کاگد

شونکار ماہتاک بلوچی زند
ماہتاک بلوچی زند ءِ د سمبر 2019 ءِ تاک اَت منا رست ٹائٹل ءِ باز زیبا جلواناک ات، ٹائٹل ءِ سرا ماہتاک بلوچی زند ءِ بیست سال ءِ مراگاہ ءِ عکس ءُُ پوٹو چھاپ ءُُ شنگ بوتگ انت کہ ماہتاک بلوچی زند ءِ بیست سال ءِ مراگاہ ءِ کیک کاٹ بوھگا انت دومی نیمگا کلمکار ءُُ کواس گشتانک دیگ ءَ انت۔
اے مزنیں مراگاہے بوتگ،ہر چاریں صوبہاں چہ ایشی تہا کلمکار ءُُ کواس بہر زرتگ انت۔ اے بلوچی زبان ءِ حاترا مزنیں وشی ءِ گپے انت۔ اُمیت انت کہ ماہتاک بلوچی زند وتی قومی ءُُ راجی کار ءَ انچو برجاہ داریت تنکہ بلوچی زبان ءُُ لبزانک دیمرئی بکنت۔ اے کاگدے ھوری ءَ منی دستونک ءِ گوں انت اُمیت انت چھاپ ءُُ شنگ بیت۔
شعیب بلوچ۔شال
……٭……٭……٭……
گراں کدریں شونکار ماہتاک بلوچی زند
ماہتاک بلوچی زند ءِ دسمبر 2019 ءِ تاک ات مارا سر بوت زندءِ تہا واجہ غلام فاروق بلوچ ءِ نبشتانک یار جان بادینی دم برگ نہ زانت، ڈاکٹر عبدالمالک بلوچ ءِ مضمون ماہتاک بلوچی زند واجہ پروفیسر رحیم مہرءُُ نبشتانک بلوچی ءَ لبزانکی تاکاری ءِ ربیت ءُُ بلوچی زند ءُُ ورناایں کلمکار حبیب الرحمن ءِ نبشتانک تاکبندانی پژدر ءُُ بلوچی زند منا سک دوست بوت انت گوستگیں ستمبر ءِ تاک ءَ بگرتاں انوں ماہتاک بلوچی زند ءِ واستہ باز نبشتہ کنگ بوت۔ اے درا کریڈٹ ماہتاک بلوچی زند ءِ ادارہ ءَ روت کہ آ شپ ءُُ روچ بلوچی زبان ءِ دیمرئی ءِ باروا کار کنگاانت۔ اے نمدی ءِ پجی ءَ منی یک غزلے گوں انت اُمیت انت ایشرا زند ے تہا چھاپ ءُُ شنگ کن انت۔
مسعود بلوچ۔کراچی
……٭……٭……٭……
دردانگیں شونکار ماہتاک بلوچی زند
ماہتاک بلوچی زند ءِ دسمبر 2019 ءِ تاک ات منا رست زند وتی مٹ وت انت ماہتاک بلوچی زند ءِ ہرچنکس سپت ءُُ ثناء کنگ بہ بیت کم انت زند ءِ شونگال باز شر نبشتہ ات۔ زند ءِ شونگال مردمے دل ءِ تہا پتریت مردم ءِ دل ءَ پچ کنت۔ زند ءِ ٹائٹل شر ات۔ بلے تہ ءِ عکس اگں کلر ءُُ رنگیں دروشم ءَ چھاپ بوتیں انت باز شر ات۔ پدا عکسانی ھوری ءَ کیپشن ءَ نام نبشتہ کنگ بوتیں باز ڈولدار بوت۔ اُمیت انت زندے رنگ ءِ دروشم انچو برجاہ داریت۔
تنکہ بلوچی زبان ءُُ لبزانک دیمرئی بکنت زند ءِ مستریں شری ایش انت، انوں ان لائن انت زند ءَ دنیا ءِ ہر کنڈ ءَ مردم ونت کنت۔
شاہ میر بلوچ۔ تربت
……٭……٭……٭……
شونکار ماہتاک بلوی زند
دسمبر 2019 ءِ تاک ات منا رست باز جلوانک ات زند ءِ کراچی ءِ نمائندہ اصغر لعل ءِ جہد ءُُ کوشست لکھ ستائے لائق انت کہ آ ماہتاک بلوچی زند ءِ واستہ باز کار کنگا انت۔ آئی گند ءُُ نند وتی مٹ وت انت۔ آئی گلگداراں چہ مارا باز معلومداری رسیت اُمیت انت اصغر لعل وتی اے جہد ءَ انچو برجا داریت تنکہ زند ءِ وانوکاں شریں معلومداری رسیت۔
زبریں بلوچ کوئٹہ
……٭……٭……٭……