ادب بنیاد اِنت ہر قوم ءِ شعور ءِ پیشرفت ءُُ دیمروی ءِ،مولاناعبدالسلام عارف …..گند ءُُ نند: اصغر لعل

پجار:مولانا عبدالسلام عارف۳۶۹۱ءَ بلوچستان ءِ باگ ءُُ بہاریں دَمگ پروم ءَ مولانا عبدالحق حقانی ءِ لوگ ءَ ودی بوتگ۔واجہ گوں درّازئی، یلانزئی ءُُ مرادزئی ٹکّءَ سیادی داریت۔عبدالسلام عارف ءِ پِت واجہ عبدالحق حقانی بلوچی زبان ءِ جوانیں شاعرءُُ عالمے بوتگ۔آئی ءَ بنداتی وانگ ءُُ زانگ چہ وتی لوگ ءَ در برتگ۔پدا کمو ڈَلگ بوت گڑا پت ءَ دیم دات پنجگور ءَ مولانا رحمت اللہ ءِ گور ءَ تعلیم ءِ در برگ ءَ۔ واجہ ءَ سہ سال ءَ سراوانءِ نامی ئیں شہر گُشت ءَ جامعہ عین العلومءَ ونتگ۔اے مدرسہ ءِ سروک مولانا محمد یوسف حسین بُر(حسین پور)بوتگ۔آئی ءَ ھمے مدرسہ ءَ چہ فارسی زبان ھم دربرتگ۔سال ۲۸۹۱ ءَ آ کراچی ءَ کیت”دارالعلوم کورنگی“ءَ عالمی کورس کنت۔ضیال الحق ءِ دور ءَ اے کورس ءَ ایم اے ءِ ڈگری دیگ بوتگ۔
واجہ عبدالسلام عارف ءَ کسانی ءَ چہ شاعری بندات کتگ۔آ مولانا خیر محمد ندوی ءَ وتی نثری استاد لیکھ اِیت۔آئی ءَ بازیں وھدے گوں خیر محمد ندوی ءَ ”سوغات“ءَ کار کتگ۔آئی ءِ وتی شونکاری ءَ تاکبند”راستیں راہ“ چاپ ءُُ شنگ بوتگ۔آئی ءَ تاریخ،ادب ءُُ اسلام ءِ سرا بازیں نبشتانکے نبشتگ ماں تاک ءُُ ماہتاکاں چاپ بوتگ اَنت۔
واجہ ءَ دیر اِنت ماں کراچی لیاری ءَ جہمنند اِنت، ھمیدا یک ادارہے ءِ سروک اِنت ءُُ نودربراں دینی ءُُ دنیائی تعلیم دنت۔
اے گِند ءُُ نند واجہ عبدالسلام عارف ءَ ماہتاک بلوچی زند ءِ نمائندہ اصغر لعل ءَ آئی ءِ دفتر لیاری ءَ کنگ بوتگ۔اے گند ءُُ نندماہتاک بلوچی زند ءِ وانوکانی حاترا ندر انت۔ (ادارہ)
زند:شما بلوچی وانگ، نبشتہ ءُُ بہر زُورگ کدی بندات کتگ؟
عبدالسلام عارف:منی واجہ ءُُ شرفداریں پت حضرت مولانا عبدالحق حقانی ؒوت یک جوانیں شاعرے بوتگ۔ آوھد ءَ ملک الشعراء واجہ مولانا عبداللہ روانبُد، قادرالکام، شکرگالیں مولاناعبدالغنی منیب(افشانی) ءُُ مزن نام ءُُ گوہرگواریں واجہ ملا ابابکر کلمتی ءِ لڑ ءَ ھوار بوتگ ءُُ چہ ایران ءِ آشوب ءُُ انقلاب ءَ پیسرمنی واجہیں پت ءِ لال ءُُ مرواردیں گال چہ ریڈیو زاہدان ءِ بلوچی مراگشاں ھمک سہب مولانا عبدالعزیزؒ ءِ قرآن ءِ درس ءُُ بیان ءَ رند شنگ بوتگ اَنت۔
نوں تئی جست ءِ گورا کایاں: نثری لبزانکی پڑا منءَ دلبڈّی دیوک مولانا خیر محمد ندوی بوتگ۔من کسان اِتاں کہ واجہ مولانا خیرمحمد ندوی ءِ سوگات چاپ بوگ ءَ اَت،گڑا پنجگور ءِ مدرسہءَ مئے علم دوست ءُُ لبزانک پسندیں استاد محترم مولانا عبدالصمدجمالزئی ءَ منءَ گُشت کہ تو وتی واجہیں پت ءِ شعراں نبشتہ کن ءُُ ”سوگات“ ءَ دیم بدئے۔ آوھد ءَ من چشیں نبشتہ کنگے نہ زانتگ اَت، اَنچو پہ دیم وتی کماش ءِ شعرے نبشتہ کت ءُُ ڈاکا دیم دات ”سوگات“ ءِ سرا۔ ندوی صاحب ءَ اے شعر کپّی چُنڈی کت ءُُ چاپ کت، ایشی ءِ پجّی ءَ یک نوٹے ھم نبشتہ کُتءُُ دات ءِے”اے ورناہ ءَ وتی آریپیں پت ءِ شعر رَد نبشتہ کتگ ءُُ دیم داتگ، اگاں دگہ رندے اے وڑءَ شعر دیم بدنت ما چاپ اِش نہ کنیں“۔ من چُکّے اِتاں آوھد ءَ اے نوٹ ءِ وانگ ءَ پدرد ءُُ دلپروش بوتاں ءُُ نبشتہ یلہ کت۔
وھدے من کراچی ءَ اتکاں وانگ ءِ سلسلہ ءَ گڑا یک روچے جست کنان، جست کنان واجہ خیر محمد ندوی درگیتک۔ گرماگ ءِ موسم اَت، اے سجہیں روچ واجہ ءِ لوگ ءِ درگیجگ ءَ گوست۔ من واجہ ءَ گوں وتی پجار کنائینت کہ من مولانا عبدالحق حقانی ءِ چکاں۔ آئی ءَ پجاّ آؤرت ءُُ گُشت”من تئی چے کار ا اَتک کناں بگش؟“۔من گشت ”نبشتانکے رجانک کتگ منی واہش اِنت ”سوغات“ ءَ چاپ بہ بیت“۔ ندوی صاحب ءَ منی رجانک کرتگیں نبشتانک چار اِت، گُشت ءِے ”اے غلط اِنت، شر نبشتہ بہ کن ءُُ بیارئےِ“۔من دوبر نبشتہ کت ءُُ واجہ ءَ دات آئی ءَ گشت”شر نہ اِنت پدا نبشتہ بہ کنی“۔ من درّائینت ”واجہ!من دگہ شرتر زانت نہ کناں ہرچی زاناں ھمیش اِنت“۔ گڑا آئی ءَ زُرت ءُُ گشت”شر من چمشانک یئِ دیاں“۔ھمیداچہ من نثر ءِ نبشتہ بندات کت، اے سال ۲۸۹۱اَت۔ شعر من چہ کسانی ءَ نبشتہ کتگ بلے شعر چاپگ ءَ نہ داتگ اَنت۔ من ھمے فکر کناں کہ من شاعری ءَ چہ گیشتر نثر ءَ مردماں سرپدی دات کناں۔
