شاعری

حفیظ سنجرؔ
چُشیں گپّے نہ بوتگ تو دل ءَ کن ئے
رَوئے درآمداں منی گَل ءَ کن ئے
ہُدوکیاں منی اَدنائیں واہگ گُش ئے
اِے وڑ کن ئے تو دژمناں گَل ءَ کن ئے
گُشتوں تو پمن ساہگے بئے دل آرامیں
نہ زانتوں بدتر ماں گرم ءُُ جل ءَ کن ئے
گوں تالہہ ءَ منی ءَ تئی بے تواری اِنت
گوں دومیاں تو وشّیں مہپل ءَ کن ئے
دل نہ منّوکیں اَزل ترا اِے عقل
باوست گوں چونیں جاہلءَ کن ئے
آبے وفا سوگندی اِنت تئی وانگ ءَ
شعراں ستر سنجرؔ گوں زیمل ءَ کن ئے
٭٭٭٭٭٭٭٭٭٭٭٭٭
عبدالاحد سردارؔ
مئے دیدگانی واب پُرشیت دل تباہی کنت
موسم ءَ نہ چاریت ءُُ گشیت دل تباہی کنت
تاہیر نہ رست مئے زرد ءَ تا عمر ءِ آسر
گل کہ گمانی آس ءَ سُچیت دل تباہی کنت
ہر روچ عادت کُتہ من چارگ تئی دیدگانی
چو نود ءَ دیدگاں اَرس شلیت دل تباہی کنت
گوں وہد ءَ سفر من کرتگ گوں ساپیں نیّت ءَ
جلواہ تئی چو چراگ ءَ بلیت دل تباہی کنت
سردارؔ گوں زِرد ءِ خواہشاں چَک ءُُ پَد نہ بیت
گل چو چاردہی ماہ ءَ ترپیت دل تباہی کنت
٭٭٭٭٭٭٭٭٭٭٭٭
ولی عابدؔ
زِند پُلّانی کَش ءَ گوست بَلے
اِنچُکیں بُویے ہم نہ رَست بَلے
من ءَ آجو گُش ایت جہان بلکن
دِلوں توک ءَ غمانی گرست بَلے
زانَگ ءَ زانت کہ منزلے دُوریں
پَلّو ءَ ہِچ وتی نہ بَست بَلے
ہرچی زنگاں دِل ئیگاں شوداں من
انگہ یک زَنگے گُش ئے ہَست بَلے
پَہ من کَس بَد نہ اِنت ولی عابدؔ!
جِند ءِ ہمراہ اِنت وتی دَست بَلے
٭٭٭٭٭٭٭٭٭٭٭٭٭٭
لالا عمیر سراوانی
منی میّت تئی راہ ءِ سر ءَ اِیر مہ بیتیں
من ءَ زُوت بِہ بَر بلکن ترا دِیر مہ بیتیں
بُن مال ءِے منی بُرت اَنت من دَست سر ءَ اَنت
اللہ اِنت منی زِند ءَ کَدی سیر مہ بیتیں
یک ماہے من ءَ زَرّاں نہ دَنت، حیراِے گپ ءِ
اَنچو کہ من ءَ گندیت بَلے چیر مہ بیتیں
ہر روچ ہمے یکّیں حبر گران دِل ءَ کَیت
رُوباہے مَہ ئیت میتگ ءَ مئے شیر مہ بیتیں
سمبال بکن لالا عمیر شعر بِہ بند کہ
تئی شعر ءِ ہمک بند سَر ءُُ چیر مہ بیتیں
٭٭٭٭٭٭٭٭٭٭٭٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*