ماہتاک بلوچی زند ءِ بیست سال ءِ کار ءُُ کرد…..عامر رانا 

درستاں چہ پیش من یار جان بادینی ءَ باز مبارکبات پیش کناں کہ آئی ءَ بیست سال ءَ چہ یک قومی زبان ءِ تاکے ءَ چھاپ ءُُ شنگ کنگاانت۔ پاکستان ءِ تہا پنجاب، کے پی کے، سندھ، کشمیر اودا زبان ءُُ ادب ءِ سرا کار کنوکیں مردم انت ھر کارے بندات کنگ ءَ بیت آئی ءَ را سنجیدگی ءَ زورگ نہ بیت۔ من ءَ یات انت عطر جاوید ءَ یک مجلہ ءِ تحقیق ءِ نام ءَ چہ در کرت۔ آئی تعلقداری چہ میڈیا اَت بندات ءَ آئی گس ءِ مردماں آئر ءَ باز پو ءُُ سرپد کنگ ءِ کوشست کرت کہ اے کار ءَ نپ ءُُ کٹ نیست کہ تہ وتی درا وھد ءُُ پاس ھرچ کرتگ اولی سال ھلاس بوت پدا دومی سال شروع بوت تہ مردماں گشت کہ اے مردم باز زدی انت اے کسے گپ ءَ گوش نہ داریت۔ سیمی سال ءَ آئی ءَ را ڈیت ءِ لقب دیگ بوت۔
وھدے آ ششمی سال ءَ سر بوت، مردما ں گشت کہ اے صوفی ءِ انت ایشی سرا ھچ گپ ءِ اثر نہ بیت۔ وھدے آئی تخلیق ءِ دہ سال پورہ بوت انت مہلوک ءَ گشت کہ اے درویش ءِ انت۔ وھدے آئی تاک پانزدہ سال ءَ سر بوت آئر ءَ گشگ بوت کہ آانوں ولایت ءِ درجہ ءَ سر بوتگ۔
ماہتاک بلوچی زند گوستگیں بیست سال ءَ چہ چھاپ بوھگا انت اے درا یار جان بادینی ءِ جہد ءُُ کوشستانی برکت انت کہ آئی ءَ اینکس مزنیں ذمہ داری ءِ وتی کوپگاں زرتگ۔ تہ آئر ءَ بلوچی زبان و ادب ءِ ابدال ءِ نام ءَ یات کنگ بہ بیت۔
منا معلوم نہ انت گوستگیں بیست سالانی تہا، ماہتاک بلوچی زند ءَ بلوچی زبان ءُُ ادب ءِ حاترا ہما کار کرتگ۔ ھر مردم وتی نبشتانک ءِ تہا ماہتاک بلوچی زند ءِ کار ءُُ کرد ءِ باروا گپ جنگ ءَ انت۔ یارجان بادینی ءِ لبزانکی ھذمتانی باروا گپ بوھگا انت۔ من نہ زانیں کہ زند ءِ ادارہ ءُُ یار جان بادینی ءِ سرکاری وڑا آئی ھذمتانی چیزے کنگ بوتگ یا نہ۔ انوں ماں درا ھور ءُُ یکجا اے دیوان ءَ نشتگ اے درگت ءَ یک سیاھگ ءُُ قرار دادے رضا بدیاں کہ آئی بلوچی زبان ءِ ھذمتانی درگت ءَ آئر ءَ تمغہ حسن کارکردگی دیگ بہ بیت چیاکہ آ یک انچیں کارے کنگا انت کہ چریشی بلوچی زبان ءُُ ادب ءَ باز پائدگ رسیت۔
اے وھدی دنیا ءِ تہا 7000 ہزار زبان انت، دونیم ہزار زبان انچیں انت کہ آھانءَ باز انچیں جنجال ءُُ مسئلہ دیما انت۔ ایشانی تہا 750 کے نزدیک ءَ انچیں زبان است انت کہ آگار ءُُ بیگواہ بوھگا انت۔ میوزیم ءِ زبان جوڑ بوھگا انت۔ ایشی بازیں بنیاتی سوب ءُُ ھلت است انت کسانیں زبان آں مزنیں زبان ورانت یک زبان ءِ وتی سیاست انت آئیءَ وتی زور ءُُ طاقت انت ہر زبان ءِ گشوکاں گوں زور ءُُ طاقت بیت ایشی حاترا مردمانی تہا زیات زور ءُُ طاقت بیت آ وتی زبان ءَ دیما برانت۔
پاکستان ءِ تہا اے وھدی 35 زبان انچیں انت کہ ترس انت کہ آؤکیں پنچ سالانی تہا آ گار ءُُ بیگواہ بنت۔ ایشانی تہا سئے زبان انچیں انت کہ آھانی تعلقداری چہ سندھ انت۔ سندھ ہما یکیں صوبہ انت کہ اودا سندھی زبان ءَ اولیت دیگ ءَ بیت۔ سندھی زبان بازیں زبان وتی تہا Absorb کنگ انت۔ مروچی دور ہما زبان پشت کپ انت کہ آ نوکیں ٹیکنالوجی ءُ آرام ءِ سر ا قبول بکں انت۔ پاکستان ءِ قومی زبان اردو انت آئر ءَ بازیں مسئلہ ءُُ جنجال دیما انت۔ انچو گلوبلائزیشن ءِ یک مزنیں پریشرے است۔ درستیں دنیا لنگواف فرانکہ ءِ نیمگا روگ ءَ انت قومی زبان ءِ سرا پریشر انت۔ اے ہما زبان ءَ تعلق داریت کہ آ چنکس زر خیز انت تنکہ مرج مہ بیت۔
ہر زبان ءِ تہا زیات ءَ چہ زیات تاک، ماہتاک، روتاک، چھاپ ءُُ شنگ بہ بنت۔ریڈیو ءُُ ٹیلی ویژن ءِ پروگرام بہ بنت۔ اے درگت ءَ بلوچی زبان ءِ تہا پوٹینشل سک باز انت۔ پدا بلوچی زبان بازیں ملکانی تہا گشگ ءَ بیت آئی گپ کنوک سک بازانت۔
بلوچی زبان ءُُ ادب ءِ حاترا یار جان بادینی ءِ ھذمت لکھ ستائے لائق انت۔ اے درگت ءَ باھد انت بلوچستان ءِ تہا سرکاری وڑا اے وڑیں کارآنی دلبڈی کنگ بہ بیت سول سوسائٹی، ادبی ءُُ سیاسی گل اے وڑیں کارآں دیما برگ ءِ تہا وتی کرد ءَ پیش بدار انت تنکہ بلوچی زبان دیما بروت ءُُ دیمروئی بکنت۔