زند:لبزانک ءِ مستریں مول ءُُ مراد شمئے حیال ءَ چے اِنت؟
عبدالسلام عارف:ادب ءِ معنا ہریک گپےّ پہ سلک ءُُ پیم کنگ، گپ ءِ تہءَ یک عزت نفسے بہ بیت، گوشداروکءَ یک عزّت نفسے بہ بیت، حبر ءِ تہءَ یک تامے بہ بیت، وزنے بہ بیت، قومانی اجتماعی تربیت دیگ ءِ تہءَ، آہاں باشعور جوڑ کنگ ءِ تہءَ ادب بنیاد اِنت۔اگاں پہ شرّی ایشی ءَ مردم کار مہ گیت بے ادبی بیت۔ ادب بنیاد اِنت ہر قوم ءِ شعور ءِ پیشرفت ءُُ دیمروی ءِ۔پاکستان ءِ تہءَ کم ءُُ گیش ۷۲ڈلگیں زبان اَست۔ اے دراہیں زباناں وتی مارشت ءِ درانگاز کنگ ءَ لبز است،گپ است۔ ھما لبزاں پہ پیم ءُُ طریقہ ادا کنگ لبزانک اِنت۔
زند:واجہ شما چوکہ مذہبی اسکالر اِت، بلوچ ءُُ اسلام ءِ ہمگرنچی ءُُ سیادی کدی ءُُ کجا چہ بندات بوتگ؟
عبدالسلام عارف:ایشیائی قومانی یا ھمے قوم کہ عربانی ہمساھگ اَنت ایشانی تہءَ اولی رند ءَ مکران ءَ اسلام اَتکگ۔ گوں اسلام ءَ جنگ ءُُ داوا ھم بوتگ، امن ایمنی ھم بوتگ، بلوچستان ءِ ھما پراہ ءُُ شاہگانیں جغرافیہءِ بنیاد ءَ بلوچستان ءِ نیمگ اسلامی توار، دعوت،مبلّغانی آھگ دو طریقہ ءُُ دو پیما بوتگ، یکے ھما جنگ ءُُ فتوحاتانی کہ عراق ءُُ فارسءُُ اے علاقہانی نیمگ ءَ اَت۔دگہ یکے حضرت عمر ؓ ءِ دور ءَ مکرانءِ دَ مگ ءَ لشکرانی آیگ۔
آ روچ ءَ کہ اسلامی لشکر فارس ءِ سیمسر ءَ سر بیت گڑا ایرانی سپہ سالارءُُ لشکرءِ مستر یک بلوچے بیت۔ آئی ءِ نام، سیاہ سوار (یا،شاہ سوار)بیت۔چوکہ اسلامی فتوحاتانی تہ ءَ قانون ھمیش اِنت مسلمان ءِ لشکر خون ریچی نہ کنت۔ ہر علاقہءَ کیت ھود ءِ مردماں پہ علم ءُُ عقل ءُُ دلیل اَدل توار بہ کنت۔آزمانگءَ تہذیب اسلام بوتگ، آدگہ دراہ تہذیب حیوانی بوتگ اَنت، وَہم ءُُ بُت پرستی ءِ بندات ءَ ایربوتگ اَنت۔
مسلماناں پہ خیرواہی اسلام ءِ تبلیغ کتگ، سیاہ سوار ءُُ آئی ہمراہاں مسلمانانی قول ءُُ زبان ءُُ نندگ پاد آھگ چار اِتگ اَنت گڑا دیستگ اِش کہ ایرانی ءُُ ایشانی تہ ءَ زمین ءُُ آزمان ءِ پرک اِنت۔
سیا ہ سوار گوں وتی لشکر ءَ شور ءُُ صلاح کنت ءُُ گوشیت کہ ما ءُُ شما گوں اے لشکر ءَ جنگ کت نہ کنیں،بیااِت گوں ایشاں گپ کنیں اگاں مارا اے مطمئن کت کننت گڑا گوں ھمیشاں ھوار بہ ئیں۔ گڑا سیاہ سوار وتی ہمراہاں گوں مسلمانانی لشکرءَ ”مذاکرات“کنت۔ اسلامی لشکرءِ کماش گشُیت ”مئے گور ءَ درستانی معنا یک اِنت، غریبءُُ امیر درستانی واستہ یکیں قانون اِنت“ گڑا سیاہ سوار ءُُ آئی ہمراہ ھمے فیصلہ کن اَنت کہ ما اسلام قبول بکنیں، گڑا اسلام قبول کن اَنت ءُُ اے پیما پہ ایران ءُُ بلوچستان ءِ ھوریں دمگاں بلوچ اسلام ءَ بے جنگ ءَ قبول کن اَنت۔
مکران ءِ لہتے دمگاں گوں اسلام ءِ لشکرءَ جنگ ھم بوتگ بلوچ ءُُ اسلامی لشکر ءِ۔ بلئے آخرءَ گڑا مکران ءِ بلوچاں جنگ یلہ داتگ ءُُ اسلام ءَ گوں وفاداری ءِ راہ اِش گچین کرتگ۔ بلوچستان ءُُ مکرانءِ دمگاں اولی برا اسلام صحابہ کرامانی ذریعہ ءَ ءُُ ھماہانی دور ءَ اتکگ، ءُُ مسلمانانی حاکم ءُُ بادشاہ حضرت عمر ؓ بوتگ، رندا کہ حضرت عثمان ؓ ءِ دور اَھتگ گڑا مسلمانانی لشکر دیمترا رو ان بوتگ۔
زند:بلوچی لبزانک ءَ مذہبی کتاب آرت ءِ تہءَ واد ءِ حساب ءَ اَنت، ایشی ءِ سبب چے اِنت؟
