں ضلع انت چاغی ئِ تہا مال ئُُ سادارانی ےک مزنےں تعدادے آباد انت ۔

اسسٹنٹ کمشنر حبےب ناصر چاغی ئِ تہا ڈکال ئِ آماچےں مردمانی مدت ئُُ کمک ئِ باروا معلومداری دےگا انت

اےشی تہا پَس 83547 بُز103435 کےٹل 2008 ئُُ اُشتر ئُُ دومی جانور 219305 ھور انت ۔

پی ڈی اےم اے ئِ نےمگا ڈکالے آماچ بوتگےں مردمانی حاترا وردن ئُُ وراک دےم دےگ بوھگا انت۔

اے درگت ئَ ماں صوبائی ڈےزاسٹر مےنجمنٹ اتھارٹی ( پی ڈی اےم اے ) ئَ چہ لوٹ کرتگ کہ اےشانی حاترا وردن ئُُ وراک ئِ بند ئُُ بست کنگ بہ بےت چےاکہ علاقہ ئِ مہلوک ئِ روزگارے زرےعہ مال ئُُ سادارانی سرا انت ۔ بلے ڈکال ئِ سوب ئَ مال ئُُ سادار باز آماچ بوتگ انت۔ علاقہ ئِ تہا مزنےں مدتے ئَ ھور ئُُ آبادی نہ بوھگ ئِ سوب ئَ کشت ئُُ کشار باز متاثر بوتگ ۔ ڈگارے چےرے آپ ھم باز جال شُتگ ۔ ڈگارے ئِ چےر ے آپ ہر سال 25 در صد بگر 30 در صد جال کپاں انت۔ اسسٹنٹ کمشنر دالبندےن ئَ گُشت کہ ضلعی حکومت صوبائی حکومت ئِ ھوری ئَ ڈکال ئِ آماچےں علاقہانی مردمانی بحالی ئِ حاترا گام گےج کنگ ئَ انت تنکہ آماچےں مہلوک ئِ زند بحال بہ بےت۔