بنیادی صفحہ / پٹ ءُ پول / بلوچستان ئِ تہا اےم اےم آر ئُُ آئی اےم آر ئِ گےشی ئِ سوب ئُُ ھلت۔۔۔۔۔ےار محمد بادےنی

بلوچستان ئِ تہا اےم اےم آر ئُُ آئی اےم آر ئِ گےشی ئِ سوب ئُُ ھلت۔۔۔۔۔ےار محمد بادےنی

بلوچستان ملک ئِ ھما صوبہ انت کہ بلوچستان ئِ تہا MMR ئُُIMR چہ ملک ئِ دومی صوبہ ئُُ علاقہانی نسبت ئَ سک زےات انت ۔ بزان زھگ گندی ئِ وھد ئَ بلوچستان ئِ تہا ماس ئُُ زھگ سک باز بےران بنت ۔ اےشی بنےاتی سوب ئُُ ھلت اےش انت کہ بلوچستان ئِ تہا جان سلامتی ئِ بنےاتی آسراتی نےست انت ۔ چےاکہ بلوچستان ئِ مہلوک سک بزگ ئُُ غرےب انت ئُُ ےک بد حالےں زندے گوازےنگا انت ۔ آھاں ئَ زند ئِ ھچ وڑےں آسراتی نےست ۔ بلوچستان ئِ تہا ڈاکٹر نہ بوھگ ئِ برابر انت خاص کن گےناکالوجسٹ نےست ۔ انچو آپرےشن تھےٹرانی تہا آسراتی نہ بوھگ ئِ برابر انت ۔ آپرےشن تھےٹر ئُُ لےبر روم نہ بوھگ ئِ برابر انت۔ چرےشی ابےد زھگانی ڈاکٹر ھم نےست انچو زھگاں رکھےنگئِ سوجن جنگ ئِ ھم بندئُُ بست نےست ۔ ماس زھگاںئَ شِےر ئِ بدل ئَ پوڈر دےنت ۔ اے ہما بنےاتی مسئلہ ئُُ جنجال انت کہ چرےشی سوب ئَ زھگ گندی ئِ وھد ئَ بلوچستان ئَ گےشتر زھگ ئُُ ماس بےران بنت۔