عبدالسلام عارف:تئی گپ راست اِنت بلوچی ادب ءِ تہءَ مذہبی کتاب آرت ءِ تہءَ واد ءِ کساس ءَ اَنت۔ دنیا ءِ تہءَ ہر قوم ءُُ مذہبے ءَ آئی ءِ جند ءِ زبان ءَ آئر ءَ تعلیم دیگ بہ بیت، آآسانیءَ سرپد بوت کنت۔اقوام متحدہ ءَ وتی ھم اصول ءُُ راہبند ءِ تہءَ اے نبشتگ کہ ہر قومے ءَ آئی ءِ جند ءِ زبان ءَ تعلیم دیگ بہ بیت۔ آنسبت ءَ ما چاریں تنی وھدی بلوچی ادب شیر مِچ اِنت۔ پدا بد قسمتی ءَ بلوچی زبان ءُُ ادب جیڑہانی آماچ اِنت۔ ما ءُُ شما بلوچی زبان ءِ ۰۷ ءِ دور ءَ بگر داں ۰۹ ءِ دور ءَ بچاریں آئی ءِ تہءَ مارا سہریں ٹکّے گندگ کیت۔ روس، چائینہ، کمیونزم ءُُ پلاں پلاں۔ آدور ءَ مئے ادب ءِ گیشتر مردم ھمے سہریں ٹِکّ ءِ منوگر ات اَنت۔دیندار چہ ادب ءَ دور بوان بوت اَنت۔بنیاد ءَ سوشلزم یک معاشی فلسفہ اِنت، ایشی پولنگ کنگ بوت۔ کمیونزم دنیا ءِ دیما یک بیمے ءِ شکل ءَ پیش کنگ بوت۔ ھما بیم دل ءَ دیگ بوت کہ شما اگاں کمیونزم ءَ زور اِت گڑا شمئے دین چہ شمئے دست ءَ روت۔شما کمیونزم ءَ زور اِت بایداِنت لبرل جوڑ بہ بئے۔
دومی حبر ایش اِنت کہ کمیونزم مسلمانی معاشی فلسفہ ءِ متبادل ھم بوت نہ کنت۔ مسلمانی معاشی فلسفہ ءِ تہءَ انفرادی ملکیت اَست ءُُ اجتماعی ملکیت ھم اَست۔اجتماعی ملکیت کہ مہلوک ءِ ضرورت اِنت آئی ءِ تہءَ پدا اسلامی معیشت ءَ مارا ھمے سوج رسیت کہ وتی ہمساھگ ءِ، وتی غریب ءِ حیال دارگ عبادت اِنت۔یکے تو دئے اللہ تعالیٰ ترا دَہ دَنت۔غیر مسلمانی افکارءِ تہءَ بچارئے کمیونزم شرّیں معاشی فلسفہے۔بلئے مسلمانیں معاشرہ ءُُ چاگرد ءِ تہءَ کمیونزم اسلامی معیشت ءِ متبادل بوت نہ کنت، بلئے میاں استمانی چاگرد ءِ تہءَ کمیونزم متنازعہ کنگ بوت۔ھمے تنازعہ ءَ دیندارانی گوش مِکّ بوت اَنت یک حسابے ءَ بچارئے ھند ءُُ ملکاں اے فکر ءِ بیرکدارانی عمل ھماَن اَنچوش اَت مثال مئے کرا ورناہ پارٹی کہ گوں ھمے گلاں گون اِتنت، ایشانی جلسہ بوت اَنت، جلسہ تا پنچ، شش کلاک ءَ شتگ اے نیام ءَ تو کسے نہ دیست کہ، ظہر، عصر،مغرب ءُُ عشاءِ نماز ءَ بوانیت۔ایشانی اے آسر ءِ گندگ ءَ ھما مردماں کہ گوں مذہب ءُُ اسلام ءَ کمو گیش نزیکی داشت آہاں وت ءَ ایشاں چہ دور کت ءُُ اے ورناہاں وت ءَ چہ دینداریں مردماں دُور داشت۔ ہرکسےءَ کہ بلوچی ادب ءِ نام گپت گڑا مردماں گشت اے بے دین اِنت۔ گیشر ھمے وڑیں مردماں ادب وتی سیاسی مفادانی واستہ کارمرز کت۔ وھدے من ادبی میدان ءَ اتکاں من ءَ ھم گشت اِش بے دین، دیندار ءُُ بے دیناں ہردوہاں مارا قبول نہ داشت۔ بے دین ءَ گشت ایشی ءَ گُم کن اے ملایے مئے چے کارا کیت۔ دیندارءَ گشت سوچ اِت اے بے دین اِنت مئے چے کارا کیت۔ من ءَ یات اِنت مئے دَمگ ءَ یک واجہے کہ بلوچی ادب ءَ آئی ءِ خدمات است اَنت، من شتاں آئی ءِ گندگ ءَ ھمائی ھمک ءُُ لوگ ءَ،آئی ءِ گور ءَ بیگاہ ءَ سر بوتاں من ءَ کسے ءَ نہ دیست،شپ ءَ من ھمے واجہ ءِ مہمان اتاں، فجر ءِ نماز ءَ مسیت ءَ شتاں گڑا مردماں من ءَ دیست وش آتکءُُ جوڑ ءُُ درہبات ءَ رند منءَ جست اِش کرت ”کئی لوگ ءَ اتکگئے؟“من گشت”پلانی ءِ“۔ایشاں یک دگر ءِ نیمگ ءَ چار اِت۔ یکے ءَ گشت ”واجہ توکہ آئی ءِ لوگ ءَ روئے گڑا ما پرچے مہ رویں“۔ من گُشت”شمارا زانا کئے ءَ گُشتگ کہ آئی ءِ لوگ ءَ مہ رو اِت“۔گُشت اِش ”آاَنچو کُفری حبر کنت پمیشکا آئی ءِ کرا روگ نہ بیت“۔
پمیشکا بلوچی ادب ءَ دینداریں مردماں شرّیں وڑے ءَ دست مان نہ کرت۔ پدا رند ءَ کہ روس ءِ پرشت ءُُ پروش ءَ رند کہ اے گُبارہ(ھپّو) ءِ ہوا در اتکاں نوں شرّیں وڑے ءَ دیندار بلوچی ادب ءِ نیمگ ءَ پیداک اَنت ءُُ انوں بلوچی لبزانک ءِ تہءَ دیندار ءُُ دین دوست چہ ھِچ کس ءَ کم نہ اَ نت ءُُ دیمتر ءَ اے کمی گندگ نہ بیت ءُُ دیندار ءُُ دین دوستانی تہءَ ہنچیں کلّانیں شاعر ءُُ لبززانت ودی بوتگ کہ ہرکس وتی جاہ ءَ کوہیں کلاتے۔

