کاگد

دردانگیں شونکار
ماہتاک بلوچی زند اے وھدی بلوچی زبان ءِ یکیں تاک انت کہ چھاپ ءُُ شنگ بوھگا انت۔ چریشی ابید ماہتاک بلوچی زند آن لائن ھم است اے بلوچی زبان ءِ یکیں ماہتاک انت کہ آن لائن وانگ بوت کنت۔ چریشی ابید ماہتاک بلوچی زند ءِ فیس بُک پیج ھم است۔ آئی زریعہ ءَ ھم مردم زند ءَ ونت کنت۔ بلے افسوزے ءِ مزنیں گپ ایش انت کہ بلوچی زبان ءِ تاک ءُُ ماہتاک دومی زبانانی حساب ءَ سک کم انت۔ اے باروا باھد انت بلوچی زبان ءِ تاک، ماہتاک ءُُ روتاک بلوچستان ءِ ہر شہر ءُُ بازار ءَ چھاپ بہ بنت۔ تنکہ بلوچی زبان ءِ وانوکانی ھواری ءَ نبشتہ کار ھم گیش بہ بنت۔
ولی داد بلوچ۔شال
……٭……٭……٭……
شونکار ماہتاک بلوچی زند
دروت ءُُ درا بات ایت۔ ماہتاک بلوچی زند ءِ جنوری 2020 ءِ تاک اَت منا رست تاک وتی مٹ وت اَت۔ استاد امام بخش مستانہ ءِ باروا واجہ اسحاق خاموش ءُُ واجہ گلزار گچکی ءِ نبشتانک وتی مٹ وت انت۔ انچو شمے شونگال باز شر ات۔ استاد امام بخش مستانہ ءُُ الہیٰ بخش مرید ءِ باروا اَت۔ چریشی ابید زند ءِ ادارہ ءَ بازیں نبشتانک رجانک کرتگ اَت آ ھم بے مٹ ءُُ بے درور انت۔ زند ءِ جہد بلوچی لبزانک ءِ واستہ لکھ ستائے لائق انت اُمیت انت زند بلوچی زبان ءُُ لبزانک ءِ دیمرئی ءِ حاترا وتی گام گیجاں ترند کنت۔ اے گاکدے ھوری ءَ منی نبشتانکے گوں انت زند کنڈھے جاہے بدے ایت۔
سلام منیر۔تربت
……٭……٭……٭……
گراں کدریں شونکار
شمے سر ءِ سلامتی ماہتاک بلوچی زند مدام من ڈس ءُُ نشانے ءِ سرا کیت۔ اے باروا شمے ہر چنکس منت ءَ بگراں کم انت۔ ماہتاک بلوچی زند ءَ بیست سال ءَ زندگ دارگ یک تاریخی کارے انت۔ چیاکہ گوستگیں بیست سال ءِ تہا بازیں تاک چھاپ بوت انت انوں گار ءُُ بیگواہ انت۔ زند یکیں تاک انت کہ چھاپ ءُُ شنگ بوھگا انت۔ اُمیت انت بلوچی زند ءَ انچو زندگ داریت تنکہ بلوچی زبان یک آپسرے ءَ سر بہ بیت۔
ماہتاک بلوچی زند ءِ نثر ءِ بہر باز شر انت بلے شاعری ءِ بہر کمو نزور گندگ بوھگا انت۔ اے باروا زند ادارہ ءَ لوٹ انت کہ شاعری ءِ بہر ءَ ھم شر بکں ایت۔ تنکہ ماہتاک بلوچی زند ءِ وانوکاں شریں گال ءُُ گفتار وانگ ءَ برسیت اے نمدی ءِ پجی ءَ منی یک غزلے ھمگرنچ انت۔
اشرف بلوچ۔کراچی
……٭……٭……٭……
شرف مندیں واجہ یار جان بادینی
ماہتاک بلوچی زندءِ جنوری ءِ تاک آت منا رست، ٹائیٹل ءِ گندگا دل سک وش بوت کہ ماہتاک بلوچی زند یک انسٹیٹیوٹ ءِ جہت ءَ کار کنگا اِنت۔ماہتاک بلوچی زند کاراں چہ بلوچ قوم ءُُ راجے آوکیں باندات نپءُُ پائدگ زُوراَنت۔چیاکہ ماہتاک بلوچی زند گوستگیں بیست سالانی تہا پنجاہ ءَ زیات خاصیں تاک در کرتگ۔اے پنجاہ تاکانی تہا بلوچی زبانءِ ہما قلمکار، حوالکار ءُُ کواس ھور انت کہ آھانی باروا مئے نوکیں ورنا معلومدار نہ انت۔ماہتاک بلوچی زندءِ تاکءُُ کتابانی وانگ ءَ آھاں ءَ بازیں معلومداری رست کنت۔
نسیم بلوچ۔ پنجگور
……٭……٭……٭……

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*