استال ۔۔۔۔واحد صباء 

آزمان باز ڈولدار ات ۔پرچے کہ ماہ گوں یک استالے ءَ در اتکگ ات ۔اگاں آاولی شپ ءِ نوک ات یا بیست ءُُ نہمی شپ ءِ ماہ ۔استال ماہ ءِ در آیگ ءَ بہ گِر داں برکتی ءَ ہمرا ہ ات ۔اگاں کسے ءَ دوستی ءِ مثال بداتیں گڑا الم ءَ ھمے استال ءِ گوں ماہ ءَ نام گِرگ بوتگ ات ۔داں باز وھد ءَ آدوئیں ہور اتنت۔ بلے یک شپے مردماں ھمے سما کت کہ استال چہ ماہ ءَ شپ ما شپ دور بیگا انت ۔ماہ وتی اولی رنگ ءُُ ڈول ءَ انت بلے استال شپ ما شپ کستر بوان انت ءُُ جہل روان انت پدا یک ہنچیں شپے اتک کہ استال در نیاتک۔
نوں بس ھمے استال ءِ کسہ پشت کپتگ ات آوھدی کسانیں چکانی سراسپیت اتنت ءُُ آوانی پت ءُُ پیروکاں اے دگنیا یلہ کتگ ات ۔
یک مغربے کہ ماہ ءَ چاردہ ات روچ ءِ برکتی ءَ یک سُہرچکیں استالے دراتک بلے آاولی کسہانی چہرگ ءَ نہ ات ۔آباز لاگر ات ءُُ ہُورت ات۔روچ ءِ مُہری انگت است انت ۔وھدے شپ تہار تر بوت گڑا آشر چماں اتک پدا ماہ دراتک باز ڈولدار،بلے اے ھم بد بہتی اِنت کہ آئیءِ در آیگ ءَ گوں ماہگِر ءَ گپت ءُُ توامیں ماہ گار بوت ۔ہرکس ءَ کہ ھمے استال ءِ کسہ اشکتگ ات آ اوں پجّہ آؤرت کہ اے ھما استال انت کہ لہتیں سال پیسر ماہ ءِ ہوری ءَ در اتکگ ات ءُُ دوئیں پجّیگءَ برکت بوتگ انت ۔نوں لہتیں وھد انت کہ ماہ درکئیت بلے ھما استال گار انت ۔
مروچی آ پدا در اتکگ ،پیسر ءَ پیروکانی وھد ات ءُُ نوں نُماسگ چارگ ءَ اتنت ۔بلے یک فرقے است ات کہ پیسر ءَ آگوں ماہ ءَ ہور ات ءُُ مروچی استال ما ں روچ برکت ءَ ات ءُُ ماہ روچ در اتک ءَ ءُُ آئیءِ دیم مہگرءَ اندیم کتگ ات ۔
***