زند:واجہ ! مارا بگش اِت کہ بلوچی لبزانک ئِ دنیا ئَ اولی رند ئَ قر آن پاک کئے ئَ ترجمہ کتگ ئُُ انگت ئَ چینچو مردماں قر آن پاک بلوچی ئَ رجانک کتگ؟
عبدالسلام عارف:بلوچی زبان ئَ قر آن پاک ئِ بابت ئَ مولانا عبدالحق صاحب ئَ یکبرے گوں من گ´وشت ” مزن نامیں نوشتکار واجہ ڈاکٹر نبی بخش بلوچ ئَ من ئَ گشتگ اَت من ترکی ئِ لائبریری ئَ بلوچی قر آن پاک ئِ ترجمہ یے دیستگ تقریباََ ہفتمی ، ہشتمی ہجری ئیگ اِنت۔۵۰۹۱ئَ میاں حضور بخش جتوئی ئَ قر آن پاک بلوچیئَ ترجمہ کرت۔ منی زانت ئُُ اِشکنگ ئِ پدا قرآن کریم ئِ اولی ترجمہ کہ اے علاقہانی تہ ئَ کہ مردمانی دست ئَ کپیت آھمے واجہ ئیگ اِنت۔پدا قاضی عبدالصمد سربازی ؒ قر آن پاک ئِ ۹۱ جُز ترجمہ کنت ، نزاناں کجام سببے دیما کئیت کہ قاضی صاحب اے کارا توام کرت نہ کنت ،گڑا پشتکگیں ترجمہ ئَ مولانا خیر محمد ندوی کنت۔تقریباََ ھمے وھداں حاجی عبدالقیوم صاحب ھم یک اردو ترجمہ یے بلوچیئَ بدل کنت ئُُ ھمے درمیان ئَ مولانا عبدالغنی منیبئَ یک بلوچی بے دروریں ترجمہے نبشتہ کرت(واجہ منیب ئِ ترجمہ ساپیں بلوچی ترجمہے ئُُ شنگ ھم بوتگ) ھمے زمانگ ئَ دارالعلوم دیوبند ئَ ِعلم دربروکیں عالم مولانا عبدالرحمن نصیر آبادیئَ ھم ترجمہ ئُُ تفسیرے نبشتہ کرت ئُُ منی اشکنگئَ کتابت بوتگ ،ھمے لہتے سال پیسر شیخ الحدیث مولاناعبدالغفارزامرانیئَ ھم قرآن کریم ئِ شرّیں پلگاریں بلوچی ترجمہ ئُُ تفسیرے نبشت ئُُ شنگ ھم کرت ۔نوکتریں جہد مولانا داد رحمن سلیمی ئیگ اِنت کہ واجہئِ ترجمہ بس پہ شنگ بوگ ئَ مہتل اِنت ،حاجی عبدالقیوم ئِ ترجمہ من چہ اول تاں آخرا دوبر چار اِتگ ئُُ شااہ ولی اللہ دہلوی ئِ بلوچی رنگ داتگ ئُُ اے کار ھم پہ شنگ بوگ ئَ مہتل اِنت ، ھمے پیما واجہ ندوی ئِ نماسگ واجہ جمال ناصر ئَ قر آن پاکئِ یک ج´وانیں ترجمہے نبشتہ کتگ ئُُ شنگ ھم بوتگ۔ شہید مفتی احتشام الحق آسیابادی ھم قر آن پاک ئِ سرا کار کنگ ئَ اَت شہادت ئَ ساری واجہ ئَ اے بابت ئَ ہر وھد ئَ گوما حال ئُُ احوال کرتگ ئُُ ھمے اندازہ بوگ ئَ اَت کہ مفتی صاحب وتی ہمراہانی کمک ئَ بلوچی زبان ئِ تہئَ قرآن کریم ئِ یک ہنچیں سوغاتے آرگ لوٹگ ئَ اَت کہ تنے وہدی چشیں چیزے نہ بوتگ۔
اللہ تعالی ئِ مہربانیاں چہ حاجی عبدالقیوم صاحب ئِ ترجمہ ئِ سرا سرجمیں کارا ابید دگہ کار ھم من کرتگ ، یکّے قرآن پاک ئِ لفظ ئُُ لغتانی تل پچ کنگ ئُُ دومی یک عربی مختصریں تفیسرے کہ مختصری ئِ تہئَ سرجم ئُُ سادہ ئُُ عام فہم ھم است اَنت من ترجمہ کرتگ بلئے تنے وھدی انگت پنچ جزءا ست کہ اللہئِ توفیق ئُُ مہربانی ئَ آھم بنت ، ھمے ردا عرض بکناں کہ شا ہ ولی اللہ ؒ ئِ سادئیں ترجمہ پہ منی توارا توامیں سی جزءقرآن ریکارڈ ئُُ ضبط ئُُ شنگ بوتگ ئُُ دنیائَ تالان اِنت ۔ الحمدللہ ۔
زند: واجہ شما گوں سید ظہور شاہ ہاشمی ئَ دوازدَہیں آبانی کشّگ ئَ تپاک کن اِت؟
عبدالسلام عارف:اللہ سید ہاشمی ئَ وتی رحمتانی سارتیں ساھگ ئَ بہ کنت کہ آئی ئَ پہ بلوچی زبان ئُُ ادبئَ باز کار کتگ ئُُ بلوچی لبزانک ئِ قلم ئُُ کاگدی میدان ئَ بازیں گ´رانیں کارے آسان کرت ئُُ بازیں پریشانی یے گیشینت ئُُ بلوچی لبزانکاراں یک راہ ئُُ جہتے دات۔بلئے ہمدا سید ئَ بلاہیں جیڑہے ھم پیدا کرت ئُُ آ جیڑہ واجہیں سیدصاحب ئَ دور دات آ رسم الخط ئِ تہئَ ھمے دوازدہیں آبانی کشگ اِنت ۔تو بچار غیر عربیں قوم ایوک ئَ وَ بلوچ نہ اِنت کہ عربی حروفاں کارمرز کنت مئے کش ئُُ گ´ورئَ آبادیں توامیں مئے ہمساہگیں راج ئُُ قوم عربی د´رہیں آباں کارمرزکن اَنت ۔ بلوچ ئِ مزنیں بہرے گشیت کہ ما عربیں،بلئے مئے زبان عربی نہ اِنت۔اَنچوکہ مئے بلاہیں قومے ئِ زبان براھوئی اِنت ماکس ئَ لٹ نہ جنیں کہ تو کہ وت بلوچی زبانے ئِ واھند ئے گڑا براھوئی زبانئَ پرچے گپ کنئے ، بیائے بلوچی زبان ئَ حبر کن اِت۔ ھمے پیما عرباں اے حق نیست کہ مارا بگش اَنت بلوچی ئَ یل بہ کن اِت عربی زبان ئَ گپ بہ کن اِت۔اے گپ ئِ تہئَ ھچ شک نیست کہ بلوچانی تہئَ یک مزنیں تبکہ یے وت ئَ عرب گشیت ، عربانی تہئَ ھم بازینے گشیت کہ بلوچ عرب اَنت۔نوں خدا مارا عقلے بدنت ما کمّے فکر بہ کنیں ، فارس چہ اے آباں یک حرفے ھم نہ کشّیت ئُُ زبان ئُُ ادب ے¿ِ دیمروی کنت۔ اے تئی کِرا پنجابی، پشتو، اردو ، سندھی ئَ وَ انگت ئَ دگہ لہتیں لبز جوڑ کت ئُُ گیش کت اَنت بلئے ایشاں چہ کسے ئَ یک حرفے نہ کشّ اِت ئُُ آیانی لبزانکئَ دیمروئی کرت۔واجہیں سید ئَ اگاں وتی ہزار ئُُ یک بیدرور وج´وانیں کارانی لڑ ئُُ ریزگ ئَ اے یکّیں جیڑہ میارتیں منی ناقص ئُُ نزوریں فکرئَ مرچی بلوچی زبان ئُُ ادب ئَ با زدیمروی کتگ اَت۔
زند: واجہ! رومن بلوچی نبشتہ ئِ اَڑاں گیش ئُُ گیوار کنت؟
عبدالسلام عارف:اے جست بایداِنت جاپانی ، ہندوستانی ،کوریائی ، چینی ئُُ آدگہ قوم ئُُ زباناں کنگ بہ بیت کہ آہاں رومن نہ زُرتگ ،بلے آہانی ادب باز دیم ئَ شتگ ئُُ گزران ئُُ سیاسی دیم رویئِ تہا اے را ج گوں استاراں ھم دیوان اَنت۔
زند:من چونا ئَ اے جست پمیشکا کت کہ مئے بازیں ادیبانی گشگ اِنت کہ عربی رسم الخط بازیں جاہاں مارا مانگیشینیت ۔ رومن ئَ مارااے وڑیں جیڑہ گندگ نہ بیت۔
عبدالسلام عارف: اے گپ ئَ من تپاک نہ کناں کہ عربی رسم الخط مئے واستہ جو´ان نہ اِنت۔کسے اگاں دلیل دیگ لوٹیت کہ چتو عربی رسم الخط پہ بلوچی زبان ئُُ رسم الخط ئَ جوان نہ اِنت ، گڑا بئیت من گوں آئی ئَ گپ کنگ ئَ تیاراں۔
زند: بلوچی لبزانک ئِ سیمی دور ئِ اول سرا چمشانک دیئیں، ما گندیں کہ ادیب گیشتر سیاسی اَنت ، انّوں ادیب سیاست ئَ چہ وت ئَ دُور دارنت،پرچے؟
عبدالسلام عارف: اے تقریباََ ھمے دور اِنت کہ من پیسر ئَ ایشی ئِ مثال دات ، تئی بدواہ ترا یک نقطہ نظر ئِ سرا کار انیل اَنت، آتئی سرپ ئُُ چاگرد ئِ تہئَ جتاجتائیںفکر ئِ مردم دیم دینت دانکہ تو وتی گچین کتگیں راہ ئَ شرّی ئَ شُت مہ کنئے۔ وھدے کہ آہاں بازی چہ مئے دست ئَ پچ گپت آہاں پدا انچیں فضایے مئے سرا آو¿رت کہ نوں کس جرا¿ت نہ کنت کہ آئی ئِ دیم ئَ بوشتیت ،آسیاسی عمل کہ ۸۸ ئُُ ۰۹ ئِ دور ان اَت آمشرف ئِ آھگ ئَ گوں بدل بوت۔۸۸ ئَ پیسر ئُُ رندا مردمانی تہ ئَ سیاسی رجحانے است اَت ، پدا کہ ھمے سیاسی عمل برجاہ ئُُ دیما رواں بوت اَنت چیزے پارٹیاں، الیکشن ئُُ انتخاباتاں بہر زُرت ئُُ انتخابی چاگرد ئُُ مردمانی vote ئِ اہمیت ئُُ ذہنانی تہئَ وسعت پیداکرت ۔
گوں مشرف ئِ آھگ ئَ اے د´راہیں معاملہ چپ بوت اَنت،ھما کارے کہ پہ آسانی کنگ بوتگ اَت آئی ئَ مشکل کت۔ آئی ئِ بلوچستان ئَ امریکا، چائینہ، ھونکونگ ئُُ اے دگہ ملکانی آرگ ئَ بلوچ مہلوک ئِ تہئَ وتی راجی واھندی ئِ بابت ئَ پریشانی ئُُ نفرت پیدابوُان بوت۔پدا نواب بگٹی ئُُ اے دگہ مردم کوہ ئَ شُت اَنت ئُُ رندا گوں آیاں چے سلوک کنگ بوت ھمے سبب ئَ اے مرحلہ کہ اَتک نوں کئے جرا¿ت کنت کہ پہ گوریلہاں نبشتہ بہ کنت، پمیشکا سیاسی عمل ئِ ذریعہ ئَ نبیسوک وت یک مصیبتے ئِ تہئَ مان گیش اِت اَنت چیاکہ ہرکس سیاسی پارلیمانی عملئِ منوگر اَت گڑاآ پاکستان ئِ وفادار گُشگ بوت۔ ئُُ اگاںیکےّ ئَ گوریلا مذاحمت ئِ پلہ مرزی کت گڑا گُشت اِش تو پاکستان ئِ حلاف ئے ۔ ھمیدا معاملہ د´راہینانی واستہ حراب بوت ئُُ چہ گپ ئُُ تر´ان ئُُ بے ضرریں حلّے ئِ شوھازکنوکانی دستاںدراَتک۔ مئے پیمیناں وت ئَ یکر کت ئُُ کُنڈے ئَ دور دات ئُُ اِے راجی ئُُ انسانی درد وتی جگرئَ جاگہ دات اَنت۔
