جنگ کئے لوٹیت(جنرل قاسم سلیمان مھندس ءِ کوشءَ پد)…..سینیٹر محمد اکرم دشتی

اے گپ گیشتگ کہ ایران گوں امریکہ ءَ جنگ کُت نہ کنت بلے ایران ءِ جنرل سلیمانی ءِ کُشگ ءَ چہ دلاں بے حال کُت نہ کنت۔ آ جنرل سلیمانی ءِ بدل ءَ چہ امریکہ ءَ چوں کدی ءُُ کجا گپت کنت۔ مردم ساری ءَ ہچ گُشت نہ کنت۔
3 جنوری 2020 جمعہ ءِ صہب ءَ ایران القدس گارڈ ے کمانڈر میجر جنرل قاسم سلیمانی ءُُ آئی ہمراہ عراق ءِ سینئر کمانڈر مھدی ال مھندس ءُُ دگہ بازیں عراق ءِ سرکار ے مردمے امریکہ ءِ ڈرون اُرش ءَ کُشگ بیت انت۔ آئی مرگ ءِ حال وھدے ٹرمپ ءَ سر بیت آ درائینت کہ مارا دیر انت جنرل سلیمانی ءِ کُشگ ءِ پشت ءَ بوتگ۔ اے درگت ءَ امریکہ ءِ سیکرٹری آف اسٹیٹ مائک پمپیو گشگ ات کہ قاسم سلیمانی ءِ دست ءَ بازیں امریکہ ءِ شہری آنی زند رسک ءِ تہا بوتگ۔
جنرل سلیمانی ءِ مرگ ءِ ناوشیں حبر ءِ حال ایران ءِ سپریم لیڈر آیت اللہ حمنائی ءَ سر بیت آ سک بژنیگ بیت۔ امریکہ ءَ چہ بیر ءِ گرگ ءِ گپ ءَ کنت۔ جنرل سلیمانی ءُُ مھدی ال مھندس امریکہ ڈرون اُرش ءَ پیسر عراق ءِ پارلیمنٹ ءَ اکثریت ءَ اے گپ ءِ حق ءَ ووٹ داتگ ات کہ امریکہ وتی پنچ ہزار پوجیاں گوں چہ عراق ءَ دربیت اے گپ ءَ چہ زانگ بیت کہ عراق ءِ مہلوک امریکہ ءِ پوجیانی بوھگا چہ وش نہ انت۔ سلیمانی ءُُ مھندس ءِ نماز جنازہ ءَ لکھانی مردماں بہر زرتگ ات۔ امریکہ ءِ ھلاپ ءَ نہ ایوکہ ایران بلکں عراق ءِ مہلوک ھم نا وش انت۔
اے حبر بوھگا انت اگں جاورہمے پیما دیما بروانت مڈل ایسٹ ءِ بازیں ملکاں چھاپہ مار جنگ بزاں پر اکسی وارے گماں باز انت۔ اے علاقہاں مال تنگ دستی، سیاسی گر ءُُ چیل گیش بیت ءُُ امن ءُُ ایمنی ھلاس بیت۔ لبنان ءَ ایران ءِ بالا بندی کنوکیں ملیشیا حزب اللہ امریکہ ملٹری بیس ءُُ پوجیانی سرا اُرش کنگ ءِ سرا امریکہ ءَ بیم ءُُ پاترپ داتگ۔ اے جنگ ءُُ مڑائی اگں دیما شُت درستاں گیش سعودی عرب متاثر بیت۔ مڈل ایسٹ ءِ بازیں ملکاں امریکہ ءِ اڈہ آسانی ءَ نشانگ بوت کن انت۔ اے ویل ءُُ واقعیاتاں پد امریکہ چہ عراق ءَ پوجیاں در کنگ لوٹیت،کویت ءُُ دومی خلیجی ملکاں وتی پوجی راہ دیگ ءِ باروا پکر کنگا انت۔
اے تبصرہ ءُُ حبر بوھگا انت کہ امریکہ ءُُ ایران ءِ مسئلہ گپ ءُُ تران نہ بوت گڈا امریکہ، ایران ءِ سرا دگہ مزنیں اُرش ءُُ حملہ ءِ کنگ ءِ ارادہ داریت۔ امریکہ ایران ءِ پوجی کنٹو نمنٹ، مذہبی ءُُ تاریخی بازیں نامداریں ھند ءُُ جاگہ جنت۔ پنجاہ ءُُ دو ھند ءُُ جاگہاں نشان دیگ بوت۔