وردن ئُُ وراک ئِ کمی ئِ سوب ئَ چاغی ئِ کسانےں زاھگانی جاور

پاکستان ہےلتھ ڈےموگرافک سروے ( پی اےچ ڈی اےس) ئِ ردا اے وھدی بلوچستان ئَ ( اےم اےم آر) ئِ ردا اولی نمبر ئَ انت بزاں زھگ گندی ئِ وھد ئَ 100000 ماس ئَ چہ 785 ما س بےران بنت ۔ انچو ملک ئِ دومی بہر ئُُ صوبہانی تہا ےک لکھ ماسانی تہا 272 ماس بےران بنت۔ بلوچستان ئِ تہا اے رےشو سک زےات انت ۔ بلوچستان ئِMMRئِ وڑا IMR ھم بلوچستان ئِ تہا ملک ئِ دومی بہرآنی نسبت ئَ ھم سک زےات انت ۔ بلوچستان ئِ تہا ےک ھزار زھگ ئِ ودی بوھگ ئِ وھد ئَ چل ئُُ نو زھگ بےران بےت ۔ ملک ئِ دومی صوبہ ئُُ علاقہانی تہا ھم چل ئُُ نو زھگ بےران بنت ۔ بلے ملک ئِ دومی صوبہانی آبادی بلوچستان ئَ چہ سک زےات انت ۔
بانک لطےفہ بی بی کہ آئی تعلق چہ نوشکے ضلع ئَ انت آئی ےک جنک ئِ دوی بوت بلے آ زندگ نہ منت ۔ دو سال ئَ پدآئی ئَ دگہ زھگ ئِ ودی بوت کہ آ بچکے ات ۔ بلے آ پےدائشی چہ چماں کور انت ۔ آئی ئَ چہ پد آئرا شش زھگ بوت بلے ہر شش زھگ وتی اولی سالروچ ئَ چہ پےش بےران بوت انت ۔ اے ےک ماس ئُُ پس ئِ حاترا مزنےں ارمانے گپے کہ آئی شش زھگ پدمہ پد بےران بوت انت ۔
بانک لطےفہ بی بی ئِ لوگ واجہ ئَ بلوچی زند ئَ گشت کہ نوشکے ےک پد منتگےں علاقہے انت ۔ اودا جان سلامتی ئِ ہچ وڑےں بنےاتی آسراتی نےست ۔ غرےبی ئِ سوب ئَ آ وتی زھگانی شرےں وڑے ئَ دارو درمان ھم کرت نہ کنت ۔ آئی ئَ گشت کہ من وتی زھگانی دارودرمان ئِ حاترا نوشکے ئِ ضلعی درمان جاہ ئَ دارودرمان ئِ باز جہد ئُُ کوشست کرت ۔ بلے منی اے کوشت ئَ منی زھگانی جان رکھےنت نہ کرت۔ من اےشرا وتی بد نصےبی گشت کنےں۔
بانک ماہ پری آئی تعلقداری ھم چہ نوشکے ضلع ئَ انت آ شکرے نا درآئی ئِ آماچ انت ۔ آئی ئِ سئے زھگ ودی بوتگ انت بلے شکر ئِ نادرائی ئَ سوب ئَ آئی ھر سے اےں زھگ بےران بوت انت ۔
ماہ پری ئِ لوگ واجہ منےراحمد ئَ بلوچی زند ئَ گشت چےاکہ آئی لوگ بانک شکر ئِ نادرائی ئِ آماچ انت ۔ آئی اولی زھگ زندگ انت بلے پدے سئے زھگ ودی بوھگا پد زوت بےران بوت انت۔ آئی ئَ گشت وھدے آئی ئَ وتی لوگ بانک ئِ دارودرمانے باروا نوشکے ئِ ڈاکٹراں گوں صلاح ئُُ سوج کرت۔ تو ڈاکٹراں آئرا صلاح ئُُ سوج دات کہ آ کوئٹہ ئَ وتی لوگ بانک ئِ دارودرمان ئَ بکنت ۔ بلے مالی لاچاریئِ سوب ئَ کوئٹہ ئَ وتی لوگ بانک ئُُ زھگانی دارودرمان نہ کرت۔
آئی ئَ گشت کہ نوشکے ئِ تہا نا دراہی آنی خاصےں سپےشلسٹ نےست ۔ مالی بزگی ئُُ لاچاری ئِ سوب ئَ کسے وتی نادر ا کوئٹہ ئَ دارو درمانے واستہ برت نہ کنت ۔
نوشکے ہسپتال ئَ تعلقداریں مڈوائف ماہ جبےن ئَ بلوچی زند ئَ گشت کہ غرےبی پد منتگی زالبولانی تہا معلومداری ئِ کمی ئِ سوب ئَ بلوچستان ئِ تہا MMR ئُُ IMR ئِ اےشو سک برز انت ۔ من وت اے چےز ئِ گواہی ئَ دےں کہ ہر روچ زھگ گندی ئِ سوب ئَ ماس بےران بنت ۔ چرےشی ابےد دومی مسئلہ اےش انت وھدے ماسئِ لاپ پر بےت آ وتی لاپ پری ئَ چےر دےنت ۔ ےک لاپ پرےں مات ئِ حاترا باز بنےادی چےزآنی گزر بےت کہ آئی جان سلامتی ئِ حےال ئَ بدارےت آئی وردن ئُُ وراک شر بہ بےت ۔ زھگ گندی ئَ چہ پےش آ مدام ڈاکٹرے گورا بروت وترا پےش بدارےت آئی ئَ گشت مہلوک گےشتر ھلک ئُُ مےتگاں آباد انت ۔ آھاں ئَ جان سلامتی ئِ بنےاتی آسراتی نےست انت۔پرائےوٹ ہسپتالاں روگ ئِ حاترا آھانی گورا زر نےست انچو سرکاری ہسپتالانی تہا بنےاتی آسراتی نےست انت اے ہما بنےاتی ھلت ئُُ سوب انت کہ چہ اےشانی سوب ئَ بلوچستان ئِ تہا روچ پہ روچ MMR ئُُ IMR گےش بوھاں انت۔
بلوچستان ئِ تہا زھگ گندیئِ جاور افغانستان ئِ وڑا باز نگےگ انت ۔ اے وھدی دنےا ئِ تہا درستاں چہ زےات MMR ئُُ IMR ئِ رےشو افغانستان ئَ برز انت ۔ بلوچستان افغانستان ئِ برابر انت۔نامدارےں گےناکالوجسٹ نائلہ احسان ئَ بلوچی زند ئَ گشت کہ انڈےا ،بنگلہ دےش ئُُ سری لنکا ئَ 100000 جنےنانی ئِ تہا 150 جنےن زھگ گندی ئِ وھد ئَ بےران بےت ۔ اے ہما نو ک دےما روکےں ملک انت کہ آھانی جنےن گےشتر وانندہ انت ۔ آھاںوتی MMR ئِ گر ئُُ دار کرتگ ۔ چےاکہ اے ملکانی جنےن وانگ ئُُ زانگ ئِ سوب ئَ اے سرپد انت کہ آھان ئَ گس ئِ بدل ئَ ہسپتال ئِ لےبر روم ئَ زھگ گندگی انت ۔ ہمے حاترا اے ملکانی تہا MMR ئِ اےشو کم بوھان انت۔
سری لنکا اے وھدی ہما ملک انت کہ اودا 100000 جنےنانی تہا اےوکہ 35 جنےن بےران بےت ۔ بزاں سری لنکا ئَ شرےں وڑے ئَ MMR ئِ گر ئُُ دار کرتگ۔