زند:شمئے نگاہ ئَ سیاست، ادب ئُُ مذہب یکجاہ بوت کن اَنت؟
عبدالسلام عارف:بایداِنت یکجاہ بہ بنت چیاکہ مذہب کنٹرولر اِنت چاگرد ئِ واستہ، اگاں مذہب واقعی جاندار بہ بیت ئُُ چاگرد ئِ سرا علمی ئُُ شعوری جہت ئَ مسلّط بہ بیت گڑا چاگرد ئِ جرائم ،انسانی استحصال ئِ عمل کمزور بیت، وھدے کہ یک مردمے زانت من مراں من ئَ قبر ئَ جست بیت کہ تو پلاں مردم ئے مال پرچے برتگ ، آوتی دست ئَ کشّیت، وھدے اے زانت کہ قیامت ئِ روچ ئَ من اے مردئِ مال ، ملک بڑّا کتگ اَنت منئَ اشانی جاگہ ئَ دوزخ ئِ آس ئَ ساسچگ ئُُ برجگی بیت ، گڑا اے کارا نہ کنت۔لہتے مردمانی گشگ اِنت کہ مذہب یک افیونے کہ مہلوک ئَ بہ دئے ئُُ بواپینی ،تاکہ مہلوک استحصالی دستانی دارگ ئِ بودی مبیت، بوت کنت آہانی دَمگ ئِ مذہب ئِ بنیاد ئِ سرا آہانی تصور رَد مہ بیت ، بلئے یک مذہبے ئِ بنیاد کہ علم ئُُ عمل ئِ سرا اِنت ، اولی گپ چہ علم ئَ بندات بیت اولی آیات کہ نازل بوتگ ”اقرا بِسمِ رَبک“رسول ! اللہ ئِ نام ئَ بگر ئُُ بوان ۔جناب رسول ﷺئِ وتی علم دوستی ئِ اے عالم اِنت کہ ھمے فتوحاتانی تہئَ غیر مسلم قیدی گرگ بنت آہانی تہئَ جست کنگ بیت کہ اے قیدیانی تہئَ کسے است وانگ ئُُ نبشتہ زانت؟۔ آکہ وانندہ باں آجتا کنگ بنت ، آہانی ڈیوٹی ئُُ ڈُبّاہ ھمے بیت کہ شما اِینچو مردم بوانین اِت شما آزاد اِت۔ قر آن کریم دنیا ئِ تہئَ ھما کتاب اِنت کہ گیش وانگ بیت ، قرآن پاک واحد کتاب اِنت کہ اینچو کتاب ایشی ئِ سرا نبشتہ بوتگ ھچ دگہ کتابے ئِ سرا اینچو نبشتہ نہ بوتگ۔تورات،زبور ئُُ انجیل چہ قر آن ئَ کوہنیں کتاب اَنت ، آد´راہیناں یک جاہ کنئے قر آن پاک ئِ چارکےئِ برابر نہ بنت ، چیاکہ اسلام علمی ئُُ عملی دین اِنت۔ یک فلسفہ یے ئُُ مذہبے کہ علمی ھم بوت ئُُ عملی ھم بوت آئی ئَ تو افیون گشت نہ کنئے اے مذھب گڑا زند ئِ منزل اِنت ئُُ جیڑہانی گیش ئُُ حل انت ۔ اے حساب ئَ گڑا مردم واب ئَ ھم افیون بگشیت، ورگ ئَ ھم افیون بگشیت ، مردم وتی کار ئُُ روزگار ئَ ھم افیون بگشیت۔
ادب یک شرّیں ، اخلاقی ئُُ تامداریں وڑے ئَ دومی ئَ وتی گپ ئِ سر کنگ اِنت ۔
مروچی ئیں دورئَ رواج گپتگیں سیاست یورپی استحصالی قومانی بدنام کتگیں تربیت اِنت ، در اصل سیاست ئِ لبزی معنا ”تدبیر منزل “، بزاں وتی لوگ ئُُ وتی چاگرد ئَ شرّیں وڑے ئَ گردینگ انت ،آہانی نان، آہانی آپ، آہانی گُد ئُُ پُچ، آہانی صحت ، اے چیزاں گیگ کنگ ئِ نام اِنت سیاست ، اے کلام اِنت اللہ تعالیٰ ئُُ آئی ئِ رسول ئِ ۔اسلام کہ اتکگ ایوک ئَ اے واستہ نہ یتکگ کہ آبُت ئَ سُجدہ مہ کنئُُ برواِت نماز بوان اِت، اے واستہ اتکگ کہ تئی چاگرد ئِ گژنگانی لاپ سیر کنگی اِنت، ناد´راہانی علاج کنگی اِنت ، دژمن تئی پیداک اِنت آئی ئِ دیمئَ چون درکائے، قومے سُچگ ئَ اِنت چون آئی ئَ چہ آس ئَ رکّےن ئے ، اے چیزانی طریقہ کار ئِ ٹہینگ ئِ نام سیاست اِنت۔سیاست کہ چہ مسلمانانی دست ئَ دراتک اے ناپاکیں ذہنیتانی دست ئَ کپت ایشاں سیاست فراڈ کت، ئُُ ایشاں گشت حاکم ئِ تہ ئَ بایدے دو صفت بہ بیت یکے بیمّ ئُُ دومی لالچ۔اے یورپی قومانی ایجاد اِنت نزوریں قوماںبترسین، آہاں پرماکہ ووٹانی مشین جوڑ بہ بنتئُُ تئی واستہ ووٹ جم بہ کن اَنت۔ مرچی ایشاں(یورپی قوماں) دیمروی کتگ ئُُ باز بدلی آو¿رتگ بلے فلسفہ انگت ئَ استحصالی اِنت۔ھمے امریکا ماراپہ اے حبر ئَ پہ حکّل دنت کہ تو پلاں قوم ئِ حق وارتگ ،گوں پلانی ئَ ظلم کتگ، ھمے امریکا ئَ ۰۶ ،۰۵ سال پیش جاگہے کہ سیاہیں مردم نشتگ اَنت ھودا اسپیتیں نہ نشتگ اَنت ۔ سیاہ ئُُ سبزپوستاں اسپیتانی گور ئَ نندگ ئِ اجازت نہ بوتگ۔