اے پنجاہ ءُُ دو ہندسہ ہمے واستہ زورگ بوتگ کہ 1979 ءَ شاہ ایران چہ ایران ءَ تچگ آیت اللہ امام خمینی انقلاب ءُُ آشوب ءَ پد امریکہ ءِ پنجاہ ءُُ دو سفارت کار گرگ ءُُ بند کنگ بیت۔ اگں ٹرمپ ءَ ہمے گنوکی ءَ کنت دگہ جنگ ءُُ فسادے اے علاقہاں پیداک کنت اے جنگ ءُُ جیڑہ کسے داشت نہ کنت۔
میاں اُستمانی قانود ءِ تہا اے وار کرائمءِ تہا کیت کہ امریکہ وت اے قانود ءِ دستخطی انت کہ ہچ ملک ءِ تاریخی، مذہبی جاگہ جنگی نہ انت۔
ہمے کار اوگانستان ءَ طالبان کت بانمیاں ءَ بودھا مجسمہ کہ 6 سنچری ءَ جوڑ کنگ بوتگ ات آھاں ءَ پروشت ءُُ بورینت۔ دنیا ءِ بازیں ملکاں اے کار ءِ کنگ ءِ باروا منہ کنگ ءِ لوٹ کرت۔ آھانی تہا امریکہ ھم گوں ات کہ اے تاریخی، بُت ءُُ مجسمہ پروشگ مہ بنت۔
ہچ ساریں حاکم ءُُ حکومت ایشی ءَ نہ کنت۔ بلے طالبان کسّے گپ ءَ گوش نہ داشت۔
جاپان ءَ اے پیش کش کرت کہ بودھا ءِ اے تاریخی بُت ءُُ مجسمہ ءَ ماں چست کنیں ءُُ بالی گراب ءِ زریعہ ءَ جاپان بریں سک کنیں۔ اے اپیل ءُ لوٹ ھم گوشدارگ بوت انت بلے ایشی ابید طالبان بودھا ءِ مزنیں بُت ءُُ مجسمہ پُروشت۔
مروچی بچار امریکہ وت چے کنگا انت اے گپ ءَ کس آئی ءَ نہ گشیت کہ تہ عراق ءِ بازیں تاریخی، ثقافتی، مذہبی ءُُ آرکیالوجیکل سائیٹ پروشت انت۔ انوں تہ ایران ءِ باریخی، مذہبی ءُُ ثقافتی ھند ءُُ جاگہ کہ ھزار سالاں چہ کہن ءُُ کدیم انت آھانی سرا اُرش کنگ ءُُ پروشگ ءِ پاترپ دیگ انت۔
امریکہ ءِ فارن پالیسی ءَ کسّے سرپد نہ بیت کہ یک وھدے صدام حسین ءِ ھلاپ ءَ ایران ءِ طرفدار ءُُ بالا بندی ءَ کرت، اوگانستان ءِ ملا ءُُ طالبانی جنگ ءَ ایران ءُُ امریکہ نزدیک اتنت۔ عراق، داعش ءُُ آئی ایس ءِ جنگ ءُُ گار ءُُ گم کنگ ءَ جنرل سلیمان ءِ حاصیں کرد ءُُ رولے بوتگ۔ قاسم سلیمانی ءِ کُشگ ءَ پد چو مہ بیت داعش ءِ وڑیں دگہ فورسے پدا سرچست مہ کنت۔
جنرل سلیمانی کُشگ ءَ اوگانستان ءِ حکومت وتی ناوشی ءُُ دلپدردی ءِ کلہو داتگ۔ اے نا وشی ءَ چہ پدر بیت کہ اوگانستان، ایران ءِ دوستی ءُُ تعلقداری رسیت۔ امریکہ پاکستان گیشتر طالبانی گپ ءُُ تران ءَ متاثربنت۔ امریکہ چہ اوگانستان ءَ در کپگ لوٹیت۔ اے ویل ءُُ واقعیاتانی پد آھانی گپ ءُُ تران آماچ بوت کن انت۔
امریکہ ایران ءَ گیشتر تنگ ءُُ تاباں بکنت آئی سرا دگہ بند ش بجنت گڈا معاملہ ٹہگ ءِ نیمگا نہ روانت۔ ایران، اوگانستان ءِ ہمسائگیں ملک انت۔ روسی پوجیاں اوگانستان ءَ در کنگ ثور انقلاب ءَ بے سوب جوڑ کنگ ءِ تہا امریکہ،سعودی عرب، پاکستان ءُُ ایران دراں یک دل ءَ حیال بوتگ انت۔
ایران ءِ وتی کردے بوتگ۔ تنے وھدی آئی تعلقداری گوں شمالی اتحاد ءُُ طالبان گوں وڑ نہ وڑھے ءَ است انت۔ دومی جنگ جہانی بزاں میاں استمانی جنگ ءَ پد برطانیہ سوویت یونین ءُُ ایران دوست ءُُ نزدیک بوتگ انت۔