پروفےسر ڈاکٹر نائلہ احسان بےست سال ئِ چہ گےناکالوجسٹ ئِ تجربت دارےت آئی گشگ ئِ ردا MMR ہما وھد ئَ کم بوت کنت وھدے سرکار جنےنانی وانگ ئِ باروا دلگوش بدنت ۔ جنےن ئُُ زالبولانی تہا لاپ پری ئِ وھد ئَ معلومداری ودی کنگ بہ بےت ۔ تنکہ آ لاپ پری ئِ وھدئَ وتی مےڈےکل چےک اپ کنگ ئَ ھوار شرےں وردن ئُُ وراک بور انت۔ وےکسےن بکن انت لاپ پری ئِ وھد ئَ گرانےں چےز مہ زورانت ۔ زےات ئَ چہ زےات آرام بکن ات ۔


پروفےسر ڈاکٹر نائلہ احسان بلوچستان ئِ تہا اےم اےم آر ئُُ آئی اےم آر ئِ گےشی ئِ باروا گپ ئُُ تران کنگا انت

انچو مڈ وائف ئَ شرےں ھےل کاری دےگ بہ بےت تنکہ آ بلوچستان ئِ ھلک ئُُ مےتگانی تہا شرےں وڑے کار کرت بکن انت۔
انوں کوئٹہ ئَ ابےد بلوچستان ئِ ےک ئُُ دو شہرانی تہا سوزےرےن آپرےشن ئِ آسراتی است بلے بلوچستان ئِ دومی ھچ شہرے ئَ اے آسراتی نےست ۔ سوزےرےن آپرےشن ئَ چہ پےش آھاں ئَ انستےزسٹ ھون آپرےشن تھےٹر اےمرجنسی ئِ درا چےزآنی گزر بےت ۔ تنکہ آاےشی گرئُُ دار ئَ کرت بکن انت۔
انوں کوئٹہ ئِ دو مزنےں ہسپتال سنڈےمن سول ہسپتال ئُُ بولان مےڈےکل کمپلےکس ئَ ہسپتال ئَ ھرروچ کم ئَ چہ کم ھفتاد زھگ گندی لےبر روم ئَ بنت ۔ اےشانی تہا کم ئَ چہ کم 15 مزنےں آپرےشن کنگ بنت ۔ اے وڑا تئی گورا ےک ہسپتال ئَ 140 نادرا بنت بزاں ماس ئُُ زھگ ھر دو نادرا انت ۔ ہر دوا ےنانی حےال دارگ لوٹےت ۔ مئے گورا آپرےشن تھےٹر کم انت باز وھد ئَ انچو اےمر جنسی بےت کہ زھگ ئِ ماس ئِ لاپ ئِ تہا نپس بند بےت ےا دےر بوھگ ئِ سوب ئَ جنےن ئِ بچہ دانی آماچ بےت چےا کہ مئے گورا ےک آپرےشن تھےڑے تا ںوھدے آ فارغ نہ بےت ماں دومی نادرا شفٹ کرت نہ کناں ۔
اے درگت ئَ سرکار ئَ باھد انت زےات ئَ زےات آپرےشن تھےٹرئُُ ڈاکٹرآنی آسراتی بدے انت تنکہ زےات ئَ چہ زےات آپرےشن کنگ بہ بنت۔ تنکہ ماس ئُُ زھگانی زند رکھےنگ بہ بنت۔
بولان مےڈےکل کمپلےکس ہسپتال ئِ نامدارےں زھگانی ڈاکٹر عطاءاللہ بزنجو ئَ بلوچی زند ئَ گوں گپئُُ تران کناں ئَ گشت کہ ےک جان سلامتےں زھگ ءِ حاترا المی انت کہ آئی ماس جان سلامت بہ بےت ۔ وھدے چاگردے تہا ےک شرےں جان سلامتےں زھگ ئِ ودی بےت اےشی ئِ مطلب بزاں چاگرد جان سلامت انت آئی ئَ گشت کہ MMR ئُُ IMR ئِ بلوچستان ءتہا گےشی ئِ بنےاتی سوب اےش انت کہ بلوچستانئِ تہا جان سلامتی ئِ بنےاتی آسراتی نےست انت ۔