اے راج مروچی اتکگ اَنت ئُُ مئے استاداَنت ، اسلام ئِ تو کمال ئَ بچار اسلام ئِ اولی مو¿ذّن حضرت بلال ؓاِنت۔ بلال ؓ مئے ھما فرد اِنت کہ واجہ خدا ئِ کبریائی ئُُ مستریئِ لبزاں اَدا کنت ، رسول آخری منشور ئَ دنت کہ سیاہ اسپیت ئِ سرا ،اسپیت ئَ سیاہ ئِ سرا، عرب ئَ عجم ئِ سرا ، ھچ کس ئَ دومی ئِ سرا ھچ وڑیں فضیلت ئُُ گچین ئُُ شرتری یے نیست بیدتقوا ئَ آفضیلتے کہ نام ے¿ِ تقوٰ اِنت آ انسانانی دیم ئَ ظاہرنہ بیت۔ آانسانی گندگی چیزے نہ اِنت کہ کسے بگندیت ئُُ بزانت کہ تو سکّیں ،متقی ئے تو چہ ما شرترئے۔یا من سکیں مزنیں متقی آں چہ آئی ئَ شرتراں، اے گپ نہ اِنت،تقوا اللہ ئِ علم ئِ چیزے ،نوں حقیقت ئَ خدا بزانت اِد متقی توئے ، منّوں ،یا دگرے۔
زند: مذہبی اسکالر ئُُ عالم دین مولانا طارق جمیلئَ یک بیانے ئَ گشتگ اَت” حضرت عثمان ؓ ئِ زمانگ ئَ ”مجاشع بن مسعود“ئَ اولی رند ئَ مکران فتح کتگ“، شما اے گپ ئِ سرا تپاک کن اِت ؟
عبدالسلام عارف: اول وَ من تاریخ ئِ بابت ئَ وتی بے علمی ئِ جار ئُُ اقرار کناں ، بلئے ما اے گپ ھم اشکتگ ئُُ ونتگ اولی برا کہ اے دَمگ ئَ مسلمان ئُُ اے دَمگ ئِ مردمانی جنگ بوت گڑاکہ لشکر مدینہ شریف ئَ واپس شُت۔ حضرت عمرؓ ئَ چہ آہاں جست کت باریں حالاںبدے اِت ھما دَمگ ئِ۔ پسہ دیگ بوت کہ آدَمگ ئَ اَنچیں مردم اَنت بلاہیں لشکرے دیم بد ے ئے گژن ئُُ تنّ ئَ مریت کہ اودا آپ ئِ کمی اِنت ئُُ کسانیں لشکرے دیم بدے ئے کسے زندگ ئَ واتر نہ ئیت ،آ دَمگ ئِ مردم بے اندازہ جنگباز ئُُ دلیریں مردم انت ۔تاریخی کتابانی تہئَ مکران ئُُ اودا آبادیں راجانی بابت ئَ چیزے نہ چیزے تاریخی ثبوت اَست ئُُ بوت کنت کہ شرفداریں مولانا طارق جمیل چہ ھمے کتاباں چیزے ونتگ ئُُ پدا اے بابت ئَ گپ ے¿ِ جتگ۔
زند:”ماہتاک راستیں راہ“ کہ شمئے سروکی ئَ چاپ ئُُ شنگ بوگ ئَ اَت ایشی ئِ بند بوگ ئِ سبب چے اِنت؟
عبدالسلام عارف:مئے گ´ور ئَ بازیں تاکے بند بوتگ مالی جیڑہ ئِ سبب ئَ، بلئے من اے گِلگ ئَ نہ کناں ”راستیں راہ“ ئَ چشیں مالی جیڑہ دیم ئَ نہ کپتگ، ایشی ئِ بند بوگ ئِ مستریں سبب ایش بوت کہ جاور بدل بوت اَنت ئُُ منی قلم ھم کمّے زَپت ئُُ ترند اِنت گڑااے وھداں ما وتی پاد داشت اَنت، اگاں دیمتر ئَ وھد ئَ موہ دات پدا چاپ ئُُ شنگ کنگ ئِ خیالے دیماکاریں ( پہ خدائی امیتئَ)۔
زند: واجہ شما خیر محمد ندوی ئِ ”سوغات“ ئَ لبزانکی حساب کن اِت یا مذہبی؟
عبدالسلام عارف: ادا نوں یک جستے ھنچیںاست کہ ایشی ئِ جواب ئَ بوت کنت بازینے ئَ بتوریت، مرچی ماگشیں کہ سید ظہور شاہ ہاشمی بلوچی ادب ئِ شاہگان کنوک اِنت ، من گشاں بلوچی ادب ئَ دیم ئَ برگ ئُُ پراہ ئُُ شاہگان کنگ ئَ خیر محمد ندوی اولی مرد اِنت ۔واجہ سید ہاشمی ئَ ھم خیر محمد ندوی ئِ دست ئِ چیر ئَ کار کتگ، ریڈیو پاکستان کراچی بہ بیت یا مہتاک اومان۔
آوھدی کہ بلوچی ادب ئَ ندوی صاحب ئَ کاربندات کتگ بلوچی ادب ئِ ھما حال بوتگ کہ سرجمیں نبشتانک ئَ بس چیزے لبز بلوچی بوتگ اَنت۔ ندوی صاحب ھماوھد ئِ بانی اِنت ، پدا نوبت ھما اَتکگ ندوی صاحب ئَ ادبی جہت ئَ کس مپرسیں زندے گوازینت۔ھمے بلاہ بلاہیں شخصیت بلوچی ادب ئِ ایشاں ندوی صاحب ئِ بیرانی ئِ حال معلوم نہ بوت۔