امریکہ ءُُ برطانیہ ءَ ایران ءِ شاہ ءِ وڑیں مدت ءُُ کمک کرتگ وھدے کہ سال 1953 ءَ شاہ ایران چہ وتی ملک ءَ نشتگ۔ ایران ءِ قوم پرست وزیراعظم محمد مصدق ءَ ایران ءِ اینگوایرانین آئل ءُُ تیل قومی ملکیت ءَ زُرت انت گڈا برطانیہ، امریکہ ءُُ سی آئی اے کمک زرت ایران ءِ تہا پوجی کووتاں اورت۔ اے شاہ ایران رضا شاہ ءِ دور ءَ چہ ایران ءَ کار ءَ انت۔ تنکہ ایران ءَ علاقہ ءِ چوکیداری دیگ بہ بیت۔
مسکتءَ ظفار موومنٹ بہ بیت بلوچستان ءَ 1973 ءِ سلاح بندیں مزاحمت اے ھر دو موومنٹانی ھلاپ ءَ ایران ءَ پاکستانءُُ عمان ءِ پوجی ءُُ مالی کمک کرتگ۔
مڈل ایسٹ ءِ تہا روبرکتی ملکانی سء پلر بنت۔ یکے سعودی عرب، ایران ءُُ اسرائیل، اے ملکانی در وسیلہ آنی لُٹ ءُُ پُل سلاح ءُُ ازباب دیگ کہ آ ملکانی چوکیدار ءَ پاسبان انت۔ ایران ءِ انقلاب اے ملک ءِ واستہ مزنیں چیلنج انت اے ریجن ءِ مستریں تُرس سعودی عرب ءُُ اسرائیل ءَ چہ ءَ انت کہ آیشانی استماری ءُُ غلام دژمن پالیسیاں گوں تپاک نہ کنت۔
ایران ءِ گوں حزب اللہ ءَ ہمکاری عراق، شام، یمن ءِ شیعہ ملیشیاء گوں نزدیکی ایران اے علاقہ ءِ تہا طاقتور بوھگا انت۔
گوستگیں سال ستمبر ءِ ماہ ءَ سعودی آئیل ریفانری ڈرون حملہ ھرمز ءِ تہا تیل ٹینکرانی سرا میزائل جنگ ہمے کلہو ءُُ پیغام سعودی عرب ءُُ آئی دوستاں دیگ ءَ ات اگں منی سرا حملہ کنگ بوت من اے علاقہاں آس ماں دیاں ءُُ کسّے گوں آرام ءُُ ایمنی ءَ حاکمی کرت نہ کنت۔
مصر، عراق، شام، لیبیا وت مہ وت جنگ ءُُ چوپ ءِ سوب ءَ نزور بوتگ انت۔ اے علاقہ ءِ تہا یکیں ملک ایران انت کہ آ اسرائیل ءِ ھلاپ ءَ اوشتگ۔ سعودی عرب، بحرین، امارات درا گوں امریکہ ءَ یک انت۔ سعودی عرب ھم لوٹیت کہ ایران نزور کنگ بہ بیت۔
امریکہ ءُُ اسرائیل ھم ھر دو ہمے گپ ءِ لوٹوک انت، امریکہ ءِ مزنیں جہد ءُُ کوشست انت کہ ایران ءِ سرکار بدل کنگ بہ بیت۔ اگں گپ ایش انت یک ملکے تہا موضعی ءُُ معروضی حالت گیگ مہ بنت پہ زور سرکار بدل کنگ گراں انت۔
ہما قوم ءُُ راج ءِ تہا ری ایکشن آیگ المی انت ادءَ مردم اوگانستاں ءِ مثال دات کنت کہ اودے جاور بخشگ ءُ تیار نہ اتنت۔ ہمے حاترا اوگانستان ءَ روس ءِ وڑا انقلاب سوب مند نہ بوت۔
ایران اے گپ ءَ شری ءَ زانت کہ نارتھ کوریا، انڈیا، پاکستان، اسرائیل ءِ سلامتی نیوکلیئر پروگرام ءُُ ایٹم بمب ءِ ھستی ءِ پشت ءَ پشت کنگ انت گڈا منی گورا اے پرچہ مہ بنت وھدے پاکستان، انڈیا، نارتھ کوریا، اسرائیل جرنل آنی سرا ڈرون جنگ نہ بیت منی گناہ ءُُ میار چہ انت۔