ڈاکٹر عطاءاللہ بزنجو بلوچسان ئِ تہا آئی اےم اےم آر ئِ گےشی ئِ باروا گپ گنگا انت

انچو ناوانندہ بوھگ ئِ سوب ئَ جنےنانی ئِ تہا معلومداری سک کم انت ۔ انچو مہلوک وتی زھگاں وےکسےن نہ کنت کہ آ بازےں نادرآنی آماچ بنت ۔ اے نادرآنی تہا سُورک، خرخٹی، گوگو، ترےنذک، زردوھی، سےاہ زردوھی، کُلگ، گواروی، ٹی بی ، پولےو ئُُ دومی نادرائی ھوار انت ۔اے درا وےکسےن زھگانی حاترا المی انت چرےشی زھگان جان رکھےنگ بوت کنت۔
انچو زھگانی جان سلامتی ئِ حاترا المی انت کہ آھانی وردن ئُُ وراک ئِ حےال دار گ بہ بےت ۔ کسانےں زھگ ئَ تاں شش ماہ ئَ اےوک ماس ئِ شےر دےگ بہ بےت ۔ دومی ہچ چےزے دےگ مہ بےت انچو تاں دو سال ئَ زھگ ئَ ماس ئِ شےرئَ ھوار دومی چےز ھم دےگ بہ بنت۔
اگں زھگاں وھدے سرا وےکسےن کنگ بہ بےت انچو آھانی وردن ئُُ وراک ئُُ صفائی ئِ حےال دارگ بہ بےت تو IMR ئِ رےشو کم بےت۔ اےن جی او ئِ کارندہ صائمہ کاسی ئَ بلوچی زند ئَ گشت اےن جی اوز ھم گوستگےں وھد ئَ MMR ئُُ IMR ئِ سرا باز کار کرتگ ۔ اے اےن جی اوز آنی تہا سےف دی چلڈرن ھوار انت کہ رندئَ بلوچستان ئِ تہا آئی کار کنگ ئِ سرا بندش جنگ بوت۔ MMR ئُُ IMR ئِ گےشی ئِ بنےاتی سوب ئُُ ھلت اےش انت کہ بلوچستان ئِ تہا جان سلامتی ئِ تک ئَ آسراتی نہ بوھگ ئِ برابر انت دارودرمان نےست آپرےشن ئِ تہا ساز ئُُ سامان ئِ کمی انت۔ وےکسےن وھدے سرا نہ بنت ۔
آئی ئَ گشت کہ بلوچستان ئِ ھلک ئُُ مےتگاں جان سلامتی ئِ بنےاتی آسراتی دےگ بہ بنت ۔ چوشکہ لےبر روم ، آپرےشن تھےٹر ، گےناکالوجسٹ، انستےزسٹ ئُُ زانتکارےں نرس ھوار انت ۔ انچو نےوٹرےشنئِ جاور ھم شر کنگی انت ۔ اے بنےاتی چےزآنی سرا کار بندگ ئَ چہ MMRئُُ IMR کم بوت کنت ۔
پی پی اےچ آئی اے وھدی بلوچستان ئِ بازےں ضلعانی تہا جان سلامتی ئِ پڑ ئَ کار کنگا انت ۔ اے ضلعانی تہا نوشکی ، کوہلو ، پنجگور، ژوب، سبی ، قلعہ عبداللہ، قلعہ سےف اللہ ئُُ خاران ئِ ضلع ھوار انت ۔
پی پی اےچ آئی ئَ بلوچستان ئِ بازےں ضلعانی تہا 653 جان سلامتی ئِ بنےاتی ےونٹ ئُُ 103 لےبر روم جوڑ کرتگ ۔ انچو 148 پےتالوجسٹ لےبارٹری ھم جوڑ کنگ بوتگ۔ انچو 78 اےمبولےنس بلوچستان ئِ بازےں علاقہانی تہا کار کنگا انت ۔ تنکہ بلوچستان ئِ مہلوک ئَ جان سلامتی ئِ پڑئَ بنےاتی آسراتی رست بہ کنت۔
پی پی اےچ آئی ئِ چےف اےگزےکٹو آفےسر عزےز احمد جمالیئَ بلوچی زند ئَ گُشت کہ پی پی اےچ آئی ئِ جہد ئُُ کوشت ہمےش انت کہ بلوچستان ئِ مہلوک ئَ جان سلامتی ئِ آسراتی برس انت ۔ آئی ئَ گشت کہ پی پی اےچ آئی ئِ بجٹ بلوچستان ئِ جان سلامتی ئِ محکمہ ئِ بجٹ ئِ اےوک چار در صد انت ۔ بزاں سک کم انت نہ بوھگ ئِ برابر انت اےشی ئَ ابےد پی پی اےچ آئی ئِ جہد انت کہ بلوچستان ئِ تہا MMR ئُُ IMR ئِ رےشو کم کنگ بہ بےت۔ ۔