یکبرے ندوی صاحب انچو مجبور اَت من ئَ گشت ے¿ِ ”سوغات“ئِ ہشت صد دانگ من چاپ کناں ایشانی تہ ئَ چارصد روت چار صد ھمیدا ایر بیت ، اے چارصدیں کہ رونت ایشانی تہ ئَ دو صد اعزازی اَنت آدگہ دوصدانی تہ ئَ کسےّ چیزے دنت ئُُ کسے نہ دنت ، ندوی صاحب ئَ گونڈیں اشتہارے چیزے رستگ آئی ئَ ”سوغات“ ہلائینتگ بند نہ کتگ۔ منئَ ندوی صاحب ئَ گُشت کہ تو ”سوغات“ ئِ اعزازی شونکار بو۔ من گُشت من ھما وھد ئَ اعزازی شونکار باں کہ من ئَ موادانی چار ئُُ ٹپاس ئُُ ”سوغات“ ئِ تہ ئَ چیزے بدلی آرگ ئِ حق بہ دئے۔ گشت ے¿ِ ترا اختیار اِنت۔ من ئَ سنگتے است من آئرا گشت برو” اومان“ ئِ لہتیں کوہنیں تاک درگیج ئُُ بیار ، آئی ئَ شُت ئُُ اومان ئِ اولی سال ئِ لہتیں تاک شوہاز کرُت ئُُ آو¿رت،من چہ ھمے ک´وہنیں تاکانی تہئَ ھستیں دور ئِ لہتے مزن نامیں شاعرا نی شعر ئُُ نثر گچین کت ئُُ ”سوغات “ئَ چاپ کرت اَنت، ندو ی صاحب ئَ چار اِت گشت ے¿ِ ”تو چے کتگ اے کوہنیں مواداں چیا دوبارہ چاپ کنگا ئے“۔ من گشت ”واجہ! تو بس بچار چے بیت “۔
دومی ماہ بوت پدامن ھمے وڑچہ” اومان“ ئِ ک´وہن ئُُ ریزتگیں تاکاں دگہ لہتے مواد درگیتک ئُُ ”سوغات“ ئِ تاکانی تہئَ جاہ دات من اے بنگیج ئِ نام ” بلوچی لبزانک ئِ ک´وہنیں تاک “ئِ نام ایرکرت۔
نوں ندوی صاحب ئِ سرا ٹیلیفونانی آھگ بِنا بوت ، مردم ندوی صاحب ئِ کرا اتکنت ، گوں واجہ ندوی صاحب ئَ وتی دوستی ئُُ نیازمندئِ سادش گرہن دات گڑایک روچے ندوی صاحب ئَ من ئَ گشُت مردم ”سوغات“ ئَ نوں دلجمی وانگ ئَ اَنت کہ منی گ´ور ئَ پیداک اَنت“ ۔ من گشت ”واجہ اے مردمانی آیگ ئِ سبب ”سوغات“ ئِ گوںدلپاکی ئَ وانگ نہ اِنت ،اشانی ناگتی مہروانی سبب ایش انت کہ” سوغات“ ئِ تہئَ کہ نوں ما ”اومان“ ئِ تہئِ اشانی مواداں درگیجگ ئُُ اے چیزاں چاپ کنگ ئَ اوں ئُُ ایشاں ایشانی حقیقت ئَ پیشدارگ ئَ آں کہ شما اے وڑ ھم نبشتہ کتگ، اے نوں تئی دپ ئِ بند کنگ ئُُ اے موادانی چاپ نہ کنگ ئَ تئی کراّ پیداک اَنت ئُُ ترا دلگوش گ´ور کنگ ئَ اَنت“۔
چہ مئے اے گام ئِ چست کنگ ئَ اے فائدہ بوت کہ ھمے مزن نامیں گاریں مردم یکبرے پدا ”سوغات“ ئِ گراک جوڑ بوت اَنت، بلوچی لبزانک ئِ ک´وہن ئُُ نوکیں شہزانتاں کہ” اومان“ ئِ آدینگ ئِ تہئَ بازیں چیزے دیست ئُُ بازیں گپے ئُُ حالتے مَرت، گڑا ”سوغات“ پدا شرّیں جاہے سر بوت، ”سوغات“بہ بیت یا”اومان“ اے بلوچی ادب ئِ مات ئِ بستار ئَ اَنت، بایداِنت مئے ادیب ئُُ دانشوراںگوں واجہ ندوی صاحب ئَ وتا دائم ھورئُُ ہمراہ ئُُ ہمگرنچ بکرتیں بلئے گوں بژن گ´وشگی اِنت کہ لبزانکی شہزانتاں چش نہ کرت۔
زند:سوغات دینی تاکے بوتگ یا کہ ادبی ئُُ لبزانکی ؟
عبدالسلام عارف:”سوغات“ بنیادئَ ھنچیں ادبی ئُُ لبزانکی تاکے بوتگ کہ آئی دینی سنچ ئُُ شبین گیشناک ئُُ پدّر بوت بلوچی زبان ئُُ ادب ئِ بابت ئَ آئی ئِ تہئَ جوانیں مواد چاپ بوتگ۔ من ”سوغات“ ئَ دینی ئُُ ادبی تاکے گشاں۔
زند: اسلام ئَ جنین آدم ئَ وانگ ئُُ کار کنگ ئِ آزادی است ؟، داں کجام اَدا؟
عبدالسلام عارف: بچار اسلام اتکگ انسانیت ئَ ھما جاہ ئَ سر کنگ ئَ کہ انسان ئَ اے دنیا ئِ تہئَ آئی ئِ حق بہ رسیت ، آئی پدا چہ آخرت ئِ مشکلاتاں بے خبر مہ بیت۔قر آن پاک ئِ گشگ اِنت واجہ حدا ئَ جنین آدم ئُُ زالبول چہ مردین آدم ئِ وجود ئَ پیدا کتگ،ئُُ اسلام ئَ پہ بنی آدم ئِ تربیت ئُُ ج´وانیں ھیلانی بابتئَ جنین آدم ئِ سرا ھما ڈُباہ ئُُ ذمواری داتگ انت کہ مردین ئِ سراھم ھمے ذمواری است اَنت ، چہ ایمان ئُُ اعمال ئُُ علم ئَ ۔پدا مردین ئُُ زالبول ئِ ڈبّاہاں کمّے جتابکنیں ئُُ بچاریں گڑا چش بگ´وشیں کہ جنین ئِ کار انسانیت ئِ تربیت اِنت، مات ئِ کُٹ اولی مدرسہ اِنت ، ئُُ مردین ئِ کار مشکلانی دیما اُوشتگ اِنت،گوں پریشانیاں دیم پہ دیم بوگ ئُُ گوں سکّی ئُُ گ´رانیاں دست ئُُ گُٹّ بُوگّ ئُُ گزران ئِ جیڑہاں گیش ئُُ گیوار کنگ اِنت ،بلئے نوں کہ گپ علم ئُُ تعلیم ئیگ اِنت ،گڑا بزانیں تعلیم پہ جنین ئَ ھم ضروری اِنت ئُُ مردین ئَ ھم ضروری اِنت ئُُ دین ئِ بابتئَ کچ حلال ئُُ حرام ئُ جائز ئُُ ناجائزئَ پہ مردین ئُُ زالبول ئَ یک پیم علم ئِ شوھاز ئُُ زانگ فرض اِنت۔