ٍپی پی اےچ آئی ئِ چےف اےگزےکٹو آفےسر عزےز احمد جمالی بلوچستان ئِ تہا پی پی اےچ آئی ئِ آسراتےانی باروا گپ ئُُ تران کنگا انت

بلوچستان ئِ جان سلامتی ئِ سےکرٹر ی حافظ ماجد ئَ بلوچی زند ئَ گشت کہ بلوچستان ئِ تہا جان سلامتی ئِ آسراتی سرجم نہ انت آھانی تہا بازےں کمی است انت ۔ چوشکہ جان سلامتی ئِ آسراتی ئِ کمی دارودرمان ئُُ ساز ئُُ سامان ئِ کمی ، لےبر روم ئُُ آپرےشن تھےٹر ئِ نہ بوھگ گےناکالوجسٹ انستےزسٹ زانتکارےں داہی ئُُ نرس آنی کمی ھوار انت ۔ بجلی ئِ نہ بوھگ ھم ےک باز مزنےں مسئلہ ئے انت کہ بجلی ئَ ابےد آپرےشن بوت نہ کنت۔
چرےشی ابےد مالی بزگی نا وانندگی معلومداری ئِ نہ دارگ ھم مسئلہ ئُُ جنجالانی تہا ھوار انت ۔ بلوچستان ئِ تہا ضلعی ہسپتال محکم کنگ لوٹ انت ۔ آھانی ماڑی جوڑ کنگ لوٹ انت انچو بلڈنگ ئَ ھوار مونےٹرنگ ھم کنگ لوٹ انت ۔ اے ھما بنےاتی چےز انت کہ اےشانی سرا کار بندگ بہ بےت تو MMR ئُُ IMR ئِ گےشی ئِ گر ئُُ دار بوت کنت۔
دومی ےک مزنےں مسئلہ جان سلامتی ئِ پڑا اےش انت کہ سےاسی دست مانگےجی سک باز انت کہ ڈاکٹر نرس وتی ھند ئُُ جاہ آن کار نہ کں انت اےوک پگار گرانت بلوچستان ئِ بازےں ضلعانی تہا گےناکالوجسٹ نےست ڈاکٹر ئُُ نرس نےست درا ڈاکٹر کوئٹہ ئَ کار کنگ لوٹ انت ۔ اے حاترا بلوچستان ئِ دومی شہر ئُُ علاقہاں مسئلہ ئُُ جنجال سک باز انت ۔ ہما بچک ئُُ جنک وتی ضلع ئَ مےڈےکل ئِ سےٹ ئَ گرانت پدا وتی ضلع ئَ روگ نہ لوٹ انت ۔ اے ہما بنےاتی مسئلہ انت کہ اےشی سرا سکی ئَ کار بندگ بہ بےت تنکہ بلوچستان ئِ درا علاقہانی تہا ڈاکٹر ساڑی بہ بنت۔
او پی ڈی ئَ نادرائی چارگا ھوار آپرےشن ھم بکں انت ۔ چرےشی ابےد دومی مزنےں گپ اےش انت کہ جنےن ئُُ زالبولانی تہا معلومداری ودی کنگ بہ بےت کہ آ وتی ئُُ وتی زھگ ئِ جان سلامتی ئَ رکھےنگ ئِ باروا پو ئُُ سرپد بہ بنت مےڈےکل ئِ رھبندآنی سرا کار بہ بند انت ۔